fríggjadagur 9. november 2012síða 27

27 Fríggjadagur 9. november 2012 · Nr. 131 Sosialurin Hugskot og viðmerkingar – send sms til 225000 kommunuval 2012 Leysgangandi hundar Trupulleikin av leys­gang­ andi hundum í Tórs­ havnar Kommunu er stór­ur. Fólk ið hava onnur kríatúr, fólki ið ikki dáma hundar og ábyrgdarfullir hunda­eig­ arar hava ofta havt stór­ an ampa av leys­gangandi hundum. Tosaði nú ein dagin við eina konu ið hevur ein høsnagarð tætt við heimstað teirra. Har hevði hundur fyri triðju fer í ár, brotið seg inn og tikið hønur í innhegnaða høsnagarðinum. Sera harmiligt tílíkt hendir, bara tí fólk ikki taka ábyrgd av teirra hund­ unum. Fleiri fólk hava gjørt vart við teirra keðiligu upplivingar, av leysgang­ andi hundum. Fyri fólk ið ikki føla seg tryggan við hundum, kann tað lættliga vera sera ræð­ andi, at møta ein leys­ um­gangandi hundi. Eg sjálvur og aðrir hundaeigarar ið eg havi tosa við, hava ofta havt keðiligar upplivingar av leysgangandi hundum. Hetta er serliga tí vit koma gangandi við okk­ ara hundi, og møta ein­ um aggressivum ella ósosialiseraðum hundi. Hetta endar tíanverri ofta við, at hundarnir bresta saman. Líkamikið hundaslag og stødd á hundi, er hetta sera óheppið og nakað vit helst vilja vera fyri uttan. Trupulleikin við hunda­lorti á gøtunum hevur ofta verið um­ røddur. Tó ikki allir hunda­eigarar taka upp eftir hundinum, tekur ein leysgangandi hundur als ikki upp eftir sær sjálvum. Hendan trupulleikan vil eg gera nakað við. Okkara hundafangari skal blíva meira sjón­ ligur, har hann millum annað sjálvur tekur upp leysgangandi hundar. Tað skal somuleiðis ALTÌÐ vera gjørligt, at fáa leysgangandi hundar upptiknar við, at venda sær til løgregluna. Hetta er ein ítøkiligur trupul­ leiki; eg vil loysa henda trupulleikan. Tórshavn, ein fram­ søkin høvuðsstaður. Rúni Sundberg Patursson Valevni á listanum hjá Framsókn Ein kommuna fyri øll. Neyðarróp frá tveimum kvinnum “Vit standa úti á gøtuni skjótt”. Hesi vóru neyðar­ rópini hjá 2 arbeiðsleysum kvinnum í 40’unum í sam­ bandi við, at lógin um for­ sorgarhjálp verður broytt 1. januar 2013. Kvinnurnar løgdu sína kostnaðarætlan fram fyri meg – ávikavíst í ver­andi støðu og eftir 1. januar, tá ið lógin um for­ sorgarhjálp verður broytt. Hetta er liður í einum so­ nevndum "pakka við arbeiðs­ fremjandi tiltøkum", sum samgongan hevur sett í verk. Hetta merkir i stuttum, at forsorgarhjálpin eftir 1. jan­ uar verður skattað. Kvinna A: Sonurin júst fyltur 18 ár og er fluttur í kamar, t.v.s. hon hevur júst mist stuðulin til einligar forsyrgjarar, sum var einar 1600 krónur um árs­ fjórðingin, umframt 1000 krón­ur um mánaðin í barna­ pengum frá pápanum. Hennara kostnaðarætlan í dag sær soleiðis út: Inntøka: Forsorg 10200 Útreiðslur: Húsaleiga (við olju) 6000, SEV 700, KVF 300, trygging 200, internet 500, medisin 200, telefon 300 Útreiðslur tilsamans: 8200. Eftir til mat og klæði: 2000 um mánaðin Kostnaðarætlan eftir, at broytingin í forsorgarlógini kemur í gildi 1. januar 2013: Inntøka: Forsorg 10248 – skatt 2618 = 7630 Útreiðslur tilsamans: 8200. Eftir til mat og klæði: -570 um mánaðin – altso negativt (!) Kvinna B: Dótturin vorðin yvir 18 ár, og tískil fær hon onki fyri hana. Kostnaðarætlanin hjá henni sær soleiðis út í dag: Inntøka: Forsorg 10200 Útreiðslur: Húsaleiga 5147, SEV 600, KVF 300, telefon 400, lán 1000, medisin 300, leasing av sjónvarpi 250. Útreiðslur tilsamans: 7997. Eftir til mat og klæði: 2203 um mánaðin Fíggjarætlan eftir, at broyt­ingin í forsorgarlógini kemur í gildi 1. januar 2013: Inntøka: Forsorg 10248 – skatt 2618 = 7630 Útreiðslur tilsamans: 7997 Eftir til mat og klæði: -367 um mánaðin – altso negativt (!) Hesar báðar kvinnur eru stakar uttan forsyrgjaraplikt. Hetta er ein samfelagsbólkur, sum fullkomiliga dettur nið­ ur ímillum við lógarbroyt­ ingini. Samgongan kallar hetta ”arbeiðsfremjandi til­ tøk” – púra uttan, at fleiri arbeiðspláss eru skapað. Gevur hetta meining? NEI! Um tað skapar ein stóran samfelagstrupulleika á tann hátt, at vit fara at síggja fleiri heimleys fólk í havnargøtum? JA! Flatskatturin gav teimum ríku pengar, tey ikki høvdu brúk fyri – og nú tekur sam­ gongan pengar frá teimum fátæku, sum hava teir fyri neyðini. Hvat kann kommunan gera? Um vit vilja tað ella ei, so verður hendan lógarbroyting ein stórur samfelagstrupul­ leiki. Støk fólk uttan for­ syrgjaraplikt fara ikki at hava ráð at hava tak yvir høvdið. Uml 6000 krónur fyri innivist um mánaðin við ljós og hita er tað bíligasta, man kann finna i Havn. Tórs­havn­ ar Kommuna hevur, sum er, ikki nakað bíligari at bjóda – her er snøgt sagt onki, og tað er for galið. Alt meðan borg­ arstjórin tekur upp í saman "vit fremja úr­slit", tá ið jú ongin úrslit inn­an bústað­ arøkið, hetta týdn­ingarmikla kommunala øki, eru at vísa á. Nøktandi bú­staðarviður­ skifti eigur ein­hvør mod­ ernað kommuna at hava – og tað hevur Tórs­havnar Kom­ muna ikki! Men hesar báðar umrøddu kvinn­urnar, og ikki bara tær, men fleiri við teimum, hava tørv á hjálp her og nú. So inntil vídari, til vit hava fingið bygt bíligar kommunalar leigu­ íbúðir, so mugu hesi fólk onkursvegna fáa hjálp frá tí almenna. Ein loysn kundi verið íbúðar­ stuðul (bolig­sikring). Vit mugu finna uppá okkurt, og tað skjótt. X-bústaðir, X-hjartað á røtt­ ­um stað, X-Leivur Thom­sen, ein samvitskufullur politikk­ ari, listi E Les meira her: www.politikkur.fo/vis- leivur+thomsen-greinar Leivur Thomsen Sterkan Lista E í býráðið Ein sterkur Listi E í Tórs­ havnar býráð er borgan fyri góðsku og góðum stýri. Tað hava vit víst hesi átta árini, vit í hesum umfarinum hava verið í samgongu á Vagli­ num. Vit hava tvey tey seinastu býráðsvalini, 2004 og 2008, fingið fýra umboð av 13 vald í Tórshavnar býráð. Hetta er størsta umboðan, sum Listi E nakrantíð hevur havt í býráðnum, og tann góða undirtøkan tryggjaði, at vit eftir bæði valini komu í eina samgongu, sum hevur lagt nógv og gott eftir seg. Vit eru ikki komin á mál. Tað koma vit ætlandi ong­ antíð, men vit mugu javnt og samt arbeiða fyri framstigum og góðum trivnaði í kom­mu­ nuni. Tí bjóða vit okkum fram aftur til at stýra høvuðs­stað­ num valskeiðið 2012-2016. Vit vóru størsti flokkur í samgonguni 2005 við fýra umboðum. Ikki skerst burtur, at á sein­asta vali fór okkara sam­ starvspartnari við megin­ parti­num av heiðrinum fyri framd avrik og reyk frá tri­ mum upp í fimm býráðslimir, meðan vit vóru standandi á fýra. Tað er gott at hava fleiri javnstórar flokkar í bý­ráð­ num. Tá verða økini og máls­ økini væl umboðað. Gerst undirtøkan ov einvís, verður valdið ov einvíst og minni demokratiskt í stýringini. Fjølbroytni í býráðnum er borgarans besta trygd. Tá eru fleiri, ið við ávísari megi kunnu minna hvør annan á, at vit eru vald til at tæna borgarunum – og ikki at fremja eitt nú seráhugamál hjá nøkrum fáum. Veljið ein sterkan Lista E í býráðið – borgan fyri góðsku og góðum stýri. X við E Jógvan Arge, Tórshavn, Valevni á Lista E Besta trygdin fyri hollari og demokratiskari stýring av kommununi er, at javnsterkir flokkar stýra henni í felag. Gerst umboðanin ov einvís, kann valdið gerast ov einvíst, og tá er vandi fyri, at seráhugamál verða tikin fram um áhugamálini hjá heildini