mánadagur 15. oktober 2012síða 15

15 Mánadagur 15. oktober 2012 · Nr. 120 Sosialurin Hugskot og viðmerkingar – send sms til 225000 Ítróttarblaðið A-landsliðið føroyar - svøríki 1-2 ørindini av vøllinum, har hann annars hevði havt sjey skot, harav fýra upp á mál og eitt í málið, umframt sjálvandi eitt upplegg til mál. At hann er bæði so tápuligur og tollutur, at hann fer at reypa av síni inntøku og hvørt av sínum í kjaftasliti við okkara lið­for­mann, fær tó ikki tikið frá mann­inum, at hann einsamallur er næstan helvtin av svenska lands­ lið­num, sum tað spælir í løtuni. Ei undur í, at svensku bløðini stað­festu hetta í yvirskriftum og aðrastaðni. »Takk, góði Guð, fyri Zlatan«, skrivaði Marjan Svab í Helsingborgs Dagblad, og í Upsala Nya Tidning staðfesti Erik Jansson, at »tað einasta, ið ræður Týsk­land, er Zlatan Ibrahimovic«, og sipaði til dystin í annaðkvøld, tá svensk­ ararnir skulu vita, um teir standa seg líka væl ímóti Týsklandi í Týsk­ landi sum Føroyar. Ringur írskur hýrur At írar í annaðkvøld eru í ringum skør­um undan dystinum, bleiv longu staðfest fríggjakvøldið, tá teir á heimavølli sóu næstan út sum eitt ússaligt sett í tennis, tá Týskland skoraði til 6-0, áðrenn Írland fekk pyntað við einum einsamøllum máli. Særd djór eru altíð vandamikil, so tað ræður um at ansa sær, so okk­ ara menn ikki brádliga síggja Írland sum »undirhundar«, ið vit lættliga klára at forkoma, tí tá vita vit, hvat tað endar við. Skal eitt gott úrslit fáast ímóti Írlandi, mugu áskoðararnir vera minst líka væl við, sum teir vóru tað fríggjakvøldið – og helst meira! Enn vantar eitt sindur í, áðrenn 5.080 føroyingar á Tórsvølli ljóða líka væl, sum 508 gera tað á útivølli í Hannover, so her er eisini nógv at arbeiða við uttan fyri sjálvan vøllin. Vit áskoðarar eiga at klappa fyri hvørjari vunnari takling og hvørjum vunnum bólti, og so ger einki, um eitt sindur meira verður sungið og rópt, tí spælararnir hoyra tað og merkja tað, og teir klára altíð at kýta seg eitt sindur aftrat, um teir kenna hitan frá fjøldini kring vøllin! Eisini kunnu vit gleðast um, at hetta er ein nýggjur dystur og tí eis­ini ein nýggjur dómari, tí tað var verri enn so alla tíðina, at grikski Anastasios Sidiropoulos kendi mun á rangum og røttum. Serliga í fyrra hálvleiki spilti hann spælið ríkiliga ofta, men tí­ betur batnaði tað eitt sindur eftir steðgin. Ein øgiliga fyrrverandi lands­liðsspælari segði tað so gott, tá onkur av føroyingunum ta einu ferðina royndi at venda sær til dóm­aran á enskum máli: »Tosa bara skandinaviskt, tí hann má vera svenskari…« Samanumtikið var talan um eitt framúrskarandi gott avrik hjá okk­ ara monnum, har eingin spældi illa og summir spældu fantastiska væl. Helst var hetta besti dysturin hjá føroyingum á heimavølli í longri tíð, og nú er so at vóna, at tað riggar aftur í annaðkvøld. Vit vita, at tveir so krevjandi dystir og so stutta tíð eru tungir hjá okkara monnum, ið ikki eru vanir við tað, men vit vita eisini, at teir duga minst líka væl at bíta tennirnar saman og stríðast til síðsta blóðsdropa sum nakar annar. Tí gleða vit okkum til enn eina ferð at fara mansterk á Tórsvøll at njóta landsliðið – og vónandi at fáa bæði mál og stig! hilmarjan@sosialurin.fo Keðilig løta Júst støðan, tá Svøríki javnaði til 1-1, var tann ringast hugsandi, tí tá vóru vit í minniluta, eftir at onk­ur – helst óargaungin, Zlatan – hevði givið Jónasi (2) ein alboga í and­litið, so hann mátti fáa pentur, og ta støðuna útnyttaði júst Zlatan til fulnar Myndir: Álvur Haraldsen Mynd: Álvur Haraldsen