fríggjadagur 5. oktober 2012síða 42

nr. 116 · 5. oktober 2012 6 VIKUSKIFTI TIPS FRÁ eydnu eydna@sosialurin.fo Gloym skógvarnar. Gloym taskurnar. Gloym smúkkurnar. Heitasta tilhoyrið í heyst og í vetur er neglalakkið! Á øllum mótavikunum hevur neglalakk havt ein týðandi leiklut í heyst- og vetrarmótanum. Vit síggja nógvar myrkar heystlitir, og metalliska neglalakkið hevur fingið eina uppreisn, so tað forslær. Somuleiðis eru samansettir litir og mynstur at síggja í vakrari og stuttligari neglalist Neglalakk, takk! Íblástur: Polkaprikkar, vertikalar linjur, negl í ymsum litum, sailor stílurin, ternut mynstur og litfagrar flowerpower negl er nakað av íblástrinum frá mótapallunum. Enda altíð við einum lagi av topplakki, so tað heldur betri. 1: Svampað Minnast tit svampaðu veggirnar við kontrastlitum, sum vóru supermodernaðir í 90'unum? Hetta er sama prinsipp. Mála alla neglina við einum liti og lat tað torna. Skræð eitt sindur av cellofan, rukka tað saman og mála tað leysliga við einum øðrum liti. Ikki nýta ov nógv neglalakk her. Trýst síðani varliga móti neglunum, inntil tað sær út, sum tú ynskir tær tað. Lat torna. Reinsa síðani tað av, sum er farið á húðina. 2: Helvt um helvt Fleiri sniðgevar nýttu júst hetta til teirra modellir. Mála alla neglina við einum metalliskum litið, gull ella silvuri. Lat tað torna. Legg eitt lag afturat, og lat so svart, matt neglalakk á ein lítlan make-up svamp. Byrja úti við neglaspíssjin og blanda varisliga tað svarta uppí tað metalliska - niðan á umleið hálva negl. Blanda at enda svart metalliskt neglalakk uppí tað mattsvarta heilt úti á neglaspíssjinum. Lat torna. Reinsa síðani tað av, sum er farið á húðina. 3: Metalliskt leopardmynstur Vit hava sæð djóraprintini í nakrar sesongir nú, men tað tykist vera ilt at fáa lívið av leopardinum, sum aftur í vetur verður at síggja. Mála alla neglina við einum metalliti, her gull. Lat torna. Mála síðani smáar blettir á neglina við brúnum metalliti. Lat torna. Mála at enda rundanum brúnu blettirnar við svørtum. Trý sløg av negla­ list, sum tú sjálv kanst gera: Litir: gult appelsingult myrkareytt brúnt myrkagrønt petrolium myrkablátt myrkaviolett svart grátt kopar gull Nýtt frá Dior Serliga krokodillu-effektin fekk nógva umtalu á mótasýningunum fyri heyst/ vetur 2012. Her metalliskt gull og matt armygrønt. Prei: Hvat við onkuntíð at skifta stokkarnar um við neglalakksgløs í bindiklubbanum? Tað er heilt víst eins hugnaligt, kreativt og stuttligt, sum at binda – syrg bara fyri góðari útlufting! Prei: Neglirnar skulu vera stuttkliptar – ongar langar vampýrnegl – og neglabondini skulu vera væl røkt.