mikudagur 14. november 2012síða 21

21 Mikudagur 14. november 2012 · Nr. 133 Sosialurin Hugskot og viðmerkingar – send sms til 225000 Nøvn Í gjár, týsdagin 13. no­vemb­ er, fór Jógvan á Lakj­uni, løg­ tingsformaður, um tey seksti. Hann er fugl­firð­ingur og burtursæð frá lestrarárunum í høvuðsstaðnum hevur hann alla sína tíð búð í Fuglafirði. Foreldrini vóru Mia og Jákup Oluf á Lakjuni. Tey eiga seks dreingir: Victor, Páll, Harry, Jógvan, Terji og Eyðun. Victor býr í Klaksvík, og allir hinir búgva í heimbygdini. Eftir lokið realprógv var Jógvan trolaramaður í trý ár. Hann sigldi við Sundabergi og Ólavi Halga, sum pápi hansara førdi. Í 1972 fór Jógvan á Lærara­ skúla í Havn, og tá ið hann fimm ár seinni hevði lokið prógv, varð hann lærari í heimbygdini. Tólv ár seinni varð hann lærari á Føroya Handilsskúla á Kambsdali. Longu eftir ólavsøku í 1989 møtti Jógvan fyrstu ferð á tingi. Tá avloysti hann í eitt stórt ár Olaf Olsen, sum var landsstýrismaður. Í níti árunum var Jógvan av og á avloysari í tinginum, og síðani løgtingsvalið 30. november 1998 hevur Jógvan verið valdur tingmaður fyri Fólkaflokkin. Tá ið full­ veldislandsstýrið ráddi fyri borgum, var hann formaður í mentanarnevndini 1998-2002, og seinna skeiðið – 2002-2004 – var hann formaður í rættar­ nevndini og formaður í Útnorðurráðnum 2002-2003. Eftir valið í 2004 skip­aðu Javnaðarflokkurin, Sam­ bandsflokkurin og Fólka­ flokk­urin samgongu, og tá varð Jógvan á Lakjuni lands­ stýrismaður í mentamálum. Eftir valið í 2008 varð Jógvan næstformaður í tinginum, og eftir valið 29. oktober 2011 varð hann valdur at vera ting­formaður. Í landsstýrisskeiðnum hjá Jógvani varð fólkakirkjan yvirtikin, og útvarpið og sjón­varpið vórðu samanløgd í Kringvarp Føroya. Fremsta uppgávan hjá lands­stýris­ manninum er at finna semjur um tað, sum samgongan hev­ur sett út í kortið í sam­ gongu­skjalinum. Tá eru parla­mentariskar royndir týdningarmiklar, og tað varð eisini staðfest, tá ið Jógvan var í mentamálaráðnum. Tað var lestrarárini í høv­uðsstaðnum, at Jógvan giftist Odvør Gunnarsson, sum er ættað úr Havn. Tey eiga fimm børn – Høgni, Bárður, Rógvi, Herborg og Dánjal. Tey bygdu í Fuglafirði, og fyri stuttum fluttu tey í barnaheimið hjá Jógvani at búgva. Odvør var heima hjá børnunum, og umframt at vera lærari, so var Jógvan lestrarárini og eisini nógvu tey fyrstu árini, hann var lærari, í summarfrítíðunum til skips. Gávurnar at fáast við sang og tónleik eru góðar, og Jógvan hevur ikki sett ljósið undir skeppuna. Í sam­ komuni í Siloa spælir hann undir til felagssangin, og hann er stuðul í kórinum, sum yngsti beiggin stjórnar. Gentukórinum í Fuglafirði undir leiðslu av Frits J­o­ hannesen hevur hann verið hollur, og á so mongum øðr­um økjum stuðlar hann sangin og tónleikin í heim­ bygdini. Jógvan hevur framúr gávur sum lagsmiður. Tað ber ikki til at tosa um skald­ skapin í bundnum máli hjá Hans Andreasi Djurhuus utt­ an at nevna Jógvan á Lakj­ uni. Við sera beinraknum løgum hevur hann drigið nógvar av yrkingunum hjá Hans Andreasi, Símuni av Skarði, Ismari Joensen og so mongum øðrum fram úr bókum og ritum og verið við til at syrgt fyri, at tey eru vorðin fólkaogn. Lestrarárini í høvuðs­ staðnum var Jógvan í Niko­ demusarsangbólkinum, og mið­skeiðis í áttatiárunum var hann høvuðsmaður fyri sangbólkinum Bros í Fugla­ firði, sum ríkaði okkum við meistarligu útgávuni, ið tey nevndu Heima. Í sambandi við 60 ára føðingardagin er fløga komin út, sum Jógvan hevur lagt til rættis saman við soninum Bárði. Bárður eigur fimm av løgunum, og Jógvan eigur hini sjey. Fleiri av teimum hevur løgtingsmaðurin kom­ ponerað fyri stuttum. Útgávukonsert verður leyg­ardagin 17. november í Mentanarhúsinum í Fugla­ firði. J Jógvan á Lakjuni 60 ár Á valfundinum, sum var um vikuskiftið í Fuglafirðið varð m.a. kjakast um gongubreyt av Kambsdali til Fuglafjarðar. Eisini um busskipanina mill­ um Kambsdal og Fuglafjørð. Hesin fundurin var fríggja­kvøldið í Mentanar­ húsinum og hevði Jógvan á Lakjuni, sum eisini var við fyri at lurta, fingið at vita, at ein føðingardagsgrein til hansara stóð í nýútkomna Sosialinum, ið kórfelagi og vinmaður hansara, Frits Jó­ hannesen hevði skrivað. Jógvan gjørdi ikki mætari enn at renna niðan til Haraldsen at keypa sær Sosialin og stillaði seg í gong­ina í Mentanarhúsinum at lesa greinina hjá Frits, meðan kjakfundurin gekk so lystiliga. So Jógvan fekk eina hjarta­liga heilsan frá Frits, har hann varð minntur á góðr gamlardagar og gott sam­starv teirra millum til sín 60-ára føðingardag 13. nov, meðan hann lurtaði eftir kommunuvalskjakinum við øðrum oyranum. Jú, hesir báðir menninir hava verið Fuglafirði væl at frama innan tónleika- og mentanarlív – og so mikið annað. Tillukku við degnum, Jógvan! Dávur Winther Løgtingsformaðurin seksti