mánadagur 12. november 2012síða 40

Mánadagur 12. november 2012 · Nr. 132 40 Sosialurin Hugskot og viðmerkingar – send sms til 225000 Herfyri vóru vit bý­ráðs­ limir og vitjaðu ”Verk­ garðarin Spírin” sum liggur í Havnardali. Vit vóru sera væl móttikin av blíðum starvsfólkum og einum sera visionærum leiðara. Hesu røsku starvsfólk kunnaðu og vísti okkum rundt á stovinum. Eisini fingu vit sæð tað flottu náttúru sum er á staðnum. Hettar er eitt megnar tilboð til býarbarnið, har býarbarnið fær møgu­ leika, at uppliva bóndalív í nattúruni í Tórshavn. Verkætlanin byrjaði fyri tveimum árum síðan. Endamálið er, at skapa eitt umhvørvi, har tey hava ymisk sløg av djórum, nevnast kann: Hønir, dunnur, kaninir seyð, ross og geitir. Djórini eru deild í tveir bólkar: brúksdjór og kelidjór. Brúksdjórini verden slagta uml. Einaferð um árið. Børnini taka sær av sølu av eggum og ansa djórunum. Um summarið verður hoyggja, so slepts undan at keypa hoygg. Børnini og tey dugnaligu starvsfólkini byggja tað mesta sjálvið og fyri at verna um umhvørvið hava tey sum eitt námsfrøðisligt mál, at endurnýtslu verður framd áðrenn nýtt verður keypt. Høvðusendamálið hjá Verkagarðinum Spír­ anum er m.a at raðfesta børnini í samspæli við náttúru og djór. Vandin við hesum framúr góða nattúru/ djóra verkætlan i í Havnardali er, at hølisumstøðirnar ikki eru av teimun bestu. Her mugu vit sum politiskur mynduleiki arbeiða fram ímóti, at bøta um umstøðurnar hjá Verkagarðinum Spíranum. Besta loysnin er at finna fígging til ein nýggjan stovn á sama økið, tí annars er stovnurin ikki lív lagaður í framtíðini. Hettar var eisini tað sum vit býráðslimir fingið innlit um á okkara vitjan. Um verkætlanin og stovnurin skal halda áfram, so skal og má kommunan taka eina avgerð um karmar og fígging. Somuleiðis kann henda verkætlan, jú eisini samstarva við ætlaða djóradepilinum og djóragarðinum sum verður á Velbastað. Her eru nógvir møgu­ leikar um politiskur vilji er tilstaðar. Hetta barna paradís má halda fram og tað við betri karmun og fígging. Er tú samdur við hesum, set so krossin við Levi Mørk á lista C á býráðsvalinum týs­ dagin. Verka­ garðurin Spírin – er eitt para­dís fyri børnini! kommunuval 2012 Skrivað hevur Levi Mørk býráðslimur Nútímans og rúmlig kommuna Eg vil, at í Tórshavnar kommunu skal vera rúm fyri øllum! Hetta merkir, at øllum – yngri sum eldri, støkum sum familjum, skulu verða í boði bíligar og hóskandi íbúðir, so at fólkasamansetingin verður javnari og trivnaðurin betri til gagns fyri neyðuga búskaparvøksturin og fólkavøksturin! Hetta merkir, at eldri skulu kunna útvega sær hóskandi bústaðir í deplum við felagshúsi og heimarøkt til tess at hava bestu for­ treytir fyri einum góðum og virðiligum lívi í egnum heimi sum longst! Hetta merkir, at í eldrarøktini skulu skipast fleiri umlættingarpláss við stimbrandi endurvenjingum, so at hesi fáa eitt longri, betri og virknari lív í egnum heimi! Hetta merkir, at rehabili­ teringstilboð skulu tryggja øllum, ið hava fyri neyðini, framhaldandi møguleika fyri virknari luttøku á arbeiðsmarknaðinum til gagns fyri seg og samfelagið sum heild! Hetta merkir eisini, at lista- og mentafólkini skulu hava munandi betri umstøður til lista- og mentanarliga virksemið, ið er so neyðugt fyri tolsemið og virðingina fyri list sum tilfeingi! Hetta gevur ein nútímans og rúmligan høvuðsstað! Vit fremja úrslit! Halla Samuelsen býráðslimur og valevni Javnaðarfloksins til Tórshavnar býráð Tjóðveldið roynir sum altíð at flyta fokus frá veruleikanum Hettar valstríðið hjá tjóðveldinum hevur gingið út uppá at traðka Fólkaflokkin og Sambandsflokkin niður, sjálvt um hesir hava sitið í minniluta í 8 ár. Slíkur ódámligur atburður hoyrir ongastaðni heima, og vit vilja ikki niður á slíkt lágt støði. Aftur og aftur hoyra vit, at roynt verður at knýta okkum uppí landspolitikk, sjálvt um ongin av okkum er í landspolitikki. Roynt verður at tekna ein mynd av Fólkaflokksfólki og Sambandsfólki sum reindyrkaðar bandittar. Sjálvir hava teir bert spælt aðru violin í 8 ár saman við Heðini, og latið seg í lántar fjarðar. Eg vóni, at veljarin gjøgnumskoðar hetta sera ódámliga rákið, og ikki hoppar uppá hettar. Her er ein innilig áheitan til allar borgarar í komununi at brúka sín sunna fornuft og velja ein sterkan lista A inn í Býráðið. Annars vil eg ynskja øllum mínum starvsfelagnum í býráðnum eitt gott val. Sjúrður Olsen Býráðslimur Eg havi bjóða meg fram sum valevni til kommunuvalið á listanum hjá Framsókn og eg stilli upp fyri at verða valdur! Lat ongan iva vera um tað! Eg meti meg vera sera væl klæddan til hesa uppgávu. Hóast mín unga aldur havi eg drúgvar arbeiðsroyndir bæði her í Føroyum eins og uttanlands og eri vanur at standa fremstur, tað verið seg innan mentunarøkið, fyriskipan av tiltøkum og nevndararbeiði av ymiskum slagi. Tí eri eg klárur at taka ábyrgd í býráðnum og arbeiða fyri, at Kollafjørður verður mentur við trivnaði bæði fyri ungum sum eldri. Kollfirðingar skulu standa saman um at velja meg tí mínar ætlanir bera altíð á mál og mítt mál er, at Kollafjarðar bygd verður ment á øllum økjum. Hesar verða mínar fremstu uppgávur komandi fýra árini: • Grundstykki í Kollafirði beinanvegin • Nýggjur dagstovnur skal gerast – frá vøggustovu til frítíðarskúla • Dagføring av bygdar­ vegnum soleiðis at hesin gerst tryggur hjá øllum at ferðast á. • Tilboð til ung – ung­dóms­ stað • Fríðkan av bygdini • Títtleikin á bussleiðini til Kollafjarðar skal økjast og umfata leygardag • Ellisíbúðir skulu gerast • Bátahylurin skal bøtast um • Sparkivøllur skal gerast • í samarbeiði við Tórs­ havnar Musikkskúla arbeiða fyri, at yngstu børnini kunnu nema sær frálæru í ljóðføri Eg vil syrgja fyri, at Tórshavnar Kommuna raðfestur Kollafjørð á sama hátt sum restina av havnini og eg vil, í tøttum samstarvi við Kollafjarðarnevndina og tykkum Kollfirðingar arbeiði fyri trivnaði. Tí skulu Kollfirðingar fara á val týsdagin 13. november og seta x við Ólavur Olsen á lista F. Kollafjørður skal hava umboðan Ólavur Olsen