mánadagur 5. november 2012síða 6

Mánadagur 5. november 2012 · Nr. 129 6 Sosialurin Hugskot og viðmerkingar – send sms til 225000 Áki Bertholdsen Nú skal gongd setast á arbeiðið at gera ein rættiligan golf­vøll á Glyvursnesi. Tað hevur Tórshavnar Bý­ ráð samtykt Í hesum sambandi hevur bý­ráð­ið samtykt at játta eina hálva millión, sum skulu brúk­ast til at fyrireika ein golf­vøll á Glyvursnesi. Ein golfvøllur er ein for­ treyt fyri yvirhøvur at fáa oyggja­leikirnar til Føroya. Býráðið sigur, at skal tað eydnast at fáa ein golf­ vøll í Føroyum í góðari fyri oyggja­leikunum, sum æt­lan­ in er at fáa til Føroya, helst í 2019, men annars í 1921, er tað neyðugt at seta gongd á fyri­ reik­ing­arnar av álvara nú. Ein arbeiðsætlan er gjørd, har eisini Tórs­havn­ar Golfklubbi og Ítrótta­sam­ band Føroya taka lut í fyri­ reikandi arbeiðinum. Nógvir spurningar Arbeiðið í hesum fyrsta stiginum fevnir serliga um at fáa fáa lendisspurningin av­ greiddan og um at fáa greiði á sjálva golfbreytina bæði ítróttaliga, arkitektoniskt og umhvørvisliga í samband við burðardygga vatnveiting, plantu­vøkstur o.a. Greiða skal eisini fáast á, hvussu golfvøllurin skal skip­ast ferðavinnuliga og fíggj­ar­liga. Eitt nú, skal ein rakstrarætlan gerast og greiða skal eisini fáast á, hvussu raksturin skal skip­ ast. Somuleiðis skulu tey kanna møguleikarnar fyri út­lendskari fígging og um tað ber til at fáa samstarv við útlendskar partar og ser­ frøði bæði í Skottlandi, Ís­ landi og Danmark, har fleiri við­komandi sambond longu eru knýtt. Tað verður eisini neyðugt at fáa greiði á, hvussu ferðsl­ an av Hamrinum á Argj­um, út á golfvøllin á Glyvurs­nesi, skal skipast, tí hon er nógv økt. - Men vegurin er ringur og tí er ein meting gjørd um, hvus­su nógv tað fer at kosta at leggja avfresað asfalt á veg­in. - Tað fer at kosta einar 50- 75.000 krónur. Á fíggjarætlanini hjá Tórs­havnar Kommunu eru 4,6 milliónir tøkar til golfvøll Men fyri at fáa fyri­reik­ ing­ar­nar í gongd verður neyð­ugt 500.000 krónur til enda­málið. Men ein partur av tí kann eisini brúkast at at leggja avfresað asfalt á veg­in. Og tað hevur býráðið nú sam­tykt at játta. Áki Bertholdsen Nú verður sjøtil settur á íbúðarbygging í Havnini. Tórshavnar býráð hevur sam­tykt at selja felagnum, Bú­stað­ir, sum fyrr nevndist Húsa­láns­grunn­ur­in, eitt øki á 5512 fer­metr­ar á Boðaneshamri fyri 156 krónur fermeturin, og har fer bústaðarfelagið nú at byggja 10 tvíhús við tveim­ um íbúðum í hvørjum húsi, til­samans 20 íbúðir. Ein byggiætlan, sum MAP arkitektar gjørdu fyri fimm, seks árum síðani um bygg­ing­ina, verður nú tikin fram aftur og endurskoðað og dagførd, sigur Andras Róin, stjóri í Bústaðum, sum hev­ur undirheitið, Føroya Bú­stað­ar­felag. Av tí sama er greiða ikki fingin á, hvussu nógv, íbúð­ ir­nar fara at kosta. Beinanvegin Tórshavnar Býráð hevur sett sum treyt, at byggjast skal á stykkinum áðrenn tvey ár eru farin, annars kann kommunan krevja øki aft­ur. Hetta varð samtykt fyri at Bústaðir ikki skuldi legg­ ja hald á øki, uttan at byggja, so at tað kom at liggja deytt. Men tað verður ongin trupul­leiki, staðfestir stjór­ in í Bústaðum. - Vit fara til arbeiðis alt fyri eitt, vit hava fingið form­lig boð frá kommununi um, at vit kunnu keypa stykk­ið, sigur Andras Róin. Hann sigur, at tað, sum hev­ur ligið í kortunum, er, at tal­a­n skal vera um vanligar íbúð­ir. Men um talan verður um luta­íbúð­ir ella leiguíbúðir, er ikki avgjørt enn. Ymisk sløg Í býráðnum hava tey eisini tos­að um, hvat slag av íbúð­ um, talan skuldi vera um. Trý stór røktarheim eru beint við, Tjarnargarður, Lág­ar­garður og Boða­nes­ heim­ið, so tosað varð um at tað var natúrligt at byggja eldra­íbúðir á stykkinum, sum Bústaðir nú fær til keyps á Boðaneshamri. Tosað hevur eisini verið um at byggja vardar íbúðir. Hinvegin er niðurstøðan í Býráðnum, at tað er ikki rætt at byggja íbúðir, sum eru eyðmerktar til eitt ávíst slag av fólki, heldur enn at byggja vanligar íbúð­ir, sum endur­spegla fólka­sam­an­ set­ing­ina í samfelagnum. Á henda hátt ber til at røkka tørvinum á bíligum íbúð­um hjá fleiri málbólkum í senn, eitt nú støkum, støk­ um uppi­hald­ar­um, yngri fam­i­lj­um, ið seta búgv fyri fyrs­tu ferð, les­andi, eldri, um­framt fólki við serligum tør­vi o.a. Sostatt er niðurstøðan í Býráðnum, at talan skal verða um blandaða bygg­ ing, men at íbúðirnar skulu innrættast soleiðis, at tað ber til hjá fólki við rørslu­ tar­ni at ogna sær eina. Somuleiðis vilja bý­ráðs­ lim­ir kanna møguleikan fyri at gera lyftu til rørslu­tarn­að. Samstundis tilskilar komm­unan sær rætt til at leiga ella keypa íbúð har til bráðfeingis almannamál fyrst og fremst barnavernd. Tað vóru tó onkrir býráðs­lim­i­r, sum ávaraðu ímóti at seta alt ov stór krøv til til byggingina, tí krøv kosta pening og áðrenn vit vita av, eru íbúðirnar so dýr­ar, at ongin hevur ráð at key­pa tær. Byggja 20 íbúðir í Havn BÚSTAÐARBYGGING Føroya Bústaðarfelag hevur fingið eitt stórt stykki frá Tórshavnar Kommunu at byggja íbúðir á og farið verður ígongd beinanvegin Tað er ikki rætt at byggja íbúðir, sum eru eyðmerktar til eitt ávíst slag av fólki Nú er neyðugt at fara til verka GOLF Í FØROYUM Nú er neyðugt at seta rættiliga ferð á arbeiðið at fyrireika golfvøll á Glyvursnesi, sigur Tórshavnar Býráð Bústaðarbygging Nú verður sjøtul settur á at byggja íbúðir í Havn og fleiri verkætlanir eru á veg, sigur Andras Róin, stjóri í Bústaðum