mánadagur 29. oktober 2012síða 25

25 Mánadagur 29. oktober 2012 · Nr. 126 Sosialurin Hugskot og viðmerkingar – send sms til 225000 Ítróttarblaðið Eik-ligan kvinnur nr. Lið Dystir Vunnið tapt vunnin sett tapt sett munur Stig 1 SÍ 3 3 0 9 0 9 9 2 Mjølnir 3 3 0 9 1 8 9 3 Fleyr 4 3 1 10 5 5 9 4 TB 4 3 1 9 5 4 8 5 Dráttur 4 2 2 7 6 1 6 6 Ternan 3 0 3 3 9 -6 1 7 ÍF 3 0 3 0 9 -9 0 8 KÍF 4 0 4 0 12 -12 0 Dráttur - ÍF 3-0 (25-14, 25-19, 25-19) TB - KÍF 3-0 (25-11, 25-22, 26-24) Fleyr - Ternan 3-1 (25-23, 20-25, 25-17, 25-13) Hilmar Jan Hansen Til hetta kappingarárið er TB farið av oynni eftir venjara, tí tað er sørvingurin, Kristian Mikkelsen, sum eftir nøkur ár í útlegd er komin heimaftur á klett­arnar og í vetur tekur sær av besta kvinnuliði hjá tvøra­ monnum, so hansara dagliga gongd nú er í ítróttarhøllini í Trongis­vági. Undan tí hevur hann í trý ár verið venjari hjá danska felag­ num, Aalborg HIK, har hann fyrst í tvey ár vandi besta kvinnuliðið, sum spælir í næst­ bestu deildini, men í fjør­vetur stóð á odda fyri besta mans­ lið­num, sum spælir í bestu donsku flogbóltsdeildini og stóð seg bara heilt væl. – Tað var ikki so torført at koma heimaftur, tí í danska felagnum var púrt einki ung­ dóms­arbeiði, so eg kundi ikki vera við til at menna tað stóra. Og tá so er, verður tað ikki so spenn­andi at vera venjari, sum tá tú kanst vera við til at evna ungar spælarar til, sigur Kristian. – Her í TB er tað heilt øðr­ vísi, tí her er eitt stórt og gott ungdómsarbeiði, ið av­gjørt gjørdi sítt til, at mítt val fall á TB. Umframt at eg venji kvinnuliðið, eri eg eitt slag av mentor fyri hinar venj­ararnar, so hetta er bara heilt spenn­ andi. Liðið hjá TB er fyri tað mesta mannað við ungum kvinnum, sum eru 17, 18 og 19 ára gamlar, og so eru tríggjar, sum eru eitt sindur eldri. Tær eru Gudrid Nolsøe, sum átti í summ­ar, men longu herjar á aftur, Marina Popovic, sum annars einki hevur spælt í eini tvey ár, og so Elinborg Nygaard, ið eisini hevur spælt nógv fyrr. – Her suðuri ganga tey høgt upp í tað, so eg síggi hetta sum eina spennandi uppgávu, sigur Kristian, ið stórtrívist í Suðuroynni. – Ja, eg havi fingið arbeiði her og kenni annars eina rúgvu av suðuroyingum, so tað er lætt at falla til. hilmarjan@sosialurin.fo Eftir trý ár í útlegd í Aalborg, er sørvingurin, Kristian Mikkelsen, nú komin heimaftur og er í vetur venjari hjá TB-kvinnunum Savnsmynd: Álvur Haraldsen Kristian stórtrívist Flogbóltur Sørvingurin, sum síðstu trý árini hevur verið venjari í Danmark og eisini er kendur sum venjari hjá kvinnulandsliðnum, hevur nú sín flogbóltsgerandisdag í Trongisvági Hilmar Jan Hansen Seks av teimum átta liðunum í Eikliguni hjá kvinnum vóru í dysti um vikuskiftið, og talan var ikki í nøkrum føri um oddadyst, men tað verður tað so afturfyri mikukvøldið, tí tá bresta Mjølnir og SÍ saman í Badmintonhøllini í Klaksvík. Tað kann gerast ein dystur, ið fer at geva góðar ábendingar um, hvat hesin veturin hevur at bjóða. Annars er merkisvert at síggja, at Dráttur, ið ikki hevur staðið seg so væl seinnu árini, higartil hevur staðið seg so væl, at trý lið eru niðanfyri á stigatalvuni. Eitt teirra er ÍF, sum Dráttur á heimavølli á Giljanesi mestsum vendi í hurðini í gjár við einum greiðum 3-0 sigri. Unga ÍF-liðið fekk ikki fatur í Drátti, ið higartil hevur fingið fult stigatal í øðrumhvørjum dysti. Í heystfrítíðini skipaðu vest­ menn­ingar fyri náttarhondbólti, og tað var næstan tað sama, ið Fleyr hevði at bjóða í Gundadalshøllini í gjár­kvøldið, tá Ternan vitjaði. Fyrst skuldi dysturin spælast klokk­ an 19.15, so bleiv hann fluttur til klokkan 20, men klokkan var nærri 20.30, tá dysturin endiliga fór í gongd. Hóast tær í Ternuni kanska ikki vóru so væl mannaðar og Fleyr er nógv viknað, samanborið við tey síðstu árini, var greiður munur á liðunum. Fleyr vann fyrsta settið tepurt, áðrenn Ternan tók annað sett, men so var heldur ikki meira ivi, tí Fleyr vann tey bæði síðstu settini greitt og tók sær ein 3-1 sigur. Rokaligt Á heimavølli í Trongisvági vann TB øll trý settini ímóti KÍF, men allíka­ væl var dysturin í løtum meira spennandi, enn 3-0 sigur. Fyrsta settið vann TB sannførandi, men í øðrum setti kom stígur í, tá TB var komið upp á 20-11, og tá tók Iris Kirke og servaði KÍF upp á 20-20, áðrenn TB allíkavæl megnaði at vinna settið. Og í triðja setti var KÍF á odda tríggjar og fýra bóltar allan vegin, men tá tað skuldi avgerast, vísti TB størri mentala styrki og slapp framum og vann dystin. Tað bleiv annars eitt sindur rokaligt eftir dystin, og stóðst hetta mest av, at Dráttur, sum skuldi dømt dystin, ikki hevði greitt ta upp­gávuna til lítar, sum skilst á við­merk­ing­unum, KÍF fekk settar á dómaraseðilin. Fyri hetta vildu koll­firðingar hava, at Flogbólts­sam­ bandið átalar Drátt. Í viðmerkingunum sigur KÍF, at Dráttur bara hevði funnið fyrstadómara til dystin, men at hesin var ein spælari hjá TB, og at harnæst varð annardómari funnin millum áskoðararnar, og at hesin var beiggi venjaran hjá TB. Út frá hesum staðfestir KÍF, at dómararnir hava havt tað trupult við at verið uttan­veltaðir. – Hetta hevði beinleiðis ávirkan á úrslitið av dystinum, staðfesti KÍF, ið serliga argaðist av einum trim­um støðum í triðja setti, har dómarnir fullu til fyrimuns fyri TB, men har tey í KÍF hildu, at tey tað sama kundu fingið dómarnar í sín part. Tað kókaði eitt sindur í Trongis­ vági eftir dystin, og sum skilst, tók lið­skiparin hjá KÍF í tann, sum var annardómari, og risti hann til. hilmarjan@sosialurin.fo Tey vanligu fremst Flogbóltur Kvinnukappingin í flogbólti líkist sær sjálvari, tí sum vant eru tað SÍ, Mjølnir og Fleyr, ið manna toppin, meðan TB liggur og lúrir beint aftanfyri Myndir: Álvur Haraldsen