fríggjadagur 2. november 2012síða 17

17 Fríggjadagur 2. november 2012 · Nr. 128 Sosialurin Hugskot og viðmerkingar – send sms til 225000 Góða mamma, omma, ver­ móðir og kona hjarta­liga til lukku við runda degnum tann 3. november 2012. ”Sjeyti er bara eitt tal”, segði tú nú ein dagin við elstu ommudóttrina, sum vildi vita, hvussu tað kendist at runda 70 ár. Og soleiðis ert tú Arm­garð Mc. Birnie, fødd Hjelm sunnan úr Vági í Suð­ur­oy, dóttir Hans Jacob og Michalu Hjelm og ommudóttir Jaspur og Johon­nu Hjelm. Aldurin hevur ikki so nógv at siga í tínum hugaheimi. Tað bæði sæst og kennist. Onkun­tíð hoyra vit teg siga, at tað er keðiligt ikki at kunna svinga avstað í høg­um stilettum, og at alt tekur eitt sindur longri tíð nú, men tað er sum so tað einasta. Tú er og hev­ur altíð verið í sving á øllum økjum – bæði í arbeiðs­høpi og heima. Sjálvt um tú nú rund­ ar sjeyti, ert tú fram­veg­is virkin á arbeiðs­mark­naði­ num. Og har tú starvast, verð­ur tú altíð nógv vird fyri títt nærlagni, arbeiðssemi og ikki minst hetta at duga væl við fólki. Vit kenna snøgt sagt ongan so góðan menniskja­ kennara sum teg. Tú veitst beinanvegin, hvus­su tú skalt fara við fólki, og hevur tú í tínum arbeiði sum sjúkrasystir og heilsu­ systir upp gjøgnum tíðir­ nar fingið nógv rósandi orð fyri at hava hjálpt fólki í øll­um aldri – bæði ungum og eldri. Og djørv hevur tú altíð verið. Vit minnast enn vetrarkvøldini við kava­ stormi, tá tú koyrdi upp um fjøll norður á Sjúkrahúsið á Tvøroyri til arbeiðis við sand­sekkum í bilinum, so hann ikki skuldi verða tikin av vegnum. Eisini var tað sera djarvt, tá tú sum 43 ára gomul knappliga gjørdi av at flyta familjuna av landi­num til Århuus, tí tú vildi útbúgva teg víðari til heilsu­systir. Sum alt annað, tú fer í holt við, so komst tú á mál, fekk prógv sum heilsusystir og flutti síðani heim aftur á klett­arnar at arbeiða. Vit vita væl, at vit fylla nógv í tínum lívi. Hinvegin ert tú einki minni enn okkara miðdepil. Tú syrgir fyri at halda bondini tætt knýtt okkara millum, málar og vandar hetta familju­ træið, so tað alla tíð­ina veksur, sum tað skal. Allar greinar og øll bløð hugs­ ar tú um, sært tú og gev­ur umsorgan. Og vit øll kenna okkum sæddan, hoyrd­an og væl passaðan. Ommu­ børn­ini renna um kapp heim í tína heitu stovu um dagarnar, har tú altíð borð­ reiðir við onkrum góðum. Mangl­ar onkur eina heita troyggju, húgvu ella hosur, so finnur tú skjótt stokk­ar­ nar og gandar upp á onga tíð fram eitt bundið plagg. Ja, við hvørt skilja vit als ikki, hvussu tú fær stundir til alt, sum tú framleiðir. ”Heima hjá ommu er trygt og hugnaligt, og so eigur hon altíð okkurt lekkurt”, segði ein onnur ommu­ dóttir ein dagin. Og so er. Tú er altíð eitt stig fram­ ma­n­fyri. Tónleikurin hevur fylt nógv í okkara lívi. Men líka so nógv hevur tín krea­ tiv­i­tetur. Tú hugsar altíð í loysnum, og gevur ikki skarvin yvir, fyrr enn ein loysn er funnin. Tú elsk­ ar vakrar litir, móta, at innrætta og broyta, binda, baka, matgerð og yvir­ høvur at skapa eitt gott og hugnaligt huglag rund­ an um teg og tíni og liva lívið fult út. Tí ert tú eitt so livandi menniskja, sum vit elska so nógv at vera saman við. Tú gevur okk­um so ómetaliga nógv dýra­bart í viðføri, sum vit ikki kunnu læra nakra aðra­staðni og sum ríkar okk­um so nógv í okkara lívi og gerandisdegi – bæði anda­liga og tímiliga. Takk fyri tað góða mam­ma, omma og kona. Vit elska teg, og enn eina ferð hjartaliga til lukku við teimum sjeyti. Ein heilsan frá manni, børn­um við makum og ommubørnum. Blá bók Navn: Armgarð Mc. Birnie. Fødd: 03. november 1942. Børn: Jón, Robert, Súsanna. Gift: Robert Mc. Birnie. Útbúgvingar: Sjúkrasystir frá Sjúkra­ systraskúla Føroya í 1965. Heilsusystir frá Århuus Universitetscenter í 1986. nøvn Føðingar 20. august fingu John Høj Joensen, Strendur, & Alisa Thorleifsson, Skáli, ein son. Hann var 55 cm langur og vigaði 4120 gr. 19. oktober fekk Bára ein lítla beiggja. Hann vigaði 4300 gr og var 53 cm langur. Foreldrini eru Sjúrður Lómstein Petersen og Jórun Heinesen í Oyndarfirði. 29. okt. 2012. fingur Petra Petersen og Morten Hust Petersen, Kvívík eina genru. Hon var 52 cm long og vigaði 3670 gr. 23. oktober fingu Elin Thomassen og Tróndur G. Joensen búsitandi í Hoyvík eina dóttir à 5570 g og 55 cm. 15. oktober fingu Kamille og Gunnleif Rosenfalk Blaasvær, Dragør, eina dóttur. Hon var 52 cm og vág 3920 gr. 28. oktober fingu Guðrið Müller, Kvívík, og Bárður Egholm, Eiði, eina dóttur. Hon var 56 cm long og vigaði 4100 gr. 19. oktober fingu Palma og Heri Norðberg, Hvalba, ein son. Hann var 53 cm langur og vigaði 3860 gr. Armgarð Mc. Birnie – eitt lívsstykki fyllir sjeyti