mikudagur 14. november 2012síða 4

Mikudagur 14. november 2012 · Nr. 133 4 Sosialurin Hugskot og viðmerkingar – send sms til 225000 Pidda-málið Át seinastu máltíðina við Pidda Rættarmál Tann seinasti, sum politiið við vissu veit hevur sæð Pidda, er ein taksaførari, sum ikki bert koyrdi Pidda hósdagin 3. november, men eisini átnátturða saman við honum Leo Poulsen Ein taksaførari er tann sein­ asti, sum hevur sæð Pidda á lívi, og hetta hendi hósdagin 3. november í fjør. Um 15-15.30 ringir Piddi til hendan taksaføraran, sum koyrir hann í Rúsuna. Seinni koyra teir báðir so ein biltúr, og eru heima aftur beint áðrenn klokkan 17. Seinni aftur gera teir báðir so av, at gera ein góðan bita saman. Teir steikja so búffar, gera sós og kóka epli, og eta síðani í køkinnum. Seinni fara teir so inn í stovuna, har teir práta um leyst og fast. Taksaførarin mintist ikki nágreiniliga, hvat teir tosa um, men børnini hjá teimum báðum var í hvussu er eitt tema. Vitnið greiddi frá, at hann var komin at kenna Pidda, tá teir hittust í einum føðingar­ degi, og teir høvdu verið væl síðani. Tað hendi ikki ofta, at teir báðir ótu saman, men tað kom kortini fyri, og hetta var ikki fyrstu ferð. Taksaførarin segði, at Piddi hevði verið deprimeraður leingi, men hetta kvøldið var hann í góðum lag. Hetta er so eis­ini ein ábending um, at Piddi ikki hevur gjørt enda á sær sjálvum. Vitnið mintist ikki, júst nær hann var farin til hús, men hann var í hvussu er heima áðrenn klokkan 22, tí tá plagdi pápin at tørna inn, og hann var framvegis uppi. Piddi var sovnaður á sofuni, og taksaførarin kann vera farin heim so tíðliga sum 19- 20 tíðina. Annars vórðu fólk í gjára­morgunin avhoyrd, sum kunnu greiða frá um tíðar­skeiðið rundan um 1. til 3. november, tí sambært ákæru­vald­inum skal kroatin hava beint fyri Pidda fríggja­ náttina, 4. november. Dámdi ikki ákærda Ein av vinkonunum hjá fyrr­ verandi konu Pidda hevur givið frágreiðing í Føroya Rætti í gjáramorgunin. Hon býr á Gerðisvegi 28, bert fá hús frá Gerðisvegi 34, har Piddi búði. Hon fær at vita frá vin­ konuni, at hon og ákærdi hava fingið húsini á Gerðisvegi 34, og at Piddi skal vera úti 1. november. Fyrrverandi kona Pidda sigur somuleiðis, at tað er ákærdi, sum hevur fingið hetta í lag. Er Piddi ikki úti 1. november, fer politiið at tveita hann út. Men 1. november kemur og fer, uttan at nakað broytist á Gerðisvegi 34. Hetta vitnið sær Pidda spáka aftur og fram, sum var einki hent. Hon sær, at ljós er framvegis í húsunum, og at Piddi ikki er farin út. Seinnapartin 1. november kemur fyrrverandi kona Pidda á vitjan og er rættiliga ørkymlað, tí Piddi ikki er far­ in úr húsunum, og tær báðar bíða spentar eftir, at politiið skal koma á staðið. Men har kemur einki politi. Vinkonan segði í rætt­ inum, at ákærdi hevði verið inni hjá henni tríggjar ferðir, og at hon beinanvegin fekk andstygd mótvegis honum. Leo Poulsen Tað kom undan kavi, at Piddi seinastu tíðina hevði verið í betri lag, tí hann hevði hitt eina íslendska kvinnu, sum hann ætlaði at vitja. Eitt av vitnunum í gjára­ morgunin var eitt systkina­ barn Pidda. Hann hevði sein­ast verið saman við horvna manninum val­ kvøldið 29. oktober. Tá hevði Piddi verið í góðum lag.

Týsdagin 1. november hevði hetta systkina­barnið ringt til Pidda, men tá var lagið ikki gott, greiddi vitnið frá.

 Hann segði tó, at Piddi sein­astu tíðina hevði verið í rættiliga góðum lag, tí hann hevði hitt eina ís­ lendska kvinnu, sum hann hevði ætlanir um at fara at vitja.

Tað var umleið 22. sep­ tember, at Piddi var á einari fiskarí­messu í Íslandi, og har hitti hann eina kvinnu, sum sambært frágreiðing til Rejse­holdet, Piddi hevði kalla fyri eina »pæn pige«.

 Hetta hevði eisini ført til, at allir møguleikar vórðu kann­aðir við sambandi til Ís­lands, eisini um Piddi skuldi verið farin við einum íslendsk­um farmaskipi til Ís­lands.

 Hinvegin staðfesti hetta systkinabarnið, at tað ikki var Pidda líkt at fara av land­inum uttan at siga nøkrum frá. leo@sosialurin.fo Piddi hitt íslendska kvinnu Piddi hevði verið deprimeraður leingi, men hetta kvøldið var hann í góðum lag