mikudagur 31. oktober 2012síða 11

11 Mikudagur 31. oktober 2012 · Nr. 127 Sosialurin Hugskot og viðmerkingar – send sms til 225000 Rannvá G. Fossaberg Fríggjadagin 2.november er aftur loyvt at skjóta har­ur, og ymiskt bendir á, at tað er nógv til av haru í ár. Ofta verður sagt, at hev­ur várið og summarið ver­ið gott, er minni av haru til, men sam­ bært náttúru­frøð­ingi­num, Jens Kjeld Jensen, fer hetta ikki at halda í ár. - Tað skuldi ikki undrað meg, um hetta verður eitt gott haruár. Fólk hava sæð rætti­liga fitt av haru, hóast vit hava havt eitt gott summ­ ar, sigur Jens Kjeld Jensen. Nógv hara at síggja Orsøkin til at eitt gott summar ofta verður sett í sam­band við eitt vánaligt haru­ár er, at í góðum veðri legg­ur haran ungar úti, og tá er ikki óvanligt, at ravnur tekur fleiri ungar. Hinvegin, eru várið og summarið vát, legg­ur haran inni, og fleiri ung­ar yvirliva. Tað er torført at siga við vissu, hvussu stovnurin er fyri, áðrenn sjálv veiðu­tíð­in er byrjað, men í Vest­man­ na, Trongisvági og í Norð­ oyggju­m rokna tey við ein­ um góðum haruári. - Vit rokna við at fáa nokk­so væl av harum í ár, tí tað sær út til, at nógv er komið undan, sigur Niels T. Pedersen úr Vestmanna. Sein­asta ár fingu hagarnir nøku­lunda tað sama sum undan­farnu ár, og sambært Niels T. Pedersen vænta vest­menn­ingar, at hetta árið verð­ur lítið øðrvísi. Í Trongisvági hava menn í Klappjaktini niðurskrivað hag­tøl um tal á harum, vekt og kyn síðani 1981, og sam­ bært Halli av Heiðunum, for­mað­ur í Klappjaktini, er stovn­urin blivin betri og betri fyri frá 1990unum. - Vit hava sæð ein vøkstur í harustovninum líka síðani eina­ferð í 90unum. Árið í fjør var eitt lítið vet slakari, enn tað plagar at vera, men tað hevur verið nógv hara at sæð higartil í ár, so tað boðar frá góðum, sigur Hallur av Heiðunum, sum sjálvar hev­ ur skotið harur í 30 ár. Í Klappjaktini hevur ymiskt verið gjørt fyri at økja um stovnin. Limirnir í felag­num hava javnan gjørt nøk­ur setur, og harafturat hava ravnafellur eisini verið brúkt­ar. Í einum av teimum heilt góðu hagunum, sum er á Skála­toftum, hava Jákup Pauli Johannesen og einir seks aðrir mans eisini eitt slag av klappjakt. Í fjør fingu teir 200 harur, og tað verður mett at vera eitt gott haruár, hó­ast teir onkuntíð hava fing­ið upp í 270. - Til tær báðar fyrstu løgur­nar var turt veður, men til ta triðju seint í august var vátari, so møguliga er mest komið undan tá, greiðir Jákup Pauli Johannesen frá og leggur afturat, at rættiliga fitt av haru hevur verið at sæð í Norðoyggjum seinastu tíðina. Veðrið ávirkar Veðrið hevur stóra ávirkan á, hvussu haran sjálv er fyri. Ser­liga er tað frostur og kavi, ið er ringt fyri haru. - Veðrið hevur ógvuliga stóra ávirkan á, hvussu har­ an er fyri. Ringast er um veturin, um frostur er, og stórkavi legst, tí tá fær haran stórt sæð onga føði, og tað ávirk­ar sjálvandi, greiðir Jens Kjeld Jensen frá. Hann held­ur, at vektin á seyðunum í ár kundi týtt uppá, at haran eisi­ni er væl fyri. - Næstan allastaðni kring land­ið hoyra vit, at seyðurin hev­ur vigað væl meira enn væntað, og tí kann tað hugs­ ast, at harurnar eisini eru væl fyri í ár, sigur Jens Kjeld Jen­sen. Veðrið á sjálvum veiðu­ deg­num er eisini av stórum týdn­ingi. Fríggjadagin sigur hann frá hvøssum vindi av suðri og nakað av ælingi og kava. - Fyri okkum er best, um tað er høgætt, norðan og turt. Er hetta ikki veðrið tann dagin, so verður ikki farið avstað, sigur Hallur av Heiðu­num. Verður veðrið hampi­ligt fríggjadagin, fara teir væntandi einir 17 mans á árs­ins fyrstu haruveiðu hjá Klapp­jaktini. Í Vestmanna vænta teir held­ur ikki besta veðrið frígg­j­a­dagin. - Sum nú er, sær tað ikki so lov­andi út. Tað liggur nakað av kava, og tað er til fyrimuns fyri teir, sum ganga í teimum lágu hagunum, sigur Niels T. Pedersen. Hann er við í Miðals­brekkufelagnum, ið telur 21 menn. Harumenninir á Skála­ toftum vóna eisini, at veðrið verð­ur gott fríggjadagin, tí hag­in hjá teimum er heldur óhøg­ligur, og dagurin er ofta lang­ur, tá teir fara at skjóta har­ur. - Veðrið má verða nøku­ lunda. Helst ikki ov vátt og hampi­ligt gongi, sigur Jákup Pauli Johannesen. Kunnu vænta eitt gott haruár Tey, ið fara á haruveiðu komandi tíðina, kunnu vænta sær nakrar góðar túrar, tí fleiri staðni í landinum verður sagt frá, at nógv hara er at síggja