mánadagur 19. november 2012síða 8

Mánadagur 19. november 2012 · Nr. 135 8 Sosialurin Hugskot og viðmerkingar – send sms til 225000 Heri Simonsen Talan gjørdist um eina minniliga útgávukonsert hjá feðgunum Jógv­ ani og Bárði á Lakjuni í Mentanar­ húsinum í Fuglafirði. Talan gjørdist um eitt fult mentanarhús við 250 áhoyrarum. Saman við garvaðum tónleik­ arum og strúkarum, kórsangarum og børnum í familjuni framførdu feðgarnir á Lakjuni løgini á tí nýggju fløguni »Gakk tú tryggur«. Jógvan á Lakjuni gav sær eisini tíð til at greiða frá søguni aftan fyri nógvar av sangunum, sum hann hevur gjørt løg til. Bárður gjørdi tað ikki í líka stóran mun, men gjørdi kvøldið lættari hjá áhoyrarunum við nøkrum góðum og skeivum við­ merkingum. Fimm abbabørn hjá Jógvani, og ein bróðirdóttir hansara framførdu eisini til onkrar av sangunum, og var tað rættiliga hugtakandi at síggja, at triðja ættarlið eisini hevur rakt tónan væl og virðiliga. Yrkingar hjá ymiskum skøldum Jógvan eigur sjey av 12 løgum á tí nýggju fløguni, Bárður eigur hini fimm løgini. Fólkakæra skald føroyinga, Hans Andrias Djurhuus eigur seks av tekstunum, VIctor Danielsen, abbi Jógvans, og lagabbi Bárðs eigur týðingina til tveir sangir. Miðvágsskaldið Mikkjal á Ryggi, Levi Niclassen »Óðin Ódn«, Astrid Joensen úr Elduvík og Bárð­ ur á Lakjuni eiga orðini til hvør sín sang á fløguni. Talan er ikki bara um kristi­ ligar tekstir, men eisini um merg­ aðar fosturlandsyrkingar og ger­ andisligar yrkingar. »Stormur« hjá Mikkjali á Ryggi er ein mergjað yrking, sum Bárður hevur megnað eitt gjørt eitt dramatiskt lag til. Yvirraskilsini fossaðu inn Tá øll best hildu, at útgávukonsertin varð liðug, so komu heili trý yvir­ raskilsi til Jógvan á Lakjuni, sum hátíðarhelt sín 60 ára føðingar­ dag leygardagin. Fyrst kom lista­ maðurin, Frits Johannesen upp við fyrrverandi limum í gentu­kór­ in­um í Fuglafirði, og tær sungu ein sang, sum Jógvan hevur tón­sett. Jógvan og Frits stjórnaðu gentu­ kórinum í 1980-unum og 1990- unum. Duppultkvartettin »Vega«, sum Jógvan eisini er partur av; sang ein jólasálm til eitt lag hjá føðingardagsbarninum. Siloakórið kom eisini upp at heiðra Jógvani. Tey sungu sangin »Nú farast allar rósur«, sum Jógvan hevur tónsett. Og Siloakórið og Gentukórið sungu saman »Summi Fólk so feg­ in«, sum Jógvan hevur tónsett. So konsertkvøldið sum longu var framúr gott, gjørdist sera minni­ ligt. Fegnaðust um kvøldið Jógvan og Bárður vóru báðir framúr glaðir fyri kvøldið, serliga Jógvan. Maðurin, sum flestu føroyingar kenna sum tingformann segði, at talan gjørdist um eitt kvøld, sum hann altíð fer at goyma sum eitt gott minni í huga sínum. Bárður segði, at tað var ein ávísur spenningur áðrenn útgávukonsertina, tí talan var um heilt aðrar tónleikarar, enn teir, sum eru við á fløguútgávuni. Men Bárður heldur, at tað gekk framúr væl, eisini hjá børnunum, sum vóru spent upp á uppgávuna og tyktust als ikki at hava nervar til framførslurnar framman fyri einari fullsettari áhoyrarafjøld í mentanarhúsinum í Fuglafirði. Spurdir um hann og pápin fara at koma við einari aðrari fløgu í framtíðini, svarar Bárður, at tað má tíðin vísa. Minnilig útgávukonsert hjá feðgunum á Lakjuni Mynd: Jenny á Lakjuni ÚTGÁVUKONSERT Eitt fult mentanarhús í Fuglafirði gjørdist ramman um eina minniliga útgávukonsert, har trý ættarlið framførdu. Best, sum fólk hildu, at útgávukonsertin var liðug, so fossaði tað inn á pallin við tónlistarligum yvirraskilsum