mánadagur 5. november 2012síða 15

15 Mánadagur 5. november 2012 · Nr. 129 Sosialurin Hugskot og viðmerkingar – send sms til 225000 Ítróttarblaðið Hilmar Jan Hansen Undan hesum kappingarárinum var avmarkað, hvussu stórar vónir hini liðini høvdu til Neistan, ið annars hevur verið millum tey fremstu seinnu árini. Flestu profilarnir eru burturi og í staðin verður arbeitt við at byggja eitt nýtt lið upp, sum skal gera ein vørr um nøkur ár, heldur enn her og nú. At Neistin er á rættari leið, sæst alsamt oftari, nú fimm dystir eru spældir. Gamaní, er einasti sigurin vunnin á Team Klaksvík, ið er uppaftur verri fyri við fólki, men eisini í fleiri av hinum dystunum hava taktirnar verið góðar, hóast liðið í álopspartinum ikki er so væl fyri, eitt nú uttan nakran veruligan skjútta. Grannauppgerðin í gjár var heldur einki undantak, tí her fingu menninir hjá Neistanum víst, at teir kunnu standa seg sera væl í verjuni og eisini eru væl fyri við mál­monn­ um. Tað sást millum annað ta allar­ fyrstu løtuna, tá Neistin fekk hildið Kyndli frá yvirhøvur at fáa mál í meira enn tíggju minuttir. Hinvegin er Kyndil eitt av lið­ unum, ið hevur fingið nógv og gott fólk, so liðið er munandi sterkari enn síðsta vetur, tá tað endaði við botn­plássi. Og at dygdirnar hjá Kyndli kunnu røkka heilt langt í vetur, fekk liðið eisini víst í seinna hálv­leiki, tá tað eydnaðist at venda øllum til egnan fyrimun, eftir at tað hevði staðið á jøvnum í steðginum. Spælandi venjarin, Finnur Hansson, var í seinna hálvleiki rætt­iliga náðileysur ímóti sínum gamla felag, tí við sjey av teimum 17 mál­unum eftir steðgin var hann helst fremsta orsøkin til, at Neistin ikki fekk stórt meira burturúr, um­ framt at Erlendur Johannessen við fleiri góðum bjargingum pilkaði teir bláu niður, so Kyndil stóð eftir sum vinnari. hilmarjan@sosialurin.fo Atlantic Airways Deildin menn nr. Lið Dystir Vunnin mál Tapt mál Munur Stig 1 KÍF 6 188 136 52 11 2 Kyndil 5 139 123 16 7 3 VÍF 5 139 119 20 6 4 H71 5 134 136 -2 6 5 StÍF 5 132 119 13 4 6 Neistin 5 109 122 -13 2 7 Team Klaksvík 5 82 168 -86 0 Festa deildin kvinnur nr. Lið Dystir Vunnin mál Tapt mál Munur Stig 1 Neistin 4 133 93 40 8 2 VB 4 98 99 -1 5 3 Kyndil 3 70 79 -9 3 4 StÍF 2 47 53 -6 2 5 VÍF/Tjaldur 2 44 51 -7 0 6 Stjørnan 3 58 75 -17 0 Hilmar Jan Hansen Hóast tað kann vera eitt sindur ósjarmerandi at síggja, at ein góður spælari verður tikin úr spælinum, so kann tað vera neyðugt viðhvørt. Tað hildu teir í H71 í øllum førum í gjár, tá teir eftir steðgin valdu at mans­ verja ársins spælara í fjør, Filip Jojic, og tað gav úrs­lit, eftir at VÍF hevði gjørt um seg ímóti endanum á fyrra hálv­leiki og lagt seg fýra mál framum. Uttan Jojic megnaði VÍF ikki tað sama sum við Jojic, og meðan hoyvíkingar skoraðu átta ferðir tað fyrsta korterið av seinna hálvleiki, fekk VÍF bara trý mál – harav Filip Jojic átti tey tvey. Og so var tað brád­liga H71, ið hevði lagt seg á odda. Ikki minst spældi Bogdan Florea sín stóra leiklut í, at hoy­ víkingar fingu gongd á, men sann­ast má, at venjarin eisini tordi at taka røttu avgerðirnar, so liðið frá bonkinum og út á vøll­inum fekk ein greiðan saman­hang í, sum til endans eis­ini merkti, at H71 fekk tvey stig við sær heimaftur. Hóast heimaliðið fekk mill­ um lítið og einki at hanga saman í seinna hálvleiki, sluppu gestirnir ikki ordiliga av­stað fyrr enn ta síðstu løtuna, eftir at VÍF hevði kløkkað við at koma upp á javnt, 25-25 og 26-26, men so skoraði H71 fýra mál aftrat og fekk bundið fyri posa­kjaftin, so stigini blivu tryggjað. Nokk ikki nakað dreyma­ úrslit fyri VÍF, sum undan kapp­ingini var nógv tann størsti favo­ritturin at vinna meistara­heitið, men hinvegin ein til­trongd uppreisn hjá meist­ar­unum úr H71, sum ikki hava verið so vælkoyrandi síðstu dystirnar. hilmarjan@sosialurin.fo VÍF - H71 26-30 (15-11) VÍF: Filip Jojic 10 (3), Martin Ritto 4, Holgar Durhuus 3, Andrias Eriksen 2, Joen Pauli Høgnesen 2, Agnar Joensen 2, Bárður Brimvík 1, Sámal Jákup Djurhuus 1, Magnus Müller 1 H71: Bogdan Florea 9 (2), Rúni Højgaard 6 (2), Poul Kjartan Dam 5, Bogi Davidsen 3, Hallur Biskopstø 2, Sigmundur Dahl 2, Rógvi Sørensen 2, Sigmundur Nolsøe 1 Dómarar: Ragnar Simonsen & Regin M. Petersen Neistin - Kyndil 22-27 (10-10) Neistin: Jugoslav Djumic 7 (1), Terji Mørk 4, Andras Joensen 3, Rói Hansen 2, Teitur Magnusson 2, Sjúrður Reginsson 2, Beinur Davidsen 1, Grímur Petersen 1 Kyndil: Finnur Hansson 8, Birgir Poulsen 5 (1), Andrias Sólsker 4, Josef Abrahamsen 3 (1), Høgni Klein Olsen 3, Hörður Fannar Sigþórsson 2, Ludvík Súnason 2 Dómarar: Eyðun Samuelsen & Andreas F. Hansen H71 fór við øllum Hondbóltur Dysturin í Vest­ manna sá út til at liggja til heima­ liðið, tá komið var til hálvleiks, men fyrsta korterið av seinna hálv­leiki vendu hoyvíkingar øllum full­komuliga á høvdið Kyndil køvdi Neistan Hondbóltur Eftir ein javnan fyrra hálvleik, fekk Kyndil skotið seg avgerandi framum fyrst í seinna hálvleiki, og so fekk dysturin tað úrslit, ið var væntandi Hilmar Jan Hansen Tá hugt verður at stigatalvuni hjá kvinnunum, bendir alt á, at Neistin í vetur fer at spáka allan vegin í FM-finaluna og eisini triðja árið á rað at taka steypið við sær. Argastu kappingarneytarnir eru VB og Kyndil, meðan Stjørnan ikki sær út til at hava vera í nánd av tí, sum skal til, eins og nýsamansetta VÍF/Tjaldur heldur ikki tykist hava neyð­ugu styrkina. Manningin hjá Neistanum er akkurát líka sterk, sum hon hevur verið tað hini bæði árini, so einki er at siga til, at oddasessurin er so sera tryggur. Talan er um eina góða blanding av royndum og garvaðum spælarum, og so nøkrum ungum og svongum, ið vilja fram. Í miðal hevur Neistin vunnið sínar fýra dystir við 10 málum, so styrkin fjalir seg ikki. Hesa ferð var mótstøðan frá Kyndli, ið er triðfremst, og her bleiv talan um eina reina styrkiroynd, har Neistin serliga síðsta korterið vísti vøddar og setti alt upp á pláss, samstundis sum unga og minni roynda liðið hjá Kyndli fall púrasta í fátt. Sjálvt um Kyndil royndi at mans­ verja Barbaru Brauer og Marjuna Danberg, munaði tað einki, tí hinar hjá Neistanum tóku bara so mikið størri ábyrgd. Og so hvørt sum mót­ støðan viknaði, gjørdist tættari mill­um skjótálopini hjá Neistanum, sum at enda gjørdu tað til stórsigur á grannunum. hilmarjan@sosialurin.fo Neistin - Kyndil 38-26 (16-11) Neistin: Ása Dam á Neystabø 9, Barbara Brauer 8, Nicoleta Radu Hansen 8, Jacklin Durhuus 6, Bára Hansen 3, Marjun Danberg 2, Eir Berg 1, Barbara Johannesen 1 Kyndil: Anna Brimnes 5, Gurðið G. Eystberg 5, Anja Heinadóttir 5, Jórun Ludvig 3, Randi S. Wardum 3, Turið Arge 2, Bára K. Hansen 1, Anna Sofía Mohr 1, Birita Mortansdóttir 1 Dómarar: Andreas F. Hansen & Eyðun Samuelsen Neistin vann stórt Hondbóltur Eingin ivi er um, at í kappingini hjá kvinnunum snýr tað seg um Neistan ímóti rest, og hesa ferð var tað so Kyndil, ið fekk at kenna, at tær í Neistanum ikki eru mjúkar at strúka Myndir: Álvur Haraldsen