mánadagur 5. november 2012síða 19

19 Mánadagur 5. november 2012 · Nr. 129 Sosialurin Hugskot og viðmerkingar – send sms til 225000 Elin Lindenskov Býráðslimur Vit skulu øll trívast í Tórshavnar kommunu Tað er sera týdningarmikið at vit í næsta valskeiði seta okkum fyri at skapa for­ treytir fyri at øll kunna trív­ ast í Tórshavnar kommunu. Vónandi kann stovnurin við nýggja navninum Bústaðir verða við til at fíggja alter­na­ tiva íbúðarbygging og luta­ íbúðir í Havn. Hetta hevði gjørt tað møguligt at búgva her fyri ein rímiligan kostn­að. Tað er serliga týdn­ingar­ mikið, at vit gera Tórshavnar kommunu liviliga fyri ung og serliga fyri kvinnur, tí vit mangla tey í føroyska sam­ felagnum. Bíligari bústaðir høvdu bøtt munandi um júst hesa støðuna. Vónandi fer at bera til at gera Havnina til ein veruligan universitetsbý við einum veruligum universi­tetsbyg­n­ ingi og tí sum hartil hoyrur. Hetta hevði haft við sær at ung høvdu støðast betri í Føroyum og kanska vit enntá kundu fingið fremmandafólk henda veg at lesa. Universitetið eigur at vera niðri í býnum – til dømis í Álakeri. Somuleiðis eiga vit at hava lestraríbúðirnar í býnum, so fleiri ung seta dám á býin. Umstøðurnar hjá barna­ familjum eru batnaðar mun­ andi seinastu árini við barna­ ansing til øll og munandi betri skúlum. Boðanesheimið hjálpti væl upp á støðuna við røktarplássum, men enn er ikki komið heilt á mál. Vit í Tórshavnar kom­ munu mugu eisini tryggja, at búpláss verður til fólk við skerdum førleikum: fólk við menningartarni, sálarveik fólk og fólk við breki. Hesir bólkar vera ofta ikki sæddir, men tað er týdningarmikið at pláss er fyri øllum. Miðbýurin skal eisini ger­ ast meira liviligur. Og ein ætlan fyri miðbýin er ein fortreyt fyri at fólk skulu trívast í býnum í framtíðini. Her má ein ætlan leggjast. At enda mugu vit skapa røttu karmarnar fyri vinnu­ na, tí uttan vinnu er eingin býur. Somuleiðis eiga vit at stimbra íverksetan. Tað gera vit við millum annað við einum íverksetarahúsi í Konga­gøtu. Tað er eingin ivi um, at vit framhaldandi eiga at stýra Tórshavnar kommunu bú­ skap­arliga skynsamt. Tí skal alt gerast eftir einari ætlan, soleiðis alt arbeiði verður gjørt á skynsamasta hátt. Trivnaður er lykilin til búskaparligan vøkstur ikki bara í Tórshavnar kommunu, men í øllum Føroyum. kommunuval 2012 Er býráðssessurin til sølu fyri kvarta millión krónur ? Um tú koyrir ein túr runt í Havnini, lesur eina avís ella opnar ein portal, so er úrsltið tað sama. Tú sær beint í skortin á einum pol­ itikara, sum fyri eitt ávíst krónutal roynir at vinna tína atkvøðu.At fólk eru gramm at sleppa á Løgting og nýta nógvar pengar til tað, er væl skiligt. Tað er eitt vællønt starv við góðari pensjón og feitum koyripengum. Býraðssessurin er ikki nær so væl løntur, men hóast hetta hava lýsingafólk, prentarar og hondverkarar góðar dagar nú valið nærkast. Tað er tó næstan bara teir garvaðu livibreyðspolitikarar, sum hava ráð til at nýta hetta amboð. Tað tragikomiska er tó at flestu lýsingar eru heilt í and­ søgn við boðskap og veru­ leika ! Her eru nøkur fá dømir úr rúgvuni. Spídskandidaturin hjá sam­ bandinum nýtir kanska útvið kr. 100.000,- at fortelja havn­ arborgarum at hann stendur fyri ”fíggjarligt vit og skil”. Nýggja stjørnuskotið hjá lista A hevur nýtt sítt valstríð at fortelja havnarfólkið, at verandi samgonga brúkar óv nógvar pengar. Men um hann fer at hóreiggja sær eins við kommunukassanum, sum við sínum valbudgetti so verður skjótt tómligt í tí kassanum. Annars hugaligt at síggja hvussu gott hugflog hann hevur fingið frá konuni. Hon er kendur klummu­ skrivari og man hava givið manninum eitt væl uppiborið herðaklapp, tá hann skrivaði ”Gula skipið í Havn” Javnaðarmaður við sæti í býráðnum, hevur lovað so nógv til vinstru og høgri at sjálvt A.P. Møller hevði farið rabundus um hann skuldi goldið fyri øll vallyftini. Ein argjamaður, býráðs­ limur fyri Fólkaflokkin hevur stór skelti á Argjum har tað stendur ”A fyri Argir” Alt gott um tað. Men tá sami maður lýsur heiman fyri Sandá er boðskapurin broyttir til ”Vel trygga framtíð” og ”Sterkari miðstaður” Borgarstjórin heldur seg ikki aftur ! Tað sigst at ein ávís hondverkarafyritøka, legg­ur sær árið tilrættis eftir býráðsvalinum. Undan vali­ num eru fleiri mans settir av, til at seta skeltir og bannarir upp fyri borgarstjóran. Tey árini valstríð er, fáa starvsfólk hjá hesu fyritøku helst eina eyka stóra jólagávu. So at borgarstjórin ”skapar úrslit” er sjón fyri søgn. Eg kundi hildi áfram í tímar. Grannskoðari sum er formaður í lokalfelagnum hjá Jørgen í Havn, hevur í stórum lýsingum roknað seg fram til, at vit skula hava heili fýra parkeringshús í miðbýnum. Tá nú maðurin umboðar Fólkaflokkin, kundi onnur, eisini vit uttan grann­skoð­ araútbúgving, skjótt rokna okkum fram til at tað eina húsið, skuldi liggja í garðinum hjá samkomuni ið valevni hoyrir til... Míni partafólk eru helst ikki petti frægari, men teim­ um kunna hini sleppa at skjóta eftir, um tey hava hug til tess. Niðurstøðan er tó greið, nógvir pengar brúktir av poltikarum í einari roynd at keypa tína atkvøðu ! Eg smæðist ikki við at kunngerða at eg havi sett kr. 6.000,- av til mítt valstríð. Kundi verið spennandi um onnur tora at siga hvat tey brúka. So nú má fólkið sleppa at ráða. Valið er um tey vilja hava umboð í býráði, sum vísir fíggjarligt vit og skil í verki, eisini í valstríðnum. Ella um tey vilja hava livi­ breyðspolitikara, sum fjórða hvørt ár, er til reiðar at seta húsini í pant. Hetta í vónini at lumpa seg til ”four more years” í gróthúsinum á vagl­ inum. Brandur í Dali Valevni á lista E til býráðsvalið í Havnini Í hesum valdøgum har vit Valevnir yvirhøvur øll lova tað sama um vit verða vald haldi eg at vit eisni eiga at hugsa um tær ideologisku hugsjóninar sum ikki verða tiknar uppá tunguna av nøkrum flokki, heldur ikki Tjóðveldinum. Tjóðveldið eigur at rann­saka seg sjálvt, hvar standa vit ídag? eg haldi vit skulu fara aftur til røturnar hjá flokkinum tá hann veruliga var flokkurin hjá fiski­monn­ um og verkafólki. At berjast fyri tí góða og mennandi so at vit øll – andans og handans verkafólk ­– hava góð kor og umstøður í Tórshavn og øll­um Føroyum. At endur­finna meiningina við megnar orð­um sum Samhaldsfesti, soli­ daritetur og so sjálvandi Frælsi, Javnaður og Brøðrar­lag. Heldur ikki mugu vit gloyma Fullveldishugsjónina og at Føroyar ein dag skulu verða ein sjálvstøðug Tjóð, sum vit øll verða errin av. Við okkara ríka tilfangi, okkara fólki og øllum sum er Føroyskt hava vit allar møgulleikar at evna til eitt gott samfelag har trivnaður og nøgdsemi eru loysunarorðini og har eitt nýmótans og altjóðagjørt vinnulív er lokomotivið, eitt vinnulív sum hugsar um tað burðardygga og hevur fyrilit og atlit við okkara tilfangi, Ogn Føroya Fólks og sum vit bert hava til láns frá okkara eftirkomarum. Hjálpið Tjóðveldinum til at gera eitt gott land enn betur. Frælsi, Javnaður Brøðralag, Tjoðveldi Jógvan Arge Tórshavn, valevni á Lista E Tulipanærin ger um seg Tað eru nú mong ár síðani, at Arni G jagstraði tulipanærina á skutara runt í Havnini. Býar­ myndin var so eyðkend og trupulleikin so stórur, at tað endaði við, at Harkaliðið og landið alt sang um Tulipanærina. Í Havn vassa vit ikki dagliga í lambalorti, hó­ ast seyðurin til tíðir er til stóran ampa undir Kongavarða á Argjum, serliga tá hann leitar seg føði á smáu gras­ple­ nunum og urtapottunum frammanfyri nýggju hús­ unum. Men aðrastaðni í kom­ mununi er trupulleikin sera sjónligur. Poula Han­sen rekur eitt pol­ itiskt stríð fyri at fáa sparlarnar burtur úr túnunum í Nólsoy, og í Kollafirði eru tey við at sálast , tí einki fær frið fyri seyðinum. Nú sá eg í onkrum blaði, at støðan ikki er petti frægari á Velbastað, har ynski eisini er fram­ mi um, at urtagarðarnir verða friðaðir og túnini sparlafrí. Tá ið nú hetta er til so stóran trega nógvastaðni í kommununi, átti tað í hesum trivnaðartíðum at borið til at raðfest vet­ rarfriðingina eitt sind­ur hægri. Finnbogi Arge