mikudagur 17. oktober 2012síða 11

11 Mikudagur 17. oktober 2012 · Nr. 121 Sosialurin Hugskot og viðmerkingar – send sms til 225000 Nøvn Til minnis um Magnus Paula Johannesen Vestmanna 10.10.1923 - 11.09.2012 Brotasjógvar ei meir teg brýna, undan íðum ei meir má dvína, løgd er afturum hin hinsta sýna, nú her tú sungið hevur síðsta vers nr. 1278. Aldri aftur knógva, sleipa, kasta, draga, flekja, greipa, fongin inn um stokkin veipa, nú her tú sungið hevur síðsta vers nr. 1278. Aldri aftur draga svart, aldri meira gera bart, funnið miðið, tær var so kært, nú her tú sungið hevur síðsta vers nr. 1278. Troyttur árar inn tú legði nú betri mið tú funnið hevði, har ei meir er sút og deyði, nú her tú sungið hevur síðsta vers nr. 1278. Móti lívsins strondum stevndi, heim til Hann, sum her teg evndi, í teim ørmum, her teg fevndi, nú her tú sungið hevur síðsta vers nr. 1278. Kajfinn Hammer Í dag, mikudagin 17. oktober, eru tað 60 ár síðani, at Jó­ annes á Váli var føddur. Jó­ annes var í fleiri ár í fremstu røð í Smyril Line, men tað er ivaleyst í sambandi við sang og tónleik, at føroyingar kenna hann best. Vøggan stóð á Selheyggi í Klaksvík, og tað var har og í Víkunum, at Jóannes vaks upp burtursæð frá tveimum árum miðskeiðis í seksti áru­ num, tá ið familjan búði á Tinghúsvegnum í Havn. Foreldrini eru Anna og Líggjas á Váli. Anna er 91 ára gomul og býr nú á Lágargarði. Hon er ættað úr Havnini, men vaks upp í Norðadali. Líggjas var 70 ára gamal, tá ið hann brádliga andaðist í 1993. Hann var ættaður úr Svín­oy, men fór tíðliga til Klaksvíkar at ganga í skúla, og har búsettust tey bæði, Anna og Líggjas. Fyrst føddi teirra var Jóannes. Systkin hansara eru Charlotta, Ólavur og Brita. Charlotta og Brita búgva í høvuðsstaðnum. Fyri familjuna og so mong onnur bæði heima og burturi var tað dyggur smeitur, tá ið Ólavur brádliga andaðist í 2005 bara 49 ára gamalur. Eftir skúlaárini í Klaksvík og eftir at hava arbeitt á heil­ søluni hjá J. F. Kjølbro í eitt skifti, fór Jóannes undir lestur á Handilsháskúlanum í Keypmannahavn. Eftir lokið prógv fór hann í starv hjá Esso í Danmark, og eftir at familjan fyrst í áttati árunum var flutt til Føroya, arbeiddi Jóannes hjá Esso. Seinn var hann hjá Smyril-Line, har hann var fíggjarstjóri og so saman við Óla Hammer stjóri í Smyril-Line. Seinastu árini hevur Jó­ annes arbeitt í privatu vinn­ uni. Altíð og alla staðni, har Jóannes hevur verið, hev­ur hann – saman við familj­uni, dupultkvartettini, sang­kór­ inum í Ebenezer og øðrum kórum – við sínum spak­føra og vinnandi veru­máta verið við til at seta dám á við fínu sangrøddini og ser­liga góðu evnunum at spæla orgul og klaver. Hann spælir undir til felagssangin í Ebe­nezer, og tað er so ofta, at Jóannes sam­an við familjuni og sang­ vin­un­um møtir upp og stuðl­ ar, um tað so er í sam­bandi við gleði ella sorg. Jóannes giftist í 1973 Eyð­ vør fødd Djurhuus, ætt­að úr Vági og uppvaksin í Havn. Tey eiga tvær døtur – Súsanna og Kristina. Súsanna er gift Trygva Vang av Glyvrum. Tey eiga ein son – Jóannes á Váli Trygvason – og tey búgva í Havn. Kristina býr í USA, har hon er undir út­búgving. Eyðvør og Jóannes búgva í høvuðsstaðnum. Heimið und­ir Kerjum omanfyri Mark­na­gilsvegin er eyðkent av hugna og stórum gesta­ blídni. 60 ára føðingardagurin verður hildin saman við dóttrini í USA. Hjartaliga til lukku á føð­ ingardegnum skyld­mað­urin. Jóannes Hansen Jóannes á Váli 60 ár Tann 18. oktober verður pápi okkara Bunyan Midjord átta­ ti ár. Hann varð føddur og vaks upp við Smilleg – vest­ uri í Bø í Vági. Hetta var eitt yndisumhvørvi hjá smá­ dreingjum tá á døgum. Sand­ urin var beint við, har bar til at sparka fótbólt ella íðka onnur spøl. Fjøran og brúgv­ arnar vóru eisini karmur um eitt yðjandi lív – ikki minst í sambandi við fiskaarbeiði og alt, sum har til hoyrdi. Pabba fór til skips, sum so mangur tá á døgum, 14 ára gamal. Hann var millum annað við Vágbingi. Í 1962 fór hann til Grøn­ lands at starvast hjá GTO, og var hann har í níggju ár. Komin aftur til Vágs fór hann at starvast hjá Vágs kommunu sum formaður í grótbrotinum vesturi á Eið­ inum, og var hann har, til tað varð niðurlagt. Síðan fekk hann starv við Vágs Havn, til hann legði frá sær vegna aldur. Tá hevði hann havt 25 ára jubileum. Pabba var eisini brand­ meistari í nógv ár, og var við til at fáa virksemið viðvíkj­ andi eldsløkking í fasta legu – við brandbili og allari út­gerð, sum har til hoyrdi og føstum brandmonnum. Ann­ars hevur pabba luttikið í øllum vanligum bygdarlívi her í Vági. Hann spældi í síni tíð fótbólt við VB, hann var eitt tíðarskeið formaður í Vágs Klubba, bridge hevur hann eisini spælt – og enn møtir hann trúliga upp til hvønn hond- og fótbóltsdyst hjá VB. Pabba er vælkendur í Vági, hvønn morgun fer hann í sínum bláa bili sína dag­ ligu rutu ígjøgnum bygd­ina og støkkur inn á gólvið hjá sínum vinum til ein kaffi­ munn og eitt prát. Hann er ein vágbingur við stórum V og ein býarmynd og ber sum sagt tað sermerkta navnið Bunyan. Pabba giftist við mammu – Marlenu Jensen – og hava tey havt eitt gott lív saman. Tey fingu fýra børn, og eiga nú sjey abbabørn og tvey langabba/langommubørn. Vit ynskja pabba hjarta­ liga til lukku við áttati ára degnum og vóna, at hann fær mong góð ár framyvir, og vit takka mammu og honum fyri alt gott. Dagurin verður hildin sam­an við børnunum. Símun, Gudny, Beinta og Niels Petur Bunyan áttati ár