fríggjadagur 2. november 2012síða 12

Fríggjadagur 2. november 2012 · Nr. 128 12 Sosialurin Hugskot og viðmerkingar – send sms til 225000 Ghetto Føroyar hevur bjóðað nógv ymiskt, síðani sendingin varð send fyri fyrstu ferð í vár, og í gjár vórðu nýggjar leiðir aftur gingnar, tá borðreitt var við suppu. Jákup Sumberg frá Norðskála, ið arbeiðir á matstovuni Nimb Terasse í Tivoli, hevði fingið danska vinmannin Sylvester Andersen, sum er kokkur á gourmetmatstovuni Alberto K, framvið at gera graskerssuppu nú tað er halloween. Úrslitið var ein einastandandi góð suppa, ið bæði tónleikarin Helena Heinesen Rebensdorff, gestirnir Birita í Dali og Bjørk Krogh Olsen, umframt vertir og teknikkarin Búgvi Øster nutu gott av. Uppskriftin er henda: Graskerssuppa 3 hokkaido ella butternut grasker 3 skallottuleykir 1 chili 2,5 dl róma 2 dl høsnarungabót 2 dl hvítvín 5 dl mjólk 100 g smør 1 pott timian 1 bát av hvítleyki saft frá 1 sitrón Graskerini skulu klúgvast í bátar bakast í ovninum vid timian og hvítleyki í umleið ein tíma, ella til tey eru moyr. Steik skallottu leyk, chilli og innmatin frá graskerinum. Koyr hvítvín í og kóka fylluna niður í helvt, og lat síðani høsnarungabótina og róman í. Blenda suppuna meðan tú koyrir mjólkina og kalt smør í bitum í. Smakka til vid salt og sitrón, og toppa suppuna við súrróma áðrenn hon verður borðreidd. Hvørki Birita í Dali, forkvinna í MFS, ella Bjørk Olsen, sum hevur verið virkin bæði í føroyskum og donskum politikki, er vís í, at tað er eitt gott hugskot at lata føroyingar undir útbúgving uttan­lands velja til kommunuval, men tað er púra greitt, at hetta er ein spurn­ingur, sum MFS vil hava á breddan. – MFS hevur enn ikki eina greiða støðu í málinum, men vit vóna at fáa eitt sakligt kjak um hetta málið, og tað er eisini greitt, at tað eru nógv góð argumentir, sum tala fyri møguleikanum at velja, segði Birita í Dali. Bjørk Olsen er samd, at tað er nógv, sum talar fyri møgu­ leikanum, men staðfestir, at argu­ mentini ímóti viga tyngri. – Eg haldi, at tá tað snýr seg um býráð, so snýr tað seg um av­ gerðir, sum verða tiknar tætt upp á borgaran, og í teimum smáu komm­ununum, har tað eru fáar at­kvøður, sum skilja valevnini, kann tað tykjast órættvíst, um nakrir útisetar fáa seinasta orð­ ið um raðfestingarnar í lokal­øk­ inum. Birita í Dali heldur hinvegin, at hesin vandin ikki er so stórur, tí tey lesandi fáa bara rættin til tey eru liðug at lesa, og at tað bara eru tey við áhuga fyri lokal­ økinum, sum høvdu farið á val. – Vit skulu ikki síggja tey les­andi sum útisetar. Vit skulu síggja tey, sum fólk, ið eru noydd av land­inum í lestrarørindum, og sum framvegis eru ein partur av sam­fel­ag­num, tí tað eru jú nógv, sum flyta heim, segði Birita í Dali. Hon staðfesti eisini, at tað eru onnur enn lesandi, sum eru í Føroyum nakrar fáar mánaðir um árið, og framvegis sleppa at velja. – Um vit til dømis taka úti­ siglarar, so eru teir heldur ikki heima alt árið, segði Birita í Dali. Bjørk Olsen vísti somuleiðis á, at tað kann vera torført at gera av í hvørjari kommunu tey lesandi skulu kunna velja, tí tað er tor­ ført at vita, hvørja kommunu tey les­andi fara at flyta til – um tey yvir­høvur flyta heim. Hesum tekur Birita í Dali undir við, men staðfestir, at tað er skjótt at hugsa, at tey lesandi kundu valt í kommununi, sum tey fluttu úr. – Tá talan er um løgtingsval, so verða tey lesandi skrásett í tí kommununi, sum tey komu úr, segði Birita í Dali. MFS vil hava kommunuval á breddan Birita í Dali, forkvinna í MFS, vil hava møguleikan hjá lesandi útisetum at velja til kommunuval á breddan. – Eg kann ikki siga, um tað er eitt gott hugskot ella ikki, men vit vilja fegin hava hetta málið fram, segði hon í orðaskifti í Ghetto Føroyum Ein ordans suppa Jákup Sumberg og Sylvester Andersen leggja síðstu hond á, áðrenn suppan verður borðreidd