týsdagur 30. mars 2004síða 4

6 Nr. 62 - 30. mars 2004 Nr. 62 - 30. mars 2004 7 Johan Dahl, løgtings- maður heldur seg ikki hava fingið rættvísa viðgerð í sínum politiska lívi. Hann ætlaði ikki sjálvur, at koma soleiðis í fokus, sum hann kom, men er komin til ta niður- støðu, at hann var tann, sum var best egnaður til kross- festing SAMBANDFUNDUR Edvard Joensen Læraraskúlahøllin: Johan Dahl segði í røðu síni til landsfundin hjá Sam- bandsflokkinum, at hann helt seg vera krossfestan av fjølmiðlunum og vónar, at fjølmiðlaábyrgdarlóg verð- ur sett í gildi, sum kann forða slíkum støðum í framtíðini. Men at teir ringastu fígg- indarnir skuldu koma úr egnum flokki, helt hann vera ovboðið. – Teir fíggindarnar, sum eru framman fyri teg, kenn- ir tú, men verri er við teim- um, sum standa aftan fyri teg. Hann var ógvuliga vón- brotin av sínum politisku partamonnum, segði hann. Eins og fleiri teirra, sum undan honum høvdu havt orðið á landfundi Sam- bandsfloksins, helt Johan Dahl, at fjølmiðlaranir sleppa ov lætt at seta polit- isku dagsskránna. Men politikarin má eisini taka sína ábyrgd og duga síni ting, segði hann. Tað má vera okkara mál at hava eina góða og væl samansetta tingmanning við góðum baklandi, segði Johan Dahl. Hann lovaði Kaj Leo Johannesen sína hjálp og stuðul. Tað skal ikki standa á, lovaði hann. Hann helt kortini, at røð- an, sum formaðurin hevði hildið fyrrapartin var í so missionerandi og ov lítið dagsaktuell. Tað er í dag, vit hava trupulleikarnar, sum skulu loysast nú, segði hann, og vísti til rækjuvinn- una, sum er við at gleppa okkum av hondum, um einki munagott hendir beinanveg. Hann mælti politikar-un- um til at halda fingrarnar burtur frá Fiskavirking og lata Framtaksgrunnin um at avgera, nær og hvussu Fiskavirking skal seljast. Sjálvur heldur hann ikki, at Fiskavirking skal seljast í smáum. Heldur ikki helt Johan Dahl, at tað var nøkur van- lukka, um útlendingar keypa Fiskavirking. Eisini tað eiga vit at lata Fram- taksgrunnin taka sær av og ikki føroyska politikarar. Teir, sum koyra sjúkrabilarnar í Vágum, vilja hava vaktarskipan. Um ein skipan ikki er avtalað í seinasta lagi 30. apríl, leggja teir arbeiðið niður, siga teir í skrivi til avvarð- andi myndugleikar SJÚKRAFLUTNINGUR Edvard Joensen Vágar: Ambulansuførararnir í Vágum hótta við at leggja arbeiðið niður, um ikki ein nøktandi vaktarskipan fæst innan 30. apríl. Teir hava roynt í eini seks-sjey ár at fáa slíka skipan, men enn er einki hent, siga teir í skrivi til avvarðandi myndugleik- ar. Vága Bjargingarfelag hevur higartil røkt sjúkra- fluningin úr Vágum. Ein skipan, har Landssjúkra- húsið hevur goldið Bjarg- ingarfelagnum fyri flutn- ingin, hevur higartil verið galdandi. Men teir, sum koyra sjúkrabilarnar, hava í longri tíð biðið um at fáa eina vaktarskipan, sum gevur teimum rætt til vakt- arpening ta tíðina, teir eru bundnir av vaktini. Sum er fáa teir bert samsýning fyri ta tíðina, teir fysiskt eru í bilinum, og ikki fyri at vera bundnir á vakt. Tórhallur Simonsen, for- maður í Vága Bjargingar- felag, sigur, at talan er um eina hálva millión krónur ella so árliga, sum ein slík vaktarskipan kemur at kosta eyka. Sum er kostar skipanin einar 700.000,- krónur árliga, sigur hann. Boðini, teir higartil hava fingið aftur, eru, at um tal- an eru um eykakostnað, kann rokanst við, at koyr- ingin bara verður løgd undir Landssjúrkahúsið at røkja. Men eina slíka skipan eru vágafólk ikki nøgd við. Tað fer at leingja tíðina frá tí, boð verða send eftir sjúkra- bili, til sjúklingurin er á landsshjúkrahúsinum, munandi, sigur Elisabeth Thorsteinsson, kommunu- lækni í Vágum. Sum er skal bara koyrast annan vegin. Men tað telur eisini rættiliga nógv, at talan er um staðkent fólk, sum koyrir, og tí beinanveg, fráboðað er, veit, hvar far- ast skal. Tað sparir eisini heilt nógva tíð. Hans Pauli Støm, lands- stýrismaður við almanna- og heilsumálum, sigur, at hann er ikki í iva um, at ein avtala fæst áðrenn 30. apríl. Málið er komið honum so mikið seint upp í hendur, at ikki var tíð at avgreiða tað, áðrenn fíggjarlógar- uppskotið varð lagt fram, sigur hann. Men hann væntar ongar trupulleikar at finna peningin til eina vaktarskipan í nevndarvið- gerðini í samband við fíggj- arlógaruppskotið. Tórhallur Simonsen, for- maður í Vága Bjargingar- felag sigur, at Hans Pauli Strøm varð kunnaður um málið, beinanveg, hann tók við sum landsstýrismaður. Landsstýrismaðurin sig- ur, at persónliga er hann fyri, at tænastan verður røkt lokalt. Tað vil siga, at bil- arnir verða mannaðir úr Vágum. Hann hevur eini trý ymisk uppskot til loysn á málinum. Sum skilst hell- ir hann til eina loysn, har einir fimm-seks mans verða fast knýttir at einum portørliði í Vágum, og at skipanin so verður latin Vága Bjargingarfelag at umsita. Var best egnaður til krossfesting Johan Dahl helt seg ikki hava fingið ta viðgerð, hnn hevði uppiborið í sínum politiska yrki. Serliga vónbrotin var hanna v sínum politiksu partamonnum, segði han á landsfundi Sambandsfloksins. Hann hevði tó einki í móti at sita við sama borð, sum eftirmaðurin, Bjørn Kalsø Mynd: Edvard Joensen Ambulansuførarar boða frá uppsøgn Sjúkrabilførararnir í Vágum hava boðað frá, at um teir ikki fáa eina vaktarskipan áðrenn 30. apríl, leggja teir arbeiðið niður Í fyrstu røðu síni eftir at hann var valdur til formann í Sambands- flokkinum, bar Kaj Leo Johannesen Sambandsflokkin saman við lívið í Mykinesi. Draga øll ikki eina línu, syndr- ast flokkurin, segði hann millum annað SAMBANDSFUNDUR Edvard Joensen Læraraskúlahøllin: Nýggi formaðurin Sam- bandsfloksins, Kaj Leo Johannesen, bar í fyrstu formansrøðu síni, sum var ársfrágreiðingin til lands- fund Sambandsfloksins, Sambandsflokkin saman við lívið á útoyggj, og nevndi í hesum sambandi Mykines. Hann segði, at Mykines- fólk hava altíð livað tætt at náttúruni og verið noydd at drigið somu línu, tí ella hevði ikki borið til at livað á einum slíkum stað, segði Kaj Leo Johannesen. – Hetta er eisini galdandi fyri sambandsflokkin, segði hann. Um tað eru einstaklingar í flokkinum, sum bert arbeiða fyri seg sjálvar, og ikki fyri enda- mál floksins, so fáa vit ikki tað neyðuga álitið frá fólk- inum til at menna land okk- ara og fáa harvið ov lítið burturúr. Hann heitti staðiliga á sambandfólk um at standa saman og vísa øðrum polit- iskum flokkum, fjølmiðl- unum og fólki yvirhøvur, at Sambandsflokkurin ikki er ein flokkur av einstakling- um, sum renna hvør í sína ætt og onga miðvísa leið hava. Men um hann metti framtíðarútlini hjá Sam- bandsflokkinum javnt við verandi útlitini hjá útoyggj- unum, segði hann kortini einki um. Fjølmiðlar á skránni Eitt evni, sum gekk aftur hjá nógvum teirra, sum tóku orðið á landsfundi Sambandsfloksins um vikuskiftið, var hvussu fjøl- miðlarnir seta dagsskránna. Kanska serliga í politiskum málum. Hetta dámdi ikki øllum líka væl, og nýggi formað- urin heitti í formansfrá- greiðing síni beinleiðis á lokalfeløgini hjá Sam- bandsflokkinum um longu nú at fara at hugsa um at seta fólk við til komandi val. Soleiðis at hesi fólk kunnu venja seg til at føra seg fram í fjølmiðlunum og á tann hátt vinna eitt val. Tað tóktist, sum høvdu sambandsfólk í ávísan mun hug at geva fjølmiðlunum skuldina fyri, at valúrslitið ikki varð tað, tey høvdu vónað, og sum ymsar velj- arakanningar frammanund- an løgdu upp til. Kaj Leo Johannesen segði soleiðis í formansfrá- greiðing síni: »Tað er ein sannroynd, at fjølmiðlarnir hava fingið stóra ávirkan á, um ein politiskur flokkur klárar seg væl ella minni væl. Tað er gjøgnum fjølmiðlarnar, at vit røkka inn í hvørt húski í Føroyum, og tað setir krøv. Byrjanin til góða polit- iska Sambandseind er upp- stillingarhátturin. Tað er meiningsleyst, at fólk verða sett á valevnislistar, sum als ikki hava áhuga fyri at vera á listanum.« Hann heitti tí á fólk um at brynja seg út longu nú. Bæði til kommunuvalini, sum verða í heyst, og til komandi løgtingsval. Eisini aðrir røðarar á landsfundinum høvdu á orði, hvussu fjølmiðlarnir eftir teirra tykki ikki bara høvdu ávirkað, men eisini beinleiðis stýrt valstríðnum upp undir seinasta løgtings- val. Hóast tey ikki søgdu tað beinleiðis, var heilt greitt at skilja millum orðini, at sambandsfólk høvdu hug at kasta fjølmiðlunum fyri, at úrslit floksins ikki gjørdist tað, tey høvdu sett nøsina upp eftir. Samgonguskjalið er Samband Sambandsfólk fegnaðust á landsfundinum um, at Sam- bandshugsjónin í rættiliga stóran mun sást aftur í sam- gonguskjalinum, sitandi samgonga arbeiðir eftir. Fleiri teirra, sum høvdu orðið søgdu seg hava lagt merki til, at Sambands- flokkurin hevði sett síni fingramerki allastaðni á samgonguskjalið, og stað- festu tað millum annað við, at flokkurin hevði fingið tveir teir týdningarmiklastu landsstýrissessirnar yvir- høvur. Nevniliga fíggjar- mál og fiskivinnumál. Formaðurin segði í for- mansfrágreiðing síni, at nýskipanaruppskotið hjá Sambandsflokkinum er komið við í samgongu- skjalið frá A til Z. Men hóast tað, at sam- bandsfólk fegnast um at hava sett síni fingramerki á samgonguskjalið, sum tey siga seg eiga frá A til Z, var ógvuliga lítið orðaskifti um onnur politisk evni enn flutning av fiski og fiska- prísir á landsfundi Sam- bandsfloksins. Mál sum al- mannamál og mentan vórðu at kalla ikki nevnd á landsfundinum annað enn, at formaðurin í frágreiðing síni kom inn á, at vælferðin er ein mannarættur. Hann nam í hesum sambandi eitt sindur við heilsuverkið og fyribyrging, eins og hann segði, at vit gjøgnum al- mannaverkið og ALS hava skyldu at tryggja teimum, sum á ein ella annan hátt eru komin illa fyri í sam- felagnum. Samferðslan fekk heldur ikki ta nógvu viðgerðina. Mest var tað vágatingmað- urin, Marjus Dam, sum í sambandi við, at næstfor- maðurin í danska Vinstra- flokkinum kom á fundin, tosaði eitt sindur um fram- tíðina hjá flogvøllinum í Vágum. Nýggi formaðurin i Sam- bandsflokkinum er sam- bandsmaður. Men um hann er traditionellur sambands- maður, sum fyri einhvønn prís vil halda fast í sam- bandinum við Danmark, sum vit kenna teir gomlu sambandsmenninar, kann vera ivasamt. Hann er ES- sambandsmaður. Tað letur hann ongan iva vera um. Tó vil hann halda fast um Føroyar um sjavstýrandi tjóð í ríkinum, sum í hans- ara hugaheimi er danska kongaríkið. Eisini vil hann arbeiða fyri einum frælsum vinnu- og granskingarum- hvørvi, eins og hann metir vælferðina at vera ein mannarætt. Sambandsflokkurin er sum Mykines Kaj Leo Johannesen varð á landsfundi Sambandfloksins valdur til nýggjan formann í flokkinum. Sambandsfólk meta framtíðina eins og rósuna, ljósareyða og blómandi, við nýggju monnunum, sum í dag mynda flokkin í formanssessinum og í landsstýrinum Mynd: Edvard Joensen Ættarliðsskifti er farið fram í Sambandflokkinum. Formaðurin og báðir landsstýrismenn floksins eru allir yngri enn 40 ár. Tá Lisbeth L. Petersen varð vald til formann floksins, var hon umleið 35 ár eldri, enn Kaj Leo Johannesen er í dag Mynd: Edvard Joensen C M Y K 7 6