mánadagur 29. oktober 2012síða 18

Mánadagur 29. oktober 2012 · Nr. 126 18 Sosialurin Hugskot og viðmerkingar – send sms til 225000 Sum eitt smábarn hevur tørv á spæliplássi fyri at trívast og mennast, hevur eitt samfelag brúk fyri listapallum. Lista­fólk okkara endur­ reisa gloymdar risar á leikpallum. Tey skriva um okkara avrik og minna á okkara avbjóðingar. Tey mála upp spegilin frammanfyri okkum, sum tvingar blinda eyga at síggja. Tey spæla og dansa okkara egnu kenslur frammanfyri okk­um og vekja kenslur, vit ikki vistu, vit høvdu. Tey høgga blómuna í stein til at hátíðarhald ævnleikan yvir menn­ iskj­anum. Eitthvørt samfelag strembar eftir at hava eitt virkið listaumhvørvi og eitt virki bók­menta- umhvørvi. London Art Council arbeiður við einari 10 ára ætlan fyri at menna og brúka list í samfelagnum. Í ein­ ari slíkari ætlan verð­ur eitt hav av sam­starvs­ avtalum gjørd­ar við leikhús, lista­skálar, verk­smiður, skúlar og annað, fyri at skapa sam­ starv mill­um listafólk í ymisk­um umhvørvi og verksmiðjur, soleiðis at tey sleppa at ar­beiða, framleiða, sam­starva og granska. Slík­ar ætlanir finnast í øllum kommunum í vestur­ heim­in­um og allar komm­unir seta til vega bygn­ingar til listafólk at arbeiða í. Nøkur av hesum arbeiðs­rúmum eru lítil og skirvis­lig, og onnur stór og flott. Týdn­inga­mest er, at tey eru heilgivin listarligum arbeiði. Býráðið eigur ídag til­samans 175 bygn­ ingar, og meðan søg­ur skulu skrivast, filmar framleiðast, koreo­grafiir skapast og standmyndir høggast, standa fleiri av hesum bygningum tómir. Lat nakrar av hes­um bygningum til arbeiðs­ rúm hjá listafólkum. Tað snýr seg um virkis­ pláss, studiopláss, kon­ tór og sethús, sum bara standa og bíða eftir, at onkur finnur uppá okkurt. Nógv tann størsti parturin av nú­ tímans listarligum ar­ beiði er tvørgreiniligt sam­starv, og listafólk hava brúk fyri at húsast onkustaðni, har tey kunnu møtast, og til­ vildin kan gera síni undur­verk. Føroyska samfelagið er somikið lítið, at tað er ógvuliga tórført hjá bólkavirksemi at út­ merka seg uttanlanda. Okkara besta boð er nokk einstaklinga avrik, og serliga innan lista­ umhvørvið, eru nógvir møguleikar. Fleiri av okkara borgarum hava drúgvar útbúgvingar úr útlondunum og hava bæði útmerkað seg á skúlum og stevnum. Tróndur Pæturson reis­ ur seg í hesum døg­um millum størstu ment­ anar­kempur í heimin­um, á stevnu í Wash­ington, og unga Rannvá Káradóttir tók seinasta ár, við brósta­barni á arminum, ímóti heiðri fyri besta artist­iska dansifilm, á heimsumfatandi kapp­ ing í New York. Vælkend er reglan um, at list og ferðavinna ganga hond í hond, og soleiðis vil eitt heiðra mentanaravrik, altíð venda ljóskastaran aftur til upprunan hjá viðkomandi listafólki. Somuleiðis vil eitt ríkt listaumhvørvi økja um dynamikk, vitali­ tet, samstarv, vælvild, sjálvs­virði, sjálvs­fat­ an og opin­leika og stimbra menniskja­fat­ an, samstarvshug og fram­leiðslu í øllum sam­ felags­krókum. Set krossin við A fyri eitt sterkari lista­ umhvørvi! Arbeiðsrúm til listafólk kommunuval 2012 Jóna Kristin Thomsen Valentine's Day: Neyð lærir nakna kvinnu at spinna Vit hava í býnum fleiri og fleiri tóm barnagarðspláss. Um hendan gongd heldur fram, hevur kommunan bygt nútímans dagstovnar til okkara framtíð til onga nyttu. Fleiri og fleiri pedagogar og hjálparfólk mugu finna sær annað arbeiði, um før­ oyskar gentur og konur ikki vilja fáa børn. Hetta gongur alt skeiva leið. MEN vit í Fólkaflokkinum hava loysnina: Dagsins foreldur eru strongd og lata børnini hvønn morgun á dagstovn og klára akkurát at heinta tey aftur, áðrenn stovnurin letur aftur. Síðan heim at gera nátturða. Kanska fáa tey ÚF- tíðindini við, so dagur og vika, børnini í song, langt um leingi sítt egna bein uppá borðið og at enda í song. Tíð er ikki til romantikkin, men her er tað, at Fólka­flokk­ urin kemur við loysn­ini. Vit vilja fegin geva for­ eldrunum ein kjans minst eitt kvøld í árinum, tann 14. február. Sjálvur dagurin verður sum vanligt. MEN henda dag (Valentine‚s Day) um kvøldið kl. 8 kunnu børnini avhendast aftur til stovnin, barnagarðin, aftaná at tey hava fingið nátturða saman við foreldrunum. Foreldrini kunnu so heinta børnini aftur kl. 10 ella 11. Í hesum tí›arrúmi (2-3 tímar) vóna vit, at romantikkurin kann blóma. Um alt gongur eftir vild, so hava vit fleiri borgarar 9 mánaðar eftir, og hetta gevur trivnað. Fleiri pedagogar kunnu fáa arbeiði, eisini hjálparfólk og í síðsta enda verða fleiri skattakrónur til kommunu og land. Alt hettar letur seg gera væl betur enn nú, tá ið barna­ kekkurin kemur við post­ inum. So um tit vilja hava betri ráð til romantikk, so veljið Fólkaflokkin. Páll Djóni á Steinum, valevni fyri Fólkaflokkin Mentan - Áhugaleikurin er eftirbátur! Karl Marius Poulsen Valevni hjá Tjóðveldi Í eini kommunu fyri okk­ um øll, skal verða ein vifta av fjølbroyttum ment­an­ ar­tilboðum. Vit hava longu nógv gott at bjóða til tey ymsu áhugamálini. Ítrótt­ urin hevur hallir og vallir, tón­leikurin hevur tón­leika­ skúlan og Dávavirkið, ung­ dómurin hevur Húsið o.s.fr. Hesi hølisviðurskiftir eru nøktandi og tað er avbera gott. Eitt felag sum er eft­ ir­bátur, tá tað kemur til hølisviðurskiftir er Klaks­ vík­ar Sjónleikarafelag. Fe­ lagið hevði fyri umleið 20 árum síðani nøktandi hølis­ umstøður til virk­sem­ið, men síðani tá eru hølis­um­ støðurnar bara versnaðar og núverandi hølini undir gomlu Brandstøðini eru als ikki hóskandi. Felagið hevur ígjøgnum árini spælt eina ørgrynnu av leikum og til hvønn leik er neyðugt við búnum og útgerð, sum hava fyri neyðini at vera goymd til brúk er fyri tí aftur, men grundað á ráðu kjallararúmini í verandi um­støðum, er vandi fyri at tilfarið forferst og tað er sera harmuligt, tí nógv av tí sum er í goymslunum er ikki til at skaffa aftur. Seinnu árini hevur felagið havt tilboð um dramaskeið til børn og ung og er luttøkan av serliga børnum økt á hvørjum ári. At verða sjónleikari er ein dreymur hjá nógvum børnum og ungum, tey koma inn í eina spennandi og øðrvísi verð, tey møta avbjóðingum, sum styrkir um teirra sjávsvirði og fær tey at blóma og gleðast. Tað er eldsálum í felag­ num fyri at takka, at Klaks­ vík­ar Sjónleikarafelag fram­ vegis setir leikir upp og fær mann og konu av húsum, tá framsýningar eru. Men vandi er fyri at eldsálirnar kólna og síðani slókna í ráðu kjallararúmunum og tað hevur okkara siðbundna sjón­leikarafelag als ikki uppi­ borið. Áhugaleikurin má hava eina rødd í býráðið. Samd­ ur? Ja! Vel meg á lista E! til býráðsvalið tann 13. no­vemb­ er 2012. Við valkvøðu Gjald fyri valgreinar Vit taka gjald fyri valgreinar í sambandi kommunuvalið. Valgreinar eru greinar frá valevnum og greinar, sum blaðstjórnin metir sum valgreinar. Kostnaðurin er í lutfallinum 1.000 kr fyri fjórðingssíðu.