mánadagur 22. oktober 2012síða 13

13 Mánadagur 22. oktober 2012 · Nr. 123 Sosialurin Hugskot og viðmerkingar – send sms til 225000 Ítróttarblaðið Tróndur Arge Tað hevur leingi ljóðað, at HB vil hava Arnbjørn Hansen sum fremsta mann á liðnum. Arnbjørn hevur í fleiri ár verið millum vanda­ miklastu áleypararnar í Føroyum og hevur øll árini verið trúgvur móti EB/Streymi. Tað er okkurt sum bendir á, at EB/Streymur í ár fær harða kapping HB um álopsessið. Víkingur hevur eisini inni í myndini, men sum skilst, so er Arnbjørn ikki sinnaður at spæla fyri Víking. Tað er eitt sindur ógreitt hvat hendir í EB/ Streymi. Fyribils hevur málið um stolnu pengarnar ikki viknað liðið nakað á vøllinum. Tá harðast stóð við penga­ málinum frættist, at fleiri leikarar ikki fingu løn og ætlaðu sær at skifta felag. Hetta hevur so ikki verið nakað at sæð til undan hesum kapp­ingarárinum. Tí er eisini væl hugsandi, at felagið er væl fyri og megnar at halda fast í teir flestu av manningini. Serliga, tá hugsað verður um FM heitið, sum eisini gevur góðan vinning. Greitt er, at Pauli G. Hansen gevst, meðan Sorin Anghel skiftur til AB. Tað skiftið er tó enn ikki kom­ið endaliga upp á pláss. Her skal EB/Streymur til at hava onkran í staðin, sum teir skulu kappast á sama høga stigi komandi ár. Heldur ikki venjaraspurningurin er avgreiddur, men tað ljóðar at Bill M. Jacobsen er millum nøvnini, ið EB/Streymur kundi hugsað sær. Eitt annað navn er Piotr Krakowski, sum ikki tykist skula halda fram í 07 Vestur. Hann hevur fyrr verið venj­ari í felagnum. Hin álopsleikarin, ið HB hevur eygui eftir er Gilli Sørensen, sum í farna kappingarári hevur spælt við TB. Hann hevur somuleiðis verið fastur maður á U21 landsliðnum og í A-landsliðshópinum. Hann er í løtuni uttanlands, men kemur einki burtur úr har, so skal HB verða klárt at fara avstað við skjóta vonginum. Ndende til Gøtu B68 hevur alment boðað frá, at tað verður útsøla av fleiri leikaraunum hjá teimum. Menn sum Christian Høgni Jacobsen, Einar T. Hansen, Hans Jørgensen, Ahmed Keita, Ibrahima Camara, Emmanuel Ukpai og Ndende helst ikki halda fram í felagnum. Her hevur ljóðað, at Ndende er á veg til Víking, sum eisini leingir við Evrard Ble. Fleiri feløg hava víst Ndende áhuga. Hann var millum trúgvastu leikararnar á B68 liðnum í fjør. 29 ára gamli Ndende Adama Gueye, sum kemur úr Ghana, kom til B68 í 2008 og hevur spælt millum 25 og 31 dystir hvørt kappingarár. Tað frættist eisini úr Gøtu, at Víkingur leitar eftir einum fram­ herja uttanlands. Millum annað í Ungarn, sum er heimstaðurin hjá steypa­hetjuni og málmanninum hjá Víkingi, Geza Turi. Einar T. Hansen skifti til B68 frá NSÍ undan hesum kappingarárinum, men sum skilst, so verður tað nokk heldur í ÍF, at vinstri bakkurin endar. Jan Ellingsgaard flytur niður og tí kemur ÍF at mangla ein vinstra bakk komandi ár. Hans Jørgensen, sum var í upp­ skoti til ársins málverja, fær neyvan trupult við at finna sær eitt nýtt felag. Spurningurin er bara hvat felag manglar ein málmann. KÍ hevur fleiri ferðir melda út, at teir fyrst og fremst vilja klaksvíkingar heim aftur til KÍ. Tí er ikki óhugs­ andi, at KÍ hevur eyguni eftir mál­ mann­inum hjá B36, Meinhardi Joensen. So verður eitt opið pláss í B36. Jákup Mikkelsen gevst í Fugla­ firði, men hevur hevur ikki endaliga tikið avgerð um hann gevst sum fótbóltsspælari á hægsta stigi í Føroyum. So ein møguleiki er eisini, at ÍF hevur hug á málmansevnunum hjá U21 landsliðsmálverjanum. Jann Ingi Petersen, liðskipari hjá B68, segði við Sosialin fyri kortum, at hann ikki er sinnaður at spæla eitt ár í næstbestu deildini. Tí skal hann eisini finna sær eitt nýtt felag. Her eru sikkurt fleiri um boðið. Hann hevur fyrr spælt við NSÍ, með­an EB/Streymur og ÍF missa mið­vall­arar, umframt at Víkingur eis­ini hevur pláss á miðvøllinum. Formaðurin í ÍF, Ólavur Larsen, segði við Rás2 í samband við fótbóltsgalla, at Flemming Christensen í næstum kemur til Før­oyar at samráðast við ÍF um ein sáttmála fyri komandi kapp­ ingarár. Í Fuglafirði hava tey tryggjað sær, at Clayton Soares heldur fram í felag­num komandi kappingarár. trondur@sosialurin.fo Hvør fer hvar? Fótbóltur HB hevur eyguni eftir tveimum landsliðsleikarum, sum skulu loysa álopstrupulleikarnar, Ndende ávegis til Gøtu og ÍF skal samráðast við venjara í næstum. Tað eru nakrar av leysasøgunum í føroyska fótbóltsheiminum HB vil hava landsliðsleikaran, Arnbjørn Hansen, sum fremsta mann á liðnum Hósdagin kunngjørdi Havnar Bólt­felag, at Oddbjørn Joensen verður venjari komandi ár, með­an Fróði Benjaminsen verður leik­andi hjálparvenjari. Tað merkir somu­ leiðis, at samráðingarnar millum Sigfríð Clementsen og HB ikki komu á mál. Sigfríður sigur við Sosialin, at hann ikki er beinleiðis bilsin av støðuni, men vísur á at HB hevur nádd málsetninginum bæði í ár og í farna kappingarár. – Málsetningurin tá eg tók við í fjør var at bjarga felagnum frá niður­flyting. Í ár var málsetningurin at røkka Europa League luttøku. Vit kláraðu báðar málsetningarnar og tað eri eg stoltur av, sigur nú fyrr­ ver­andi HB venjarin. Ongin hevur megnað at siti í venjarastólinum hjá HB í meiri enn hálvt annað kappingarár síðani Ion Geolgau, sum var venjari frá 1998 til 2002. Í samrøðu við Rás2, segði for­ maður í HB, Finnbogi Arge, at ein av orsøkunum til at Sigfríður Clementsen ikki helt fram var, at lið­ið var ov óstøðugt og botnstøðið var ov lágt. Hesum er Sigfríður ikki heilt samdur í og kallar tað ein hálv­ an sannleika. – Vit hava havt eitt sera ungt lið í ár og í fyrra hálvu høvdu vit lægsta miðalaldurin. Í seinnu hálvu hava vit verið støðugur og tað er komið við tilgongdini av Jóhan Troest Davidsen, Rógva Poulsen og Róki av Fløtum, vísur Sigfríður Clementsen á. – So tað er bara ein hálvur sann­ leiki. So hevði eg heldur vilja, at HB hevði kallað ein spaka fyri ein spaka, sigur Sigfríður víðari. Talan hevur eisini verið um ein fíggjarligan spurning og tað hevur Finnbogi Arge eisini víst á. Bæði loysnin við Fróða Benjaminsen sum leikandi hjálparvenjara og Oddbirni Joensen sum venjara benda á, at tað strammar í pengakassanum hjá HB. Núverandi loysnin er neyvan líka dýr sum at fingið eitt nú Krzysztof Popczynski ella Flemming Christensen sum venjara. – Eitt er spælið á vøllinum og eitt er tann fíggjarligi parturin, men eg undrist um tað kanska eis­ini er okkurt heilt triðja, sum ger seg galdandi, sigur Sigfríður Clementsen uttan at koma nærri inn á hvat tað skuldi verið. Sigfríður hevur ætlanir at royna seg sum venjara komandi ár og leitar nú eftir einum nýggjum felagi. – Eg eri savangur enn og eri klárur til nýggjr avbjóðingar. Tíðin í HB hevur verið góð og eg eri takk­ samur fyri tað tíðina eg fekk í felag­ num, men nú má eg bara leita mær eftir einum nýggjum felagi, sigur Sigfríður Clementsen at enda. Fleiri feløg hava ikki avgreitt venjaraspurningin til komandi kappingarár. Í Effo-deildini er talan um EB/Streym, ÍF, B36, NSÍ, TB og 07 Vestur. trondur@sosialurin.fo Fótbóltur Sigfríður Clementsen heldur ikki fram sum venjari HB. Tað er hann ikki beinleiðis bilsin av, men er glaður fyri tíðina í HB Sigfríður er ikki bilsin – Málsetningurin tá eg tók við í fjør var at bjarga felagnum frá niður­ flyting. Í ár var málsetningurin at røkka Europa League luttøku. Vit kláraðu báðar málsetningarnar og tað eri eg stoltur av, sigur nú fyrr­ver­andi HB venjarin Savnsmynd