fríggjadagur 26. mars 2004síða 6

10 Nr. 60 - 26. mars 2004 Nr. 60 - 26. mars 2004 11 Nú um dagarnar frættist, at bretskir skattamyndug- leikar eru tilreiðar at tosa við okkum um eina dupultskattaavtalu. Hetta eru góð tíðindi, nú tað áður hevur ljóðað, at tað fór ikki bara at vera sum at siga tað at koma á tal við bretar um henda spurn- ingin. Tað var m.a. formaðurin í áhugafelagnum hjá olju- feløgum, sum leita eftir olju og gassi undir Føroy- um, sum á eini oljuráðstevnu í Norðurlandahúsinum kom fram við hesum málinum og vísti á ónøgdina í sambandi við skatting av fólki, sum vóru her í olju- ørindum, at hesi blíva skattað frá fyrsta degi her. Hann helt fyri, at Fíggjarmálaráðið og táverandi landsstýrismaðurin høvdu ikki viðgjørt málið við nóg stórum álvarssemi. Eftir samgonguskiftið hevur so nýggi landsstýrismaðurin tikið málið uppaftur og má sigast, at arbeitt hevur verið skjótt og væl, tí longu nú er svar komið úr Bretlandi, um at man er sinnaður at taka málið upp. Tað er so bara at vóna, at nakað ítøkiligt fer at henda í málinum, tí ein dupultskattaavtala vil vera til stóran fyrimun fyri allar partar og loysa teir trupulleikar, sum eitt nú umboð fyri oljuvinnuna hava víst á. Uttan iva hevur maður okkara í London sín lut í, at tað nú er komið gongd á. Um hesa tíðina verður so eisini uppskot fyri 2. útbjóðing lagt fyri tingið. Áhugavert verður at frætta, hvussu tað sær út, tó at vit gita, at tað fer at líkjast nógv tí uppskoti, sum varð lagt fram á sinni undan 1. útbjóðing. Men tó verður áhugavert at vita, hvøjrar broytingar eru gjørdar og hvørji øki vera við í útbjóðingini. Ein má ganga út frá, at økið, sum verður boðið út, helst fer at líkjast tí, sum olju- feløgini herfyri vístu á í nominatiónini. Spurningurin er so, hvat vit kunnu vænta okkum av eini nýggjari útbjóðing. Ein kann siga, at hon kemur í eini ikki alt ov hepnari tíð, tá útbjóðing er í øllum grannalagnum eisini, ein er í bretskum øki, ein í norskum og entá ein í Grønlandi eisini. Spurning- urin er, um oljufeløgini hava orku og vilja til at bjóða bæði her hjá okkum og so í grannalagnum eisini. Men vit mugu so bara vóna, at útbjóðingin er so mikið áhugaverd, at oljufeløg fara at taka ímóti henni við opnum ørmum. Einki er at ivast í, at tað er sera umráðandi at fáa verandi og onnur oljufeløg til at halda fram við leitingini eftir olju og gassi á landgrunninum. Tað ringasta, sum kann henda, er, um vit líða somu lagnu sum Írland og Falkslands- oyggjarnar og lutvíst Grønland, har tað fyrst vóru boraðir fleiri brunnar fyri síðani at steðga heilt upp. Tað ræður um at halda momentum. Og tí seta vit okkara álit á, at Oljufyrisitingin hevur dugað og fer at duga at marknaðarføra tey nýggju økini. At miðvís marknaðarføring skal til í slíkum máli eisini er eingin ivi um. DAGSINS MEINING Sosialurin Dupultskattaavtalur og nýggj runda VIÐMERKINGAR Sosialurin Stovnaður: 1927 Ábyrgdarblaðstjóri: Jan Müller jan@sosialurin.fo Blaðstjóri: Eirikur Lindenskov eirikur@sosialurin.fo Fíggjarleiðari: Jákup Mørk jakup@sosialurin.fo Marknaðardeild: lysing@sosialurin.fo Jonhard Hammer jonhard@sosialurin.fo Durita Simonsen durita@sosialurin.fo Gudny Langgaard gudny@sosialurin.fo Finnbjørg Nattestad finnbjorg@sosialurin.fo Blaðfólk: Áki Bertholdsen aki@sosialurin.fo Eyðun Klakstein eydun@sosialurin.fo Edvard Joensen edvard@sosialurin.fo JónBrianHvidtfeldtjonbrian@sosialurin.fo Vilmund Jacobsen vilmund@sosialurin.fo Solby Eliasen solby@sosialurin.fo Dagfinn Olsen dagfinn@sosialurin.fo Magnus Gunnarsson maggi@sosialurin.fo Páll Holm Johannesen pall@sosialurin.fo Heini í Skorini heini@sosialurin.fo Terji Nielsen terji@sosialurin.fo Anna V. Ellingsgaard ave@post.olivant.fo Ítróttur: Jákup Mørk jakup@sosialurin.fo Terji Nielsen terji@sosialurin.fo Myndamenn: Álvur Haraldsen alvur@sosialurin.fo Jens Kristian Vang jensk@sosialurin.fo Sosialurin í Norðoyggjum: Postsmoga 231 Nólsoyar Pálsgøta 1, 700 Klaksvík tel. 458686 fax 458687 e-post: klaksvik@sosialurin.fo Sosialurin í Suðuroy: tel. 375364 fax 375464 tel. 220727 e-post: aki@sosialurin.fo e-post: dagfinn@sosialurin.fo Sosialurin í Eysturoy: Postsmoga 143, Saltangará tel. 447820 fax 449520 tel. 228909 e-post: vilmund@sosialurin.fo Sosialurin í Vágum: 360 Sandavágur tel. 333820, 220507 fax 333720 e-post: edvard@sosialurin.fo e-post: vagar@sosialurin.fo Uppseting/prent: Uppseting: Hestprent Prent: Prentmiðstøðin Útgevari: Sp/f Sosialurin Avgreiðsla: Mán.-frí. 8-16 Argjavegur 26, Tel. 341800, Fax 341801 Postadressa: Postboks 76, 110 Tórshavn E-mail: post@sosialurin.fo lysing@sosialurin.fo lysingartorg@sosialurin.fo varp@sosialurin.fo Blaðið verður prentað mánadag-fríggjadag klokkan 1400 Lýsingar Freistir: Tekstlýsingar Størri lýsingar Lýsingartorgið Heilsanir Týsdagsblaðið Mán.kl. 10 Frí. kl. 15 Frí. kl. 12 Frí. kl. 12 Mikudagsblaðið Týs. kl. 10 Mán. kl. 15 Mán. kl. 12 Mán. kl. 12 Hósdagsblaðið Mik. kl. 10 Týs. kl. 15 Týs. kl. 12 Týs. kl. 12 Fríggjadagsblaðið Hós. kl. 10 Mik. kl. 15 Mik. kl. 12 Mik. kl. 12 Leygardagsblaðið Frí. kl. 10 Hós. kl. 15 Hós. kl. 12 Hós. kl. 12 Størri lýsingar, sum nógv arbeiði stendst av, mugu vera inni í góðari tíð og áðrenn ásettu freistir. Framíhjápláss má umbiðjast í góðari tíð. Stødd: Ein heil síða í Sosialinum er 254 mm breið og 346 mm í hædd. Breiddin á einum teigi er 39mm og rúmið millum teigarnar er 4mm. Innsent tilfar Fult navn skal vera undir innsendum tilfari. Innsendar greinar, har blaðleiðsl- an ikki er kunnað um bústað og telefonnummar, verða ikki settar í blaðið. Jógvan Jacobsen Erling Simonsen biður um aftursvar og her er tað. Hvat verður øðrvísi við sjálvstýri spyr Erling Simonsen. Hann førir m.a. fram, at hann ger sum hann vil og at makthavararnir gera tað sama. Í løtuni hava landsins politikkarar, makthavarar- nir, tveir harrar, Føroya fólk og donsku stjórnina. Tveir harrar, sum hava mótstríðandi áhugamál. Gera føroyingar ikki sum danska stjórnin vil, kann tað fáa avleiðingar fyri danska studningin til Føroya. Tað ber ikki til at tæna tveimum harrum. Harvið er núverandi skipan, heimastýrisskipan- in, korrupt. Føroyingar kenna seg kroystar at stuðla donskum áhugamálum og harvið at misrøkja føroysk. Henda korrupta heima- stýrisskipanin hevur m.a. við sær, at korruptión verð- ur góðtikin í føroyska sam- felagnum. Og hetta fær ræðuligan fylgjur fyri sam- felagið og vanliga føroy- ingin. Tak t.d. studnings- búskapin í 80-árunum. Korruptión av fúlasta slag og vanligi føroyingurin var taparin. Erling Simonsen skilur kanska nú, at føroysku makthavararnir ikki eru so frælsir, sum hann førir fram. Føroyskir makthavar- ar eru beinleiðis bundnir niður av donskum pengum og áhugamálum. Á dett frælsi. Tá vit fáa sjálvstýri er eingin blokkur longur. Eingir danskir pengar at binda føroyskar politikk- arar niður við og eingin grund hjá føroyingum at góðtaka korruptión longur. Eitt munandi frælsari sam- felag eftir mínum tykki. Men við fullum sjálvstýri kemur eisini rætturin hjá føroyingum at taka lut í t.d. altjóða kappingum. Sum borgarar í sjálv- støðugum fullveldisríki sleppa føroyingar, á sama hátt sum borgarar í øðrum fullveldisríkjum, at taka lut í t.d. Olympisku leikunum. Føroyingar sleppa at um- boða sína egnu tjóð á jøvnum føti við umboð fyri aðrar tjóðir. Einki er at ivast í, at hetta hevði verið føroyskum ítróttarlívi til stórt gagn. Sum borgarar í Føroyska fullveldisríkinum hava før- oyingar fullan rætt til at taka lut í t.d. Eurovision Song Contest. At umboða sína egnu tjóð og kappast á jøvnum føti við umboð fyri aðrar sjálvstøðugar tjóðir. Eg ivist ikki eina løtu í, at føroyingar hava stóran møguleika at vinna hesa stóru tónleikakappingina. Hetta hevði gagnað før- oyskum tónleikalívi nógv. Rætturin at taka lut í hesum og øðrum kapping- um er sjálvsagdur eftir at føroyingar hava loyst og skipað egið fullveldisríki. Og føroysk umboðan í so stórum altjóða kappingum hevði gagnað føroyskum vinnilívi nógv. Men tað sleppa vit illa í dag. Sum er kunnu føroyingar, um teir sleppa ígjøgnum nálar- eygað, sleppa at umboða eina fremmanda tjóð. Men nálareygað er lítið. Núver- andi skipan virkar ikki mennandi, men heldur darvandi fyri føroyingar, sum vilja sleppa at menna seg t.d. innanfyri ótrótt og tónleik. Samanumtikið hevði fult sjálvstýri gagnað føroysk- um vinnulívi, ótróttarlívi og tónleikalívi nógv. Nú- verandi skipan virkar darvandi og afturhaldandi. Men um Erling Simon- sen heldur vil selja seg og sínar landsmenn fyri tveir pakkar av grønum keks um dagin stykkið, og liva í einum korruptum sam- felagi við fólkaræðisligum undirskoti, sum harafturat virkar darvandi fyri ítrótt- arfólk og tónleikarar, so hann um tað. Eg vil ikki. Eg vil liva í einum fræls- um Føroyum. Og tað kunnu vit øll, um vit vilja. Tað snýr seg bara um viljan. Við frælsiskvøðu, p.s. Orðini "Sjálvstýri er frælsi" er ikki mín egna meining, men mín tulking av orðum Jóannesar Eides- gaardar. Eftir mínum tykki eru sjálvstýri og frælsi hvørt sítt hugtak við hvør sínari merking. Hugtøkini hanga tó tætt saman. KONSERT Tíðindaskriv Orfeus: Næsta klassiska konsertin í Orfeus-røðini verður 1. apríl, tá ið Monica Stauss Joensen og Ólavur Jakobsen fara at spæla verk fyri ávikavist fiól og guitar. Hendan Orfeus konsertin verður merkt av italskum tónum og verk verða leikt eftir m.a. Tartini, Giuliani og Paganini, ið bæði var frálíkur guitar- og fiólleik- ari. Umframt italska tónleik- in, eru eisini smærri verk á skránni. Tónleikur eftir Villa-Lobos úr Brasilia, Czardas úr Ungarn, og skemtiligur og lættur tónleikur eftir William Kroll, verður at hoyra. Monika og Ólavur fara eisini at framføra hvør sítt soloverk á ávikavist violin og guitar. Monika leikar verk skrivað til hennara av amerikumanninum Frédé- ric Balazc, meðan Ólavur vendir sær til italska úr- mælingin Mauro Giuliani, og framførir eitt av hansara tórførastu verkum. Konsertin verður í Klingruni 1. apríl klokkan 20. Tað sum sjálvstýri gevur Aftursvar til Erling Simonsen Guitar og fiólkonsert í Orfeus-røðini KJAKFUNDUR Tíðindaskriv Í kvøld, fríggjakvøldið, skipar Føroyskt Lógar Rit fyri almennum kjakfundi á Vertshúsinum í Havn. Heit- ið á fundinum er: Stýrisskipan, valskipan og fólkaræði Pallborðsluttakararnir legga fyri við uppleggum sum grundarlag fyri kjak- inum. Við pallborðið sita: Sjúrður Rasmussen, løgfrøðingur Malan Jóhansen, búskaparfrøðingur Sigmundur Ísfeld, stjórnarkønur Orðstýrari er Birta Biskopstø. Eftir kjakfundin spæla Jónas og Eyðun. Kjakfundur um stýrisskipana BLÁI KROSSUR Tíðindaskriv Komandi vikuskiftið 26. - 28. mars skipar Blái Kross- ur Føroya fyri árliga aðal- fundinum, sum í ár verður hildin í missiónshúsinum á Glyvrum. Evnið fyri aðal- fundin er »Blái Krossur Føroya 100 ár« í sambandi við, at tað í ár eru 100 ár síðani, at Blái Krossur festi rót í Føroyum. Og fyri at hátíðarhalda 100 ára føð- ingardagin, verður gjørt eitt sindur meira burturúr enn vanligt. Alt vikuskiftið verður skipað fyri nógvum áhugaverdum og spennandi tiltøkum, bæði fyri ung og eldri og Blái Krossur legg- ur dent á, at øll tiltøkini eru almenn, so øll eru hjarta- liga vælkomin, bæði blá- krosslimir og ikki blákross- limir… Ungdómsløta við pizza Tiltøkini byrja longu fríggjakvøldið kl. 20.00 við eini ungdómsløtu, har Tor- leif Johannesen talar, Jákup & Mariann syngja og filmur verður vístur. Seinni um kvøldið verður bjóðað til pizzabuffé v.m. Leygar- morgunin kl. 11.00 verður ein afturlítandi áhugatími, har Jóhs. Andr. Næs fer at greiða eitt sindur frá blá- krossøguni. Eftir døgurða kl. 14.00 verður sjálvur aðalfundurin á skránni, har skráin verður smb. viðtøk- um felagsins. Kl. 16.00 verður skipað fyri einum spennandi pallborðið, har evnið er "Rúsdrekkament- anin um 20 ár". Við pall- borðið sita umboð fyri Bláa Kross, Fráhalds-ráð Føroya og Jógvan á Lakjuni, mentamálaráðharri. Veitsludøgurði Leygarkvøldið kl. 19.00 verður, sum nakað heilt serligt, skipað fyri einum spennandi veitslu-døgurða í sambandi við, at Blái Krossur fyllir 100 ár. Á skránni verður bæði gaman og álvara m.a. fer Bergur D. Joensen, prestur at hugleiða um evnið "Kristintrúgv og sosialábyrgd", ymiskir sangbólkar luttaka við sangi og spæli, Jacob Høj- gaard fer at líta aftur á ymiskt, ið hann hevur upp- livað sum blákrossari og Egil Olsen fer at skipað fyri undirhaldi. Familjumøti við føðingardagsgávum Sunnumorgunin kl. 11.00 verður gudstænasta við altargongd í Glyvra kirkju, har prestarnir Sverri Stein- hólm og Meinhard Bjarta- líð luttaka. Kl. 14.00 verður familjumøti - eisini í Glyvra kirkju - við luttøku av m.a. Annelisu Rasmus- sen, Anngelu og barnakóri. Øll børn fáa eisini eina spennandi føðingardags- gávu frá Bláa Krossi!!! Hugnalig samvera Tiltøkini í sambandi við 100 ára aðalfundin enda sunnukvøldið kl. 18.00 við hugnaligari samveru, har skráin eisini er fjølbroytt og spennandi: Nýggi aðal- skrivarin í heimamissiónini Vagn Foldbo talar um evnið: "Guðs kærleiki til menniskju, okkara kærleiki til næstan". Frágreiðing um arbeiðið hjá Bláa Krossi verður framløgd saman við framtíðarætlanum og kór úr Leirvík luttekur. Sverri Steinhólm, landsnevndar- formaður endar og inn- savnan verður til blákross- arbeiðið. Eivind Jacobsen Form. HSF Seinastu vikuna hevur nógv verið tosað um útlendsk ítróttarfólk í Føroyum. Nógvar ymiskar upplýs- ingar er komnar fram. Fyri at lýsa málið betri verða hesar reglur settar á prent. Nú í nógv ár hava ítrótt- arfeløg styrkt seg við út- lendskum leikaraum. Hetta byrjaði fyri minst 25 árum síðan. T.d.leikti David Jones við ÍF í 1979. Fram til 2001 hevði eingin nakað ímóti hesum. Fram til 2001 høvdu ítróttarfólk í praksis frítt at koma til Føroyar. Einasta treytin var játtan frá arbeiðsgevara um arbeiði fyri eina løn, sum var á hædd við eina arbeiðs- mannaløn. Hóast hesar sera liberalu reglur var eingin innrás av útlendingum. Í 2001 kendi Bjarni Djurholm seg noyddan at broyta mannagongdina við- víkjandi arbeiðsloyvi til útlendingar. Arbeiðsloysi var sera lágt og nógvir út- lendingar vóru í Føroyum. Meini eisini at okkurt úttalilsi frá løgregluni var um allar útlendingarnar, sum vóru í landinum. Eingin visti tá við vissu, hvussu nógvir útlendingar vóru í landinum og var tað sjálvandi ein trupulleiki. Men nú skjótt 3 ár seinni er einki broytt. Eingin veit við vissu hvussu nógvir útlendingar eru í Føroyum. Hetta hóast allar umsøknir skulu umvegis Vinnumála- stýri. Hetta er sera undar- ligt. Við øllum teldum vit hava í dag, átti hetta ikki at verið ein trupulleiki. Tað er púra burtur við at landsum- sitingin ikki hevur tamar- hald á hesum. Tað er sera bíligt og púra burtur við at skylda upp á danskarar. Broytta skipanin í Vinnumálastýrinum gjørdi, at áðrenn Vinnumálastýri gav sítt viðmæli til eina umsøkn um arbeiðsloyvi var kravt av arbeiðsgevar- anum, at hann hevði spurt hjá ALS um føroysk ar- beiðsmegi var tøk. Kundi arbeiðsgevarin prógva at hann hevði spurt hjá ALS og at eingin føroysk ar- beiðsmegi er tøk, so við- mælir Vinnumálastýri van- liga umsøknini. Í praksis fylgir Udlændingestyrelsen altíð avgerðini hjá Vinnu- málastýrinum. Arbeiðs- loyvi er galdandi fyri 1 ár. Fyri at endurnýggja ar- beiðsloyvi skal søkjast av nýggjum. Mannagongdin er tann sama, um talan er um umsøkjara, sum søkjur fyrstu ferð, ella um ein um- søkjari longu hevur arbeitt í eitt ella fleiri ár í Føroyum. Hesar treytir tryggja, at útlendsk arbeiðsmegi ong- an møguleika hevur at taka arbeiði frá føroyingum. Nú arbeiðið í landinum minkar fer Vinnumálastýrið at frá- mæla at arbeiðsloyvi verða givin útlendingum. Vansin við hesum er at ítróttarfeløg missa møguleikan, sum tey annars hava havt í meira enn 25 ár, at brúka útlendskar leikarar. Hvat tjena ítróttarfólk í Føroyum Útlendingar, sum íðka ítrótt í Føroyum, tjena ikki nógv- ar pengar. Teir fáa eina samsýning sum kanska svarar til 2-4.000 um mán- an. Onkur fær meira og onkur fær minni. Tað er avgerðandi neyðugt at hesi fólk hava eitt arbeiðið við síðuna av. Ítróttarfeløgini megna ikki at gjalda 10.000 pr. mána til leikarar. Tað ber til at finna útlendsk ítróttarfólk, sum vilja koma her og eru nøgd við minni løn enn hetta. Men ein treyt fyri arbeiðsloyvi er, at lønin er á hædd við eina ar- beiðsmannaløn. Hendan treytin er rímulig, tí annars kann tað henda at vit fáa bíliga arbeiðsmegi til landið. Tað gagnar ongum og er til skaða fyri limirnar hjá Arbeiðsmannafeløgun- um. Serskipan fyri ítrótt er neyðug Av tí at ítróttarfeløg ikki hava ráð at gjalda løn til leikarar verður úrslitið, um eingin serskipan verður gjørd, at eingi útlendingar leika hondbólt í Føroyum. Tað eru so vítt eg veit bert tveir útlendskir venjarar í leika hondbólt, sum lúka hesar treytir. Annar av teimum sigur, at fær konan ikki arbeiðsloyvi so kemur hann ikki aftur og hin veit ikki. Sostatt flyta allir uttan ein av landinum. Hetta verður til óbótaligan skaða. Primitiv nationalisma Høgni Hoydal gjørdi saman við Bertel Haarder eina skipan sum, um hon var sett í verk, hevði hjálp ítrótt- arfeløgunum sera nógv. Men Jógvan við Keldu hevur sagt, at tað kemur ikki upp á tal at seta hesa skipan í verk. Hví hendan skipan ikki kann setast í verk er trupult at skilja. Væl veit eg, at tað finnast fólk, sum ynskja allar út- lendingar av landinum. Somu fólk síggja muslimar allastaðni. Men her haldi eg at tey síggja trøll á ljósum degi. Meti heilt avgjørt at tað bert er ein lítil minniluti sum stuðlar slíkari primi- tivari nationalismu. Tí átti ikki at verið neyðugt hjá Jógvan við Keldu at lurta mest eftir teimum og minst eftir ÍSF. Talan er ikki um flótta- fólk, sum vit ongantíð sleppa av aftur við. Vit tosa um fólk sum skulu hava arbeiðsloyvi. Tey kunnu sendast av landinum nær tað skal verða. Tí er eingin trupulleiki. Nógv tosa uttan at vita Tað hava verið nógv út- talilsir at hoyrt. M.a. frá FA og HA. T.d. er nevnt at hækka áramálið soleiðis at tað skal taka 7 ár heldur enn 5 ár at fáa ríkisborg- arararætt. Tey áttu at vita at tað langt síðan er broytt og at treytin í dag er 7 ár. Hetta boðar ikki frá sakligum orðaskifti. Eisini er trupult at skilja at limir hjá FA og HA verða bólkaðir eftir um teir eru føroyingar ella út- lendingar. Eg trúði at allir limir vóru líka. Men tá formenn kunnu útala seg um, at summir limir taka arbeiði frá øðrum limum er tað helst munur á monnum. Útlendingar koma sambært galdandi reglum bert um arbeiðsgevarar hava tørv á teimum. Tí áttu teir at havt somu rættindi sum øll onnur, meðan teir eru her. Meti at hetta minnur mest um rasismu. Tað at arbeiðsgevarar taka útlendingar fram um føroyingar til arbeiðis eiga tey at tosa við arbeiðsgev- ararnar um. Kann verða at teir hava eina frágreiðing. Um teir ikki hava tað, hevur viðkomandi arbeiðsgevari ein trupulleika. Tað ber ikki til at tosa alment um trupul- leikar uttan at leggja prógv á borið. Tað átti eisini at verið ein skylda at siga frá á rætta stað. Heldur enn at koma við rasistiskum úttalilsum áttu FA og HA at arbeitt fyri sínum limum. Hetta tykir mær sum at hoyra línu- menn tosa um troling á landleiðini fyri 10 árum síðan. Tað byggir einki land. Ímeðan vit sita hend- ur í favn og tosa og skylda upp á tey sum ikki skilja okkara mál og tí ikki kunnu svara fyri seg, fóru seinasta ár uml. 1000 arbeiðspláss óvirka av landinum. Men tað kostar sjálvandi at- kvøður at tosa Ingeborg og Hans ímóti og tí kann ikki roknast við at nakar politik- ari torur at tala at. Jógvan við Keldu sigur seg vilja herða reglurnar. Men Jógvan við Keldu hevur als einki gjørt. Somu reglur, sum settar vóru í gildi í 2001 eru í gildi í dag. Tí hevur Jógvan við Keldu ikki gjørt nakað sum helst. Og tað sum hann ætlar at gera er at linka verandi reglur. Hetta hóast at tann sum ætlandi skal fáa fyri- mun av hesum, altso ÍSF, ikki tekur undir við hesum. Bert spell at fjølmiðlarnir ikki eru meira vaks í hesum máli. Tað hevði forðað fyri at landsstýrismenn o.o. kunnu sleingja við pá- standum, sum tæna egnum áhugamálum, hóast hald ikki er í teimum. Tað hevði eisini gjørt at ein saklig avgerð varð tikin. Líka mikið hvat tann avgerðin so hevði verið. P.S. ÍSF og HSF kunnu sum ítróttarfelagsskapir ikki blanda politik upp í málið og noyðast at verða so sak- ligir sum til ber og kunnu tí ikki upplýsa á jøvnum fóti. VIÐMERKINGAR Útlendsk ítróttarfólk 100 ára føðingardagur á Glyvrum C M Y K 11 10