mánadagur 12. november 2012síða 38

Mánadagur 12. november 2012 · Nr. 132 38 Sosialurin Hugskot og viðmerkingar – send sms til 225000 Síðstu átta árini havi eg havt ta stóru gleði at standa á odda fyri landsins størstu komm­ unu og at vera borgar­ stjóri í høvuðs­staðnum. Hetta hevur verið ein heiður og ein æra, og í góðum samstarvi við onnur hava vit framt úrslit og ment Tórs­ havnar kommunu. Men nú kommunuval aftur er á skránni, er meira neyðugt enn nakr­antíð at minna á, at einki kemur av sær sjálvum. Vilt tú hava, at sama leiðsla heldur fram næstu fýra árini eisini, so nyttar ikki at sita heima ella at atkvøða fyri onkrum øðrum, tí tá veitst tú ikki, hvat tú fært fyri atkvøðuna! Tað er nú, vit hava brúk fyri tínum stuðli, tí tín atkvøða kann gera allan munin! Vit biðja um fýra ár aftrat, og tey kanst tú geva okkum við tíni atkvøðu! Og uppaftur betur, um tú fært onnur við tær, tí umráðandi er at fáa øll við, so Tórshavnar kommuna kann halda fram við eini sterkari leiðslu! Sjálvt um veljara­ kann­ingarnar siga, at valið fer at hepnast so og so væl, so vinna vit einki val, um vit ikki øll greiða atkvøðu og seta krossin á rætta stað. Lurta ikki eftir teimum, ið siga, at “tað er ikki neyðugt at atkvøða fyri Heðini, tí hann fær so nógvar atkvøður allíkavæl”, tí hugsa øll tað, verður úrslitið eisini hareftir! Eg vil fegin standa á odda næstu fýra árini eisini, men skal tað eydn­ast, mást tú hjálpa til við tíni atkvøðu! Tí vil eg inniliga heita á øll, ið vilja hava Tórshavnar kommunu at halda fram á somu kós, um at atkvøða fyri okkum á lista C! Takk fyri tín stuðul! Fýra ár aftrat! kommunuval 2012 Skinkur, ostar, gransking, sjóarfallsorka, Vit mugu hava nýggjar vinn­ ur. Sum flest øllum kunnugt havi eg seinastu árini arbeitt við skinkum og ostum og vísa okkara royndir at ostar og skinkur sum hava hingið eitt ár í vanligum hjalli verða til fyrsta flokks framleiðslur og sum tað eru sera stórur marknaðir fyri bæði her heima og uttanlanda. Øll sum hava roynt og smakk­ að hesar skinkur og ostar duga at síggja hvussu stórir møgulleikar eru í okk­ara veðurlagi til slíkar fram­ leiðslur. Royndartíðin er lokin og verður nu fyrireikað vinnulig framleiðsla og útflutningur. Vit mugu granska. Granska í okkara íløgum og tilfangi og er tað sera kærkomið at nýggja “Granskingarlundin” hjá Vinnuframa letur upp í næstum. Vit fara at hoyra nógv til hetta óføra tiltak í komandi tiðum. Eisini fara vit skjótt at frætta nógv meira um ætlan í Havn við sjóarfallsorku í samvinnu við útlendingar. Eg tori at profitera at um 10 ár er orka størsta útflutningsvinna hjá Føroyum (olja, gas, vindur, sjóarfallsorka). Tað eru nógvir møguleikar, tað er bert at fara í gongd. Komið eg í Býraði vilja eg og Tjóðveldi í stóran mun stuðla øllum slíkum realistiskum verkætlanum og fáa tær at bera á mál. Tær nýtist kortini ikki at verða granskari fyri at staðfesta at Tjóðveldið er rætta valið týsdagin ! Johan Mortensen Valevni fyri Tjóðveldi Heðin Mortensen borgarstjóri Nú brýtur í bæði borð á vaglinum ! Týsdagur 13/11-2012 kann gerast ein lagnudagur fyri okkum, sum búgva í Tórs­ havnar kommunu. Seinastu 8 árini hevur kommunan haft eina skila­ góða samgongu.Tað hevur haft stóran týdning fyri okkum øll. Valdagin skal veljarin taka støðu til hvørja kós vit skulu halda komandi 4 árini. Skulu vit halda somu tryggu kós ella skulu vit sigla vandasjógv. Vandanir eru tvinnir ! Fyrri vandin er at flokkanir sum valda fyri borgum í Tinganesi, eisini sleppa framat á vaglinum, og har­við fáa møguleikan at válka sær við ognunum hjá havnar­ borgarum, á sama hátt sum teir hava gjørt við ognum landskassans! Lokalfelagið hjá sør­ vinginum í Havn hevur verið alment úti, og boða frá at teir ikki eru landspolitikkarar. Alt gott um tað, tað skula teir sjálvsagt siga ! Men tá teir nú býráðsvalið nærkast, brádliga ikki eru partur av harkaliðnum hjá sørvinginum, so má eg altso spyrja, hví teir so stilla upp fyri ein flokk, sum er í holt við at avmontera eitt vælferðarsamfelag vit hava verið øldir um at byggja upp. At politikkurin hjá sør­ vinginum hevur verið dýrur fyri Tórshavnar kommunu er sjón fyri søgn. At teir so nú hava eitt lokalfelag í Suðurstreymi, sum stillar upp til býráðsval og ikki vil taka frástøðu frá hesum rikna politikki, tað sigur mær so mikið, at vandi er á ferð, um hesi fólk eisini sleppa at ráða fyri borgum í høvuðstaðnum. Mín støða er greið, lat ikki hesi fólk sleppa framt á Vaglinum. Tað hevur okkara býur ikki uppiborið ! Aðrir vandar lúra tó eisini fyri okkara kommunu. Hesir eru innanveggja í bý­ ráðssamgonguni. Seinastu árini hava vit samstarva við Javnaðar­ flokkin, og tað skal ikki dyljast, at vit fara at gera teimum greitt, at kommunan ikki skal brúka meira pening enn vit hava ráð til, og at vit ikki finna okkum í, at skattaprosentið skal upp; tað skal helst niður. Av tí at vit hava samstarva væl við Javnaðarflokkin seinastu árini er tað nakað ódámligt, at tað eru valevnini hjá júst Javnaðarflokkinum, sum rópa harðast um bæði eitt og annað, sum tey vilja hava gjørt her og nú. Leggur man alt hetta saman so snýr tað seg um milliardir, sum bara eitt hægri skattaprosent kann fíggja. Lat tað vera púra greitt, at tað verður ikki saman við okkum. Hevur nakar hoyrt um ein politikara, sum er farin í egnan lumma, tá ið ein kommuna hevur brúkt for nógvar pengar. Øll skilafólk duga at síggja, at okkara góða býráð ikki kann átaka sær allar uppgávurnar, sum eru reksaðar upp. Tað sigur seg sjálvt, at vit kunnu ikki gera alt í senn. Og ansa vit ikki væl eftir, so verður skattabyrðan alt ov stór. Hon er ríkiliga stór sum hon er nú. Skal okkara flokkur vera partur av einum meiriluta komandi 4 árini, so fara vit at krevja at tann varni fíggjarpolitikkurin, sum hevur verið galdandi seinastu 8 árini skal halda fram. Tað er okkara ultimatum. Tí vil eg siga: Lat ikki nakran politiskan flokk, sum vil brúka fleiri milliardir fáa valdið einsamallir. Tað hevur okkara býur ikki uppiborið. Í politikki skal man halda seg til veruleikan. Skal verandi samgonga halda fram komandi 4 árini so er umráðandi at vit fáa eina álitisváttan valdagin. Tá kunnu vit tryggja at tað ikki verður oyðsla við skattgjaldarans peningi, og at kósin verður tann sama sum hon hevur verið seinastu 8 árini. Brandur í Dali valevni fyri lista E til býráðsval í Havn Góðu veljarar !! Skal útjaðarin framhaldandi vera við í menningini í Tórshavnar Kommunu so tryggjar tú hetta við at seta tín X við Bergur Robert Dam Jensen á lista C til valið týsdagin 13. nov. 2012. Við javnaðarkvøðu Gott val Bergur Robert Dam Jensen