týsdagur 30. mars 2004síða 10

Nr. 62 • týsdagur • 30. mars 2004 • 78. árgangur • www.sosialurin.fo Hóast hann sum Stjørnu-venjari fegn- aðist um gullið, so harmaðist Svein Rógvi Nielsen sum landsliðsvenjari um kappingina, sum hann helt vera eitt stórt vónbrot HONDBÓLTSTOS Jákup Mørk jakup@sosialurin.fo Umframt at hann stóran part av árinum hevur vant kvinnuliðið hjá Stjørnuni, so er Svein Rógvi Nielsen eisini partur av venjarapar- inum hjá føroyska kvinnu- landsliðnum í hondbólti. Og hesum viðvíkjandi var fagnaðurin um at kalla lidnu hondbóltskappingina als ikki stórur. - Eg má bara siga, at kappingin í ár hevur verið eitt stórt vónbrot. Tað hava verið trý lið, sum hava kappast í oddinum, meðan hini hava verið nakað nak- að nógv veikari, og sum landsliðsvenjari má eg siga, at tað er keðilig støða. - Fyrst og fremst verða leikararnir ikki nóg hart matchaðar í einstøku dyst- unum, og tað í sjálvum sær er ikki serliga mennandi hjá teimum. Hartil haldi eg, at fleiri av teimum leikarum, sum spæla við niðaru lið- unum, væl kundu verið meira aktuellar til landslið- ið, um tær dagliga vóru partur av eini meira mið- vísari venjing. Eg skilji væl, um onkrar av hesum eru vónbrotnar um lands- liðsúttøkuna, men fyri okk- um er tað eisini eitt vón- brot, at hesir leikarar ikki hava ment seg meira, og kanska er tað eisini so, at tær til komandi ár eiga at umhugsa, hvar tær skulu spæla hondbólt, er ber- søgna útsøgnin hjá Rógva Nielsen. Og so leggur hann eisini at enda dent á, at áhugin fyri kappingini ikki er so stórur, sum hann kundi verið. Júst orsakað av tí sama. - Tað sigur seg sjálvt, at tá tú spælir kanska fýra dystir á rað, sum tú kanst vinna við 20 málum, so verður áhugin fyri kapp- ingini minni. Ikki tí at vit í Klaksvík skulu grenja í so máta, men generelt tykist hetta vera ein trupulleiki, og tað kann bara bøtast um hetta við øktum spenningi. Støðið er hækkað Hóast landsliðsvenjarin í so máta kanska tykist heldur dapurt-skygdur, so fegnast hann tó kortini um, at støðið í føroyskum kvinnu- hondbólti tykist vera hækk- andi. - Einki er at ivast í, at støðið hjá fremstu liðunum er væl hægri nú, enn fyri nøkrum árum síðani. Tað er bara spell, at hendan betr- anin av kvalitetinum ikki hevur fevnt um fleiri lið, tí við tí kundu vit fingið eina nógv meira spennandi kapping, sum samstundis hevði verið nógv meira mennandi fyri einstøku leikararnar, sigur altso ann- ar partur av føroyska lands- liðsvenjaraparinum at enda. Undan kappingar- árinum var ætlanin, at Svein Rógvi Nielsen burturav skuldi arbeiða við ungdóm- inum í Stjørnuni, men umstøðurnar lagaðu tað seg øðr- vísi. Somikið øðrvísi, at hann leygardagin stóð sum meistara- venjari hjá besta kvinnuliðnum í land- inum HONDBÓLTSPRÁT Jákup Mørk jakup@sosialurin.fo Tað vísti seg at vera ein heppin avgerð, sum leiðsl- an í Stjørnuni tók, longu tá trý umfør vóru leikt í lands- kappingini hjá kvinnum. Undan kappingini varð avtalað annars gjørd við Yelena Barlov um, at hon skuldi venja liðið, men tað stóð skjótt greitt, at hetta ikki fór at verað nøkur var- andi loysn. Heldur enn at bíða, so valdi leiðslan í felagnum alt fyri eitt at senda útlendska venjaran heim, og ístaðin varð Svein Rógvi Nielsen – sum annars er ungdóms- venjari í felagnum – biðin um at átaka sær uppgávuna at venja fremsta kvinnu- liðið. Í dag – fimm mánaðir seinni – er meistaraheitið hjá liðnum ein veruleiki, men sjálvur heldur Rógvi ikki, at gullið var eitt evni yvirhøvur, tá venjaraskiftið fór fram. - Málsetningurin hjá okk- um tá var fyrst og fremst at stabilisera liðið. Vit høvdu eisini tríggjar sera truplar á skránni, tá VÍF, VB og Neistin komu á vitjan. Móti VÍF taptu vit tepurt, men síðani gjørdist talan um spennandi sigrar á VB og Neistanum, og so gekk bara ein veg. Stjørnan vann eisini tað, sum var eftir av grundspæl- inum, og tær lógu tí á odda, tá farið varð undir enda- spælið. Í steypakappingini gekk eisini væl, og sjálvur sigur Rógvi, at tað var eftir finalusigurin á VB, at hann av álvara fekk eina sterka trúgv upp á meistaraheitið. - Sjálvandi hevði onkur tosað um tað áðrenn, men í bussinum heim ta ferðina fekk eg av álvara at kenna, hvussu nógv kvinnurnar vildu royna eftir hesum. Uttan at eg hevði sagt nakað, avtalaðu leikararnir, at hetta fram til kapping- arlok var eingin, sum skuldi í býin. Heldur ikki tað kvøldið. - Og sami seriøsi stemn- ingurin hevur alla tíðina merkt hópin. Góð uppmøt- ing og hørð venjing hava verið miðvísa uppskriftin, og í dag gav hetta eisini úrslit. Bæði tí vit ígjøgnum allan dystin megna at halda okkara uppleggi til dysitn, og eisini tí vit seinastu løtuna høvdu tað yvirskot- ið, sum skuldi til fyri at tryggja sigurin, segði Rógvi Nielsen. Ungdómsvenjarin bleiv vaksin Kappingin var eitt vónbrot Tað var ein væl nøgdur Svein Rógvi Nielsen, sum leygardagin kundi seta kós norðureftir móti Klaksvíkini, har stór móttøka bíðaði honum og leikarunum Mynd: Álvur Haraldsen 19 18 Nr. 62 - 30. mars 2004 Anna Lisa, Ári og Klæni í ferðsluni BÓKAÚTGÁVA Tíðindaskriv Ein biltúrur er liður í einum framhaldandi útgávusam- starvi millum Ráðið fyri Ferðslutrygd og Føroya Skúlabókagrunn. Hetta er onnur bókin um Onnu Lisu, Ára og Klæna í ferðsluni, og evnið hesa ferð er: -- Hvussu sita børn trygg í bilinum? Fyrra bókin var Á veg í barnagarð, sum kom út í fjør heyst. Katarina Nolsøe hevur týtt báðar bøkurnar úr íslendskum eftir Jón Ármann Steinsson og Jón Hámund Marinós- son. Ein biltúrur er eitt úrslit av virkseminum í Ferðslu- ringi Barnanna, sum Ráðið fyri Ferðslutrygd setti á stovn í 1984. Síðani tá hevur staðið øllum børnum í boði at fáa tilfar um ferðslu og ferðslutrygd. Bókin er um tey bæði, Onnu Lisu og Ára, og vin- mann teirra, Klæna, sum er rúmdarmaður. Tey trý fara at læra barnið ferðsluregl- urnar saman. Ætlanin við bókini er, at barnið skal læra at ansa sær í ferðsluni og at birta í kjak millum foreldur og barn um evnið. Í bókini verður eisini stað- fest, at tað er ikki nóg mikið at sita við hús og læra um ferðslu við at lesa, barnið má eisini gera sínar royndir úti í ferðsluni. Børn læra best av at royna sjálvi. Fremst og aftast í bókini eru nágreiniligar leiðbein- ingar til foreldur um skilagóða nýtslu av bilstóli, bilkodda og bilbelti til børnini í bili. Umframt at bókin verður lisin heima við hús, er hon eitt gott íkast til frálæruna um ferðslutrygd í barna- garði og skúla. Hestprent hevur prentað. Ein biltúrur er 16 síður og kostar 40 krónur í bóka- búðunum. BÓKAÚTGÁVA Dumbo er kendi klassik- arin hjá Walt Disney, ið nógv ivaleyst kenna sum teknifilm. Hetta er søgan um fílin við teimum stóru oyrunum, ið er so óheppin og verður argaður, til Mús verður vnmaður hansara og lærir hann at flúgva. Hesa útgávuna um fitta fílin Dumbo hevur Mathew Price skrivað, og mynd- irnar hevur Atsuko Moro- zumi teknað. Sjúrður Gullbein týddi úr enskum. Bókin, sum er væl egnað til tey 3-8 ára gomlu, kostar 80 krónur í bókabúðunum. Til børn undir skúlaaldur, ið hava hug at læra BÓKAÚTGÁVA Tíðindaskriv »Vit telja og skriva tøl« er stuttlig bók, ið ger tað lætt at læra og telja frá eitt til tíggju. Við fittum tekningum og stuttligum uppgávum verð- ur tað hugnaligt at læra at skriva tølini. Gandapennur fylgir við bókini, og tí kunnu tølini vaskast burtur og skrivast umaftur og umaftur. Bókin er sera væl egnað til børn undir skúlaaldur, ið hava hug at læra. Tað er bretska forlagið Andromeda, ið hevur fram- leitt upprunabókina. Turið Kjølbro týddi úr enskum. Bókin kostar 120 krónur í bókabúðunum. Ein biltúrur Klassik- arin Dumbo á føroyskum Vit telja og skriva tøl TÍÐINDASKRIV Lønardeildin hjá Fíggjar- málaráðnum hevur gjørt semju við Felagið Føroysk- ir Sjúkrarøktarfrøðingar og Føroya Tekniska Lærara- felag. Hitt serstaka er, at semjurnar fullu innan sama samdøgur Samstundis, sum sam- ráðingar eru millum Lønar- deildina hjá Fíggjarmála- ráðnum og Maskinmeist- arafelag, er greitt, at semja er gjørt við Felagið Før- oyskir Sjúkrarøktarfrøð- ingar og Føroya Tekniska Lærarafelag. Semjurnar við hesi bæði feløg vórðu gjørdar innan fyri sama samdøgur, ávika- víst tann 25. og 26. mars, og tað er rættiliga serstakt. Báðar semjurnar halda seg til lønarkarmin, sum er umleið 9 prosent í tvey ár. Hjá sjúkrarøktarfrøðing- unum hækkar grundlønin afturvirkandi 2,47 prosent tann 1. oktober 2003 og 3,90 prosent tann 1. oktober 2004. Hjá lærar- unum á teknisku skúlunum hækkar lønin 4 prosent somuleiðis 1. oktober í 2003 og 2004. Sjúkrarøktarfrøðingarnir hava avtalað, at tvey pro- sent av lønarupphæddini kunu brúkast til serligar frídagar. Tað merkir, at starvsfólk kunnu velja millum eina fríviku afturat ella at fáa lønina útgoldna. Tekniskt Lærarafelag hevur avtalað samsýning fyri at vegleiða og próv- hoyra sjálvlesandi. Í báðum semjum er av- tala um at fara undir skipaða førleikamenning. Fíggjarmálaráðið og Maskinmeistarafelagið sita framvegis og samráðast um nýggjan sáttmála. Samráð- ingarnar fara fram undir leiðslu av semingsmonn- unum Jógvan Amonsson og Alfred Petersen. Sem- ingsmenninir hava útsett eitt møguligt verkfall til á midnátt í gjár, leygardagin 27. mars. Sáttmálin millum partarnar fór úr gildi 1. oktober 2003. Tríggjar nýggjar barnabøkur eru komnar á marknaðin: Føroya Skúlabókagrunnur og Ferðslutrygd gava út bókina »Ein biltúrur«, meðan Bókadeild Føroya Lærarafelags gevur út bøkurnar »Dumbo« og »Vit telja og skriva tøl« Tvær semjur sama samdøgur C M Y K 18