mánadagur 12. november 2012síða 39

39 Mánadagur 12. november 2012 · Nr. 132 Sosialurin Hugskot og viðmerkingar – send sms til 225000 kommunuval 2012 Satsa upp á Havnina Norðuratlantiska Tanka­ smiðjan hevur gjørt eitt tilmæli, sum greitt mælir útjaðaraøkjum til at satsa upp á býirnar í økunum. Tí sum tey siga, tað fer eisini at styrkja smáplássini. Alterna­ tivið er, at alt økið doyr út. Tankasmiðjan mælir til: "at satsa upp á nakrar útvaldar býir. Samstundis mugu lokalpolitikararnir á smáplássunum verða nóg djarvir til at siga, at eitt sterkt sentrum eisini er gott fyri tey. NORA-økið verður bara dragandi, um vit klára at skapa dragandi býir og tað er ein fyrimunur fyri økini, um tey stuðla einari slíkari tankagongd" Víðari sigur tilmælið: "Bara sterkir býir kunnu tryggja eitt norðuratlantiskt øki. Bara sterkir býir kunnu tryggja at borgararnir fáa tær tænastur, sum tey hava brúk fyri. Bara býir kunnu skapa eitt øki, sum er dragandi fyri ung at seta búgv í. Í NORA-økinum, sum í restini av heiminum, eru tað bara býirnir, sum vaksa. Tey ungu flyta burtur frá øllum hinum økjunum. Men tað er ikki so, at tey ungu ikki vilja búgva í økunum. Tilmælið sigur frá ungum, sum fegin vilja flyta heim í sítt øki. Men trupulleikin er bara, at ynskini til karrieru, mentanartilboð og almennar tænastur ikki finnast, har tey eru uppvaksin. Tí sigur tankasmiðjan: " Vit mugu síggja til at hava tilboð til teirra við kompetansu. Bara sterkir býir kunnu tryggja hetta. Bara soleiðis verður NORA- økið dragandi fyri ung" Júst hesa niðurstøðu kom frágreiðingin hjá Norður­ atlantsbólkinum til, sum var gjørd fyri Tórshavnar kommunu. 70 prosent av teimum, sum høvdu hug at flyta heima aftur, vildu búgva í Havn. So eisini í Føroyum er greitt, at tað er býurin, sum er dragandi fyri ung. Hetta er júst tað, eg havi ført fram í valstríðnum. Eg havi afturat tí eisini gjørt vart við, hví kvinnur trívast betri í einum býi, heldur enn á bygd. Eg havi eisini ført fram í valstríðnum , at orsøkin til at kvinnur trívast betri í Keypmannahavn er, tí at í Keypmannahavn eru fleiri og fjøllbroyttari størv til kvinnur enn á bygd. Og í Keypmannahavn eru fleiri aktivitets- og tænastutilboð, sum gera býin áhugaverdari. Orsøkin til at tað eru fleiri størv og tænastutilboð til kvinnur er at fleiri fólk búgva í Keypmannahavn og tey búgva tættari. Fleiri fólk sum búgva tætt skapa fleiri tænastustørv og aktivitets- og tænastutilboð til kvinnur. Vit fáa kafeir, restaura­ tiónir, frisørsalongir, handlar, serhandlar, vælverustøð, bio­grafar, sjónleikarhús, list, designfyritøkur, reklamu­ virki og eina rúgvu av øðrum tænastu- og aktivitets­ tilboðum og arbeiðs­pláss­um, sum ikki eru á bygd. Somu­ leiðis hava býir fleiri størv til vælútbúgvin fólk. Sum kunnugt fáa fleiri kvinnur í dag hægri útbúgving enn menn. Tí gevur tað meining at vit byggja tættari og fáa fleiri fólk at búgva innan fyri ringvegin og í miðbýnum. So vit mugu skipa okkara bý og bústaðarseting øðrvísi, um vit vilja hava kvinnur og ung at búseta seg her. Tað er sera týdningarmikið, at vit leggja eina ætlan fyri, hvussu og hví vit skulu broyta miðbýin, áðrenn vit í smáum fara at broyta her og har. Ein broyting av miðbýnum má leggjast væl til rættis. Tórshavnar kommuna má seta tíð og neyðuga peningin av til at leggja ætlanina fyri miðbýin og býin innanfyri ringvegin. Eg vil arbeiða fyri at vit øll kunnu trívast í Tórshavnar kommunu. Elin Lindenskov Býráðslimur, Javnaðarflokkurin ­ Tjóðveldi hevur, sum tann einasti flokkurin havt eina skipaða val­ fundarrøð kring alla kommununa. Vit hava hildið fundir í Kaldbak, í Nólsoy, á Velbastað (ið eisini var fyri Kirkjubø, Hest, Koltur, Norðradal, Syðradal) í Kollafirði, á Argjum, í Hoyvík (ið eisini var fyri Hvítanes) og í Havn. Hetta vóru góðir og gevandi fundir, bæði fyri okkum sitandi býráðslimir, og fyri nýggju valevnini. Nógv rósandi orðini vóru á leiðini fyri tað góðu býráðsleiðsluna tey síðstu 8 árini, men tó vóru eisini nógvar atfinningar, treyðugt so. Fleiri av atfinningunum vóru um slíkt, sum ikki kostar pening, men hinvegin bert hugburð og vilja. Onnur ynski kostaðu bæði vilja og pening. Atfinningar og ynskir vóru um t.d. leys­gangandi hund­ar, vetrarfriðing, ferðslu­ trygd, fimleika­høll, dag­ stovn, frítíðar­virksemi, dagtilhald o.s.fr. Bussleiðin varð umrødd á øll­um fund­ unum. Saman­umtikið eru fólk sera glað fyri Bussleiðina, men tó vóru fleiri ynskir um at broyta ymsar leiðir í ferðaætlanini, fáa onkran eyka túrin, koyra fyrr um morgnarnar, koyra seinni um kvøld­ arnar og at koyra um vikuskiftini. Bussleiðin hevur verið hjartabarnið hjá mær hesi 8 árini, eg havi sitið sum forkvinna í teknisku nevnd. Hesi árini hevur verið arbeitt miðvíst og stigvíst við at menna Bussleiðina, og eri eg tí sera glað fyri at hoyra, hvussu væl­ umtókt Bussleiðin er millum borgararnar. Dagstovnatilboð, har latið verður upp kl. 06.00 Fleiri sjúkra­røktar­ frøðingar o.o. sum arbeiða á Landssjúkra­ húsinum, serliga tey, sum hava makar, ið arbeiða á sjónum og uttanlands, ella tey, ið eru stakir uppihaldarar, hava víst á, at dagstovnarnir eiga at lata upp fyrr um morgnarnar, soleiðis at tey kunnu vera við í vaktarskipanini og møta til arbeiðis kl. 7 á morgni. Umráðandi er, at kommunan leggur soleiðis til rættis og skipar karmarnar, at samsvar er millum tørv og tænastu. Kvinnurnar flyta av landinum, og tí er alneyðugt, at vit hjúkla um hesi kvinnuarbeiðsplássini. Tí eigur ein roynd at verða gjørd við einum dagstovni, sum letur upp longu kl. 6 á morgni. Arbeitt eigur at verða fram ímóti, at Buss­leiðin fer at koyra um vikuskiftini, og at Bussleiðin eisini fer at koyra fyrr um morgn­ arnar og seinni út á kvøldarnar. Eisini eigur ein dagstovnur at vera í Havn, ið letur upp fyrr á morgni, til gagns fyri fólk, sum byrja at arbeiða kl. 7 á morgni. Hesum ábótum fari eg at arbeiða fram ímóti, um eg verði afturvald í býráðið. Sjúkrarøktar­ frøðingar, dagstovnarnir og Bussleiðin Marin Katrina Frýdal býráðslimur fyri lista E www.marinkatrina.fo Skeiv adressa, Marjun Olsen! Tað er ikki Tvøroyrar Býráð sum hevur ábyrgdina fyri at tey gomlu ikki fá ta røkt teimum tørvar, so sum tú og fleiri onnur valevni framhildu á veljarafundi í skúlanum í Trongisvági onskvøldi. Tvøroyrar kommuna uppfyllir øll krøv á eldraøkinum sum verða sett til eina kommunu. Ábyrgdin fyri syndarligu støðuni á eldraøkinum liggur hjá m.a. sambandsflokkinum sum tú hevur umboðað á løgtingsvali. Hesin flokkur hevur verið við til at skera játtanina til heimarøktina inn á bein. Tá Hamragarður varð tikin í nýtslu varð tímatalið hjá heimarøktini í Suðuroynni skert munandi. Nógv meir enn tað tímatalið sum búðfólkið stóð fyri. M.a. hetta hevur gjørt at í dag verður sjálvt akuttørvurin ikki nøktaður. Tvøroyrar Kommuna varðar ikki av heimarøktini so Marjun ikki rættað skjútsið mót Tvøroyrar Býráð, tí tað er órættvíst. Gamaní ! eldrasambýlið varð ikki uppbygt beinan­ vegin á sama stað,men harfyri eru ætlananir um at byggja sambýli ikki sleptar Útlitini fyri einum meiriluta fyri bygging eru góð. Sjálv eri eg fyri nýbygging á øðrum stað og var tí við til at tryggingarpeningurin og søluprísurin fyri økið varð oyramerkt til eldraøkið Malla Dam