mikudagur 17. oktober 2012síða 17

17 Mikudagur 17. oktober 2012 · Nr. 121 Sosialurin Hugskot og viðmerkingar – send sms til 225000 Ítróttur A-landsliðið føroyar - írland 1-4 Leo Poulsen Tað kendist sum eitt satt vónbrot at tapa heili 4-1 eftir ein góðan innsats móti Svøríki. - Eg haldi, at vit spæla tríggjar av fýra hálvleikum væl, men tað vóru serliga teir fyrstu 10 minuttirnir av seinna hálvleiki í kvøld, sum kosta okkum dýrt, sigur Jóan Símun Edmundsson. Hesa løtuna skoraði Írland sum kunnugt tvey mál, og tað var eitt vónbrot. - Tað kendist væl at koma inn til hálvleiks, og vit vóru eisini klárir til at seta trumf á, men so hendir hetta í byrjanini av seinna hálvleiki. Vit mugu siga, at fyrsta málið var sera giott, men at vit ikki megna at reisa okkum beinanvegin og heldur lata teir fáa eitt mál aftrat, tað er ikki gott, sigur Jóan Símun Edmundsson. Ikki tí, føroyingar sóu út til at hava møguleikan at koma aftur í aftur. - Tað var eitt sindur av smáspæli á miðjuni sum endar við einum innleggi, har Arnbjørn ger eitt sera gott mál. Tá føldu vit, at vit vóru við aftur í dystinum, sigur Jóan Símun Edmundsson. Hann heldur, at um hepni var við okkum, kundu vit fingið eitt mál aftrat. - Men so kom triðja málið, og so var dysturin avgjørdur. Men eg haldi kortini ikki, at 4-1 var ein røtt mynd av dystinum í dag, og Fróði var eisini nær við móti endanum, sigur Jóan Símun Edmundsson. Hann sigur, at sum dysturin leið, fóru kreftirnar at ganga undan. - Tá 65-70 minuttir vóru farnir byrjaði beinini at siga frá. Vit høvdu eisini stríðst ógvuliga hart, og móti endanum byrjaðu kreftirnar at ganga undan, sigur Jóan Símun Edmundsson. Hann heldur, at mátin, føroyingar spæla við at trýsta nógv og renna nógv eftir bóltinum, kostar kreftir. Men enn verður eingin hvíld hjá áleyparanum. - Vit hava einar 5-6 dystir eftir, og skulu venja fram til 13. desember, tá leigusáttmálin við Fredericia gongur út, sigur Jóan Símun Edmundsson. - So gongur leiðin aftur til Viking Stavanger, so vítt eg havi skilt. So ætli eg mær at royna mítt ítarsta í uppstartinum komandi. Men nú mugu vit so síggja, hvat Viking sigur, og hvat Fredericia sigur, sigur Jóan Sìmun Edmundsson. leo@sosialurin.fo Leo Poulsen – Er tú ikki klárur, verður tú revs­aður beinanvegin! Tað staðfestir Símun Samuelsen eftir ræðuligu byrj­ an­ina upp á seinna hálvleik. Føroyingar høvdu annars leikt ein sera góðan fyrra hálvleik, og tað gav vónir um nakað gott í seinna eisini.

 – Tað átti tað jú at gjørt, men kanska tað líktist Svøríki dystinum ov nógv, so vit hildu, at seinni hálvleikur fór at verða javnur eisini uttan mun til, men innsatsurin má vera til staðar. Men tað var sum konsentratiónin ikki var til staðar fyrstu løtuna í seinna hálvleiki, og so avgera teir dystin, sigur Símun Samuelsen.

 Beinleiðis mótleikari hjá Símun Samuelsen var Seamus Coleman frá Everton.

 – Hann var rímiliga skjótur og ágangandi spælari. Tað var trupult og eg royndi bara at fáa tað besta burtur úr, sigur Símun Samuelsen.

 Hann heldur tað vera sera harmiligt, at tað skuldi skrædna til endans.

 – Tá vit koma upp á 1-2 eru vit rættiliga væl við, men kreftirnar fóru at ganga undan seinastu 20 minuttirnar, og tað var spell at tað skuldi skrædna til endans, sigur Símun Samuelsen. leo@sosialurin.fo 10 minuttir kostaðu dýrt Fótbóltur Vit hava spælt tríggjar góðar hálvleikir, men tíggju teir fyrstu minuttirnir í seinna hálvleiki kostaðu okkum dystin móti Írlandi, sigur Jóan Símun Edmundsson Jóan Símun Edmundsson stríddist á toppinum móti Írlandi, eins og hann gjørdi móti Svøríki Mynd: Álvur Haraldsen Vit komu slett ikki út itl seinna hálvleik fyrr enn einir 10 minuttir vóru farnir, heldur Símun Samuelsen Mynd: Álvur Haraldsen Komu ikki út til seinna hálvleik Fótbóltur 4-1 var eitt alt ov stórt tap. Fyrstu sjey minuttirnar av seinna hálvleiki vóru tað 11 írar móti 11 føroyingum, sum ikki vóru til staðar á vøllinum, sigur Símun Samuelsen