mánadagur 22. oktober 2012síða 14

Mánadagur 22. oktober 2012 · Nr. 123 14 Sosialurin Hugskot og viðmerkingar – send sms til 225000 Ítróttarblaðið Pætur Albinus Hóast 100m-teinurin í renning er ein hin best umtókti innan all­ an frælsan ítrótt yvirhøvur og er kendur kring allan heimin, so hava Føroyar síðani Heina Hátún fyri góð­um 10 árum síðani ikki átt ein so­mikið kvikan rennara, sum eitt nú møguliga kundi bjóðað øðrum av á hesum stutt-teininum í oyggja­ leika­høpi. Men henda bíðitíðin er eftir øllum at døma við at vera av. 20 ára gamli Rói Holgarsson úr Vestmanna hevur eina serliga gávu. Hann rennur skjótt – ógvuliga skjótt. Sum lítil varð bitið merki við kvikleika hansara, og tað kom serliga til sjóndar tá ið hann spældi hondbólt. Tá ið hann legði hondbóltin til síðis sum 15 ára gamal, meldaði hann seg á sjálva 16 ára føðingardegi sín­um til stuttleika til 100m og 200m-teinarnar í FM. Men tað var eingin serlig føðingardagsgáva, hann gav sær sjálvum. Hann endaði aftast­ur í báðum teinunum. Síðani er nógv vatn runnið í ánna og Rói Holgarsson venur nú seks ferðir um vikuna við fremsta felagnum í Danmark innan frælsan ítrótt, Sparta. Tíðirnar á 100m-teininum eru nú somikið góðar, at hann av álvara hóttir níggju ára gamla metið hjá Heina Hátún, umframt at hann hevur runn­ið kravtíðina til oyggjaleikir á Bermuda næsta summar. Har er málið gull. Rann í hondbóltsskóm Rói Holgarsson er uppvaksin í Vest­ manna sum næstyngstur av einum systkinaflokki, ið telur fýra – hann eigur eina yngri systur og tveir eldri beiggjar. Ítróttur hevur altíð ligið familjuni nær, og í hondbóltsbygdini Vestmanna var tað eisini hondbólt, sum Rói íðkaði sum lítil. Her varð lagt merkis til kvikleika hansara, og tá ið hann sum 15 ára gamal gavst við hondbólti, fór hann at venja styrkisvenjing í hálvtannað ár og lyfti eitt nú 161 kilo í bonkpressi. Kvikleiki hansara skuldi tó hava ein møguleika afturat. – Eg fór til stuttleika at luttaka í FM í sprint sum 16 ára gamal, tann dagin eg fylti 16 ár. Eg rann 100m og 200m, men endaði aftastur í báðum. Eg hevði ongantíð runnið í kapping áður og brúkti hondbóltsskógvar í staðin fyri píkaskógvar, so eg hugsaði, at eg mátti fara at klára tað betur eina aðruferð og byrjaði at venja sprint av og á, greiðir Rói frá. Og jú, sanniliga kláraði hann tað betur árið eftir, tá ið hann – aftur í hondbóltsskóm – rann seg til silvur í 100m til FM fyri ung. Føroyameistari Fyri tveimum árum síðani stóð Róa í boði at rógva við Vestmenningi. Eisini her var Rói ein sannur sprint­ ari og var bestur á manningini á Kvikur sum fáur og sett sær stórt mál Rói ætlar at sprinta undir 10 Frælsur ítróttur Hann meldaði seg bert til stuttleika til FM í 100m og fekk ein frammaná. Hann endaði aftastur. Kvikleiki hansara hevur tó altíð verið eyðsýndur, og eftir nøkrum árum við betri útgerð og meiri venjing er 20 ára gamli Rói Holgarsson úr Vestmanna nú ósvikaliga tætt við at gerast kvikasti føroyingurin nakrantíð. Hann venur seks ferðir um vikuna í donskum stórfelagi og hevur somuleiðis sett sær stór mál: – Málið í løtuni er gull á oyggjaleikum næsta summar og langtíðarmálið er at koma undir 10 sekund, sigur Rói Eg venji seks ferðir um vikuna. Eg havi tørv á einum frídegi fyri ikki at ovurstreingja beinini Eg fann út av, at eg var sprintari og ikki langteina rógvari