mánadagur 15. oktober 2012síða 17

17 Mánadagur 15. oktober 2012 · Nr. 120 Sosialurin Hugskot og viðmerkingar – send sms til 225000 Ítróttarblaðið Tróndur Arge – Tórsvøllur Meðan svenskir miðlar lovprísa Zlatan Ibrahimovic fyri at hava bjarga svensku æruni, so sita før­ oysku landsliðsleikararnir eftir við einum ringum smakki í munn­inum. Zlatan Ibrahimovic er ein heims­ stjørna og at tapa fyri hansara fram­úr fótbóltsevnum er ongin skomm. Men tað var mátin útjavnandi málið kom, ið serliga gevur ringan smakk í munnin, og fyri Jónas Tór Næs gav tað beinleiðis blóðsmakk í munnin. Í samband við fríspark fær Jónas ein alboga frá einum svensk­ um leikara og liggur eftirá. Hóast blóðið rennur úr munninum á før­ oyska verjuleikaranum, so letur dómarin spælið koyra. Hann um­ hugsar heldur ikki at bríksla fyri frí­sparki og revsa brotsgerðina. Tað er Mathias Ranegie, sum slær út eftir Jónasi. – Eg skilji ikki hví dómarin ikki steðgaði dystinum. Eg síggi bara at eg fái ein alboga í høvdið. Eg havi ikki sæð støðuna umaftur, men sum eg minnist hana, so kundi tað gott verið eitt reytt kort, sigur Jónas, sum fór á skaðastovuna eftir dystin Jónas má av vøllinum eftir hend­ ingina og tað er í tí løtuni, at Svøríki javnar við máli, sum Alexander Kacanikilic skorar stutt eftir fram­ úr góða avlevering frá Zlatan Ibrahimovic. Tað er júst á okkara høgra­bakks plássi, har Jónas Tór Næs spældi, at innskifti Fulham leik­arin stendur leysur og skorar. Fáa ikki bóltin Svøríki kemur væl frá byrjan í dyst­inum og okkara megna sjáldan at fáa fatur á bóltinum. Serliga á miðvøllinum gongur illa at vinna annan bóltin. Fróði Benjaminsen fær gult kort, Hallur Hansson fær ikki fatur á bóltunum og Christian Lamhauge Holst hevur sína ringastu løtu í dystinum. Sum hálvleikurin gongur, so kemur føroyska liðið betri við. Símun Samuelsen brýtur ígjøgnum í vinstru síðu tvær ferðir og leggur innfyri. Fróði og Hallur byrja at vinna fleiri og fleiri bóltar, meðan Lamhauge maðurin finnur seg sjálv­an aftur. Í verjuni seta Odmar Færø og Rógvi Baldvinsson seg í gjøgnum. Vóru vit eitt sindur hepnari og neyv­ari, so fekk Andreas Isakson seg royndan í svenska málinum. Mál! Góðar tíggju minuttir inn í seinna hálvleik kemur Føroyar á odda. Eftir at okkara hava havt bóltin eina løtu fáa vit innkast í høgru síðu. Jónas Tór Næs kastar innfyri. Har fara Pól Jóhannus Justinussen og tveir svenskarar upp at skalla. Tað endar við, at ein hart kroystur Jonas Olsson stútar bóltin til Rógva Baldvinsson, sum temur bólt­in og smekkar umgangandi til. Hann rakar bóltin væl og Andreas Isakson hevur ongan møguleika at bjarga. 1-0! Í tíggju minuttir spælir føroyska liðið fantastiska væl. Svøríki setur ferðina upp, men okkara eru mentir at standa ímóti. Tað skal ein brotsgerð og ein genial avlevering til, fyri at knekka føroysku verjuna. Genialu av­lever­ ingina eigur Zlatan og hana kunnu vit einki gera við, men tað er ikki í ordan, at Svøríki fær fyrimun av, at Mathias Ranegie langar til ein av okkara leikarum. Avgerandi málið er eisini óhepp­ ið fyri okkara. Vit hava tveir møgu­ leikar at rudda bóltin vekk, men báður ferðir endar hann hjá teimum gulu og bláu. Skjótt og gott spæl endar við, at Zlatan Ibrahimovic, á kantinum til rangstøðu, verður púra leysur móti Gunnari Nielsen, sum ikki megnar at avlesa og steðga Zlatan í at leggja gestirnar á odda. Góðkent Seinastu løtuna drála svensku leik­ararnir og tað sigur nógv um føroyska avrikið. Svenkarnir vóru fjáltur­stungnir og vildu bara sleppa av vøllinum sum skjótast. Okkara megnaðu fleiri ferðir at trýsta svenska liðið langt aftur og vit høvdu long innkøst, gjøgnumspæld álop og deyðbóltsstøður, sum vóru nær við at skapa vandastøður frammfyri svenska málið. Sum heild er føroyska lands­liðs­ avrikið avgjørt góðkent. Talan var ikki um nakað heiðurligt tap, men heldur um eitt ergriligt tap. Vit spældu upp við Svøríki og tað skulu allir leikararnir og venjararnir hava rós fyri. Verður hetta avrikið týskvøldið, so kann tað gott hendan seg, at tað verður stong inn – og ikki alboga út sum fríggjakvøldið. trondur@sosialurin.fo A-landsliðið føroyar - svøríki 1-2 Føroyar - Svøríki í tølum 8(3) Skot (á Mál) 14(7) 14 Gjørd fríspørk 11 3 Hornaspørk 7 1 Rangstøður 2 50% Spælbýti 50% 3 Gul kort 1 0 Reyð kort 0 11 Bjargingar 3 (ESPN) Føroyar - Svøríki 1-2 (0-0) 1-0 Rógvi Baldvinsson, 57 1-1 Alexander Kacaniklic, 65 1-2 Zlatan Ibrahimovic, 75 Tórsvøllur: 5079 áskoðarar Føroyar: Gunnar Nielsen - Jónas Tór Næs, Rógvi Baldivinsson, Odmar Færø, Pól Jóhannus Justinussen - Daniel Udsen(Hjalgrím Elttør 85.min), Hallur Hansson(Súni Olsen 81.min), Fróði Benjaminsen, Christian Lamhauge Holst(Arnbjørn Hansen 71.min), Símun Samuelsen - Jóan Símun Edmundsson Á bonkinum uttan at koma inn: René Shaki Joensen, Erling Jacobsen, Rógvi Holm, Jákup Mikkelsen, Karl Løkin, Kaj Leo Í Bartalsstovu, Gilli Sørensen, Klæmint Olsen og Kristian Joensen Gul kort: Fróði Benjaminsen, Hallur Hansson og Daniel Udsen Venjari: Lars Olsen Svøríki: Andreas Isaksson - Mikael Lustig, Jonas Olsson, Andreas Granquist, Martin Olsson - Sebastian Larsson, Pontus Wernbloom, Kim Kallstrom(Anders Svensson 62.min), Christian Wilhelmsson(Alexander Kacaniklic 62.min) - Zlatan Ibrahimovic, Mathias Ranegie(Marcus Berg 77.min) Á bonkinum uttan at koma inn: Rasmus Elm, Johan Dahlin, Adam Johanson, Tobias Sana, Mikael Almeback, Behrang Safari, Samuel Holmen og Par Hansson Gul kort: Pontus Wernbloom Venjari: Erik Hamrén Dómarar: Anastasios Sidiropoulos, Christos Akrivos, Leonidas Vasileiadis og Anastasios Kakos Uppiborið minst eitt stig Fótbóltur Føroyska liðið framdi eitt megnar avrik á Tórsvølli og bæði kundi og mundi fingið minst eitt stig. Serliga útjavnandi málið gevur ein ringan smakk í munin – fyri ikki at siga blóðsmakk Fríspark? Fleiri støður vóru har dómarin als ikki var á okkara síðu Myndir: Álvur Haraldsen