mánadagur 1. oktober 2012síða 17

17 Mánadagur 1. oktober 2012 · Nr. 114 Sosialurin Hugskot og viðmerkingar – send sms til 225000 Ítróttarblaðið Jóannes Hansen Tað var Kaj Leo her og har og alla staðni, tá ið klaksvíkingar í góð­ veðrinum leygardagin vitjaðu í Sarpugerði. Kaj Leo í Bartalsstovu skoraði øll fýra málini í 4-3 Víkinga sigrinum á KÍ. – Eg havi ongantíð áður skorað fýra mál í einum og sama dysti í bestu deildini, so tað var rættuliga merkisvert, staðfesti 21 ára gamli bólt­snill­ingurin eftir dystarlok. Størsta hálið hjá honum undan leygar­degnum var í fjórða umfari í fjør. Tá vann Víkingur 6-0 á útivølli ímóti B71, og ta ferðina skoraði Kaj Leo í Bartalsstovu tríggjar ferðir Tey fýra málini leygardagin lyfta Kaj Leo fram á sætta plássið á mál­tindinum. Á fimta plássi er Christian R. Mouritsen, sum skoraði tvær ferðir í 3-1 HB sigrinum á TB og til­saman hevur skorað tólv ferðir í lands­kappingini. Triðja málið var brotsspark, sum Hjartvard Hansen tiltuskaði sær, tá ið hann varð feldur í gjøgnumbroti. Kaj Leo javnaði til 3-3, og fram ímóti dystarenda skoraði hann sigurs­málið eftir skjótt mótálop. Tá vóru bara tíggju klaksvíkingar á vøllinum, tí miðverjin Jógvan Isakasen varð vístur av vøllinum í sam­bandi við brotssparksdómin. – Vit vóru frammanfyri 2-0 eftir 1. hálvleik. Bæði málini vórðu skor­að úr stórari fjarstøðu. Í fyrra før­inum var ikki talan um serliga gott skot, men bólturin fór í málið. Í seinna førinum rakti eg bóltin ógvu­liga væl, og tað var heilt greitt besta málið, heldur Kaj Leo í Bartalsstovu. Vilja hava bronsuna Víkingur hevur alt kappingarárið verið millum tey fremstu. Til og við níggjunda umfar var Víkingur topplið og FM favorittur. So var úrtøkan soltnari. Kappingarárið varð bjargað við sigri í steypafinaluni. Harvið vóru atgongumerkini til europeisku kappingina næsta summ­ar tryggjað. Nú er Víkingur á fjórða plássi. Bronsukrónurnar eru ikki so langt burtur. HB og Víkingur hava 44 stig, men HB er á bronsuplássinum við betri málmuni - +22 hjá HB og +8 hjá Víkingi. KÍ er á fimta plássi við 42 stigum. – Vit hava møguleika at vinna bronsukrónurnar, og vit fara í Gundadal fyri at vinna. Tað gera vit hvørja ferð, men fyri okkum allar og felagið hevur tað stóran týdning, at vit vinna heiðursmerkir. Vit fara at leggja nógv fyri ímóti B36. So fæst at síggja, um ÍF megnar at gera nakað við HB, sum tykist vera sera væl fyri, sigur Kaj Leo í Bartalsstovu. Bæði í fjør og í 2009 endaði Víkingur á bronsuplássinum. Í 2009 vann Víkingur steypakappingina við finalu­sigri á EB/Streymi – á sama hátt sum í ár. Stutt eftir dystarlok í Sarpugerði leygardagin, tá ið Kaj Leo var liðugur at heilsa upp á mongu Víkinga­fjeppararnar, sum ynsktu til lukku við sigrinum og teimum fýra málunum, varð kunngjørt, at Kaj Leo í Bartalsstovu er millum teir 24, sum Lars Olsen hevur sent boð eftir at fyrireika seg til landsdystirnar á heimavølli ímóti Svøríki og Írlandi. Kaj Leo hevur nógvar altjóða royndir í yngru landsliðunum. Hann var í landsliðsferðalagnum í Týsk­landi 7. september. Tá var hann á beinkinum alla tíðina. Men tað man ikki fara at vera leingi, inn­ til Lars Olsen fer at geva honum fyrsta møguleikan á vøllinum. Venj­ aranum líkar væl spælarar, sum hava góðan bóltførleika, eru skjótir og hava gott skil fyri spælinum. Júst ein sovorðin spælari er Kaj Leo í Bartaltsstovu, sum leygardagin skoraði øll fýra málini fyri Víking. Hann var orduliga í hopla! Kaj Leo sum ongantíð áður Fótbóltur Eftir at hann fyri fyrstu ferð nakrantíð hevði skorað fýra mál í bestu deildini, fekk sera evnaríki miðvallarin Kaj Leo í Bartalsstovu hjá Víkingi landsliðsboð leygarkvøldið effo deildin 26. umfar Kaj Leo í Bartalsstovu skoraði øll fýra málini í Víkinga sigrinum á KÍ Mynd: Álvur Haraldsen Mynd: Álvur Haraldsen