mikudagur 21. november 2012síða 12

Mikudagur 21. november 2012 · Nr. 136 12 Sosialurin Hugskot og viðmerkingar – send sms til 225000 Vilmund Jacobsen Tað hevur gjørt mun, at Bio­tech, sum er livravirkið á Eiði, setti prísin fyri livur upp í seks krónur fyri kilo. Hetta hevur gjørt, at fleiri ísfiskatrolarar eru farnir at taka livur, og soleiðis fáa mann­ingarnar, sum sigla við hesum skipum, eitt fittligt ískoyti til hýruna. Erlendur Johannesen, stjóri á Biotech á Eiði, sigur, at tað eru ávísir ísfiskatrolarar, sum taka livur, og hann heldur, at virkið á Eiði nú í heyst hevur keypt livur frá umleið 16 ísfiskatrolarum – ella átta pørum. Livur og innvøli – Uttan at gera nøkrum órætt, kann eg nevna, at ísfiska­trol­ararnir, Stekur og Bakur, Heykur og Falkur, Jaspis og Ametyst - og ikki minst ísfiskatrolarar heima­ hoyrandi í Hvalba eru óførir at koma við livur. Stjórin sigur, at virkið á Eiði rindar seks krónur fyri kilo, og tá fevnir hetta um livur úr øllum fiski av toska­ ætt, sum hann tekur til. – Vit rinda soleiðis seks krónur fyri kilo av eitt nú toska-, upsa-, hýsu-, longu-og brosmulivur, sigur Erlendur Johannesen. Hann leggur aftrat, at Biotech keypir eisini innvøla úr fiski, men tá er prísurin lægri, tí innvølur heldur sær ikki eins væl og rein livur. Kærkomið íkast Hóast patrolarar hava kryvji­ maskinu í dag, er vanligt, at tann stóri upsin verður kruvd­ur við hond. Livur á fiski, sum fer gjøgnum kryvji­maskinu, fer í pettir, og tí kann henda ikki takast burt­ur úr og seljast sum rein livur. Sum Sosialurin hevur skilt, er áhugin hjá fiskimonnum við nøkrum ísfiskatrolarum at taka livur og soleiðis fáa eitt íkast til hýruna so stórir, at heil hál verða kruvd við hond – og ikki bara tann størsti fiskurin. Vit hava eisini skilt, at fiskimenn við tøku av livur hava megnað at økt um hýr­ una á túrum við millum 1500 og 2000 krónum, sum svarar til stívliga 10% av hýruni ein vanligan ísfiskatúr. Umborð á línuskipum er menn ikki eins ágrýtnir at taka livur sum umborð á ísfiska­trolarum, og tað er meiri undantakið, at línu­ menn yvirhøvur taka livur heim við at selja. Hetta skuldi kortini ikki verið ein ómøgulig upp­ gáva, tá ein og ein fiskur kemur inn um lúnningina í senn. So, kanska fara eisini línuskipini at taka livur sum frá líður, tá hetta gevur manningini eitt fitt hýru­ ískoyti. vilmund@sosialurin.fo Við tøku av livur hava fiskimenn megnað at økt um hýruna á túrum við millum 1500 og 2000 krónum, sum svarar til stívliga 10% av hýruni ein vanligan ísfiskatúr Partrolarar hava havt nøk­ ur vánalig ár. Serliga illa royndist árið 2007 við niður­ skrivingum upp á veiðiloyvi og skip á 73,5 miljónir krón­ ur. Árið 2009 royndist betri enn 2008. Hetta kemst eitt nú av, at veiðinøgdin øktist í 2009. Grannskoðarafyritøkan Nota vísir á, at árið 2010 eisini royndist illa hjá par­ trolara­flotanum. – Í 2011 er tó staðfest ein stór framgongd í tí, sum rópt verður ebidta. Tó er hetta ikki nóg mikið til at venda gongdini - frá at geva hall til at geva avlop. Nota sigur, at støðug hall hjá partrolaraflotanum í mong ár hevur tart upp á fíggjar­støðuna, sum soleiðis er versnað seinnu árini - og ikki er nøktandi við árslok 2011. – Veiðinøgdin fyrstu tíggju mánaðirnar í ár er á sama støði sum í 2011, og sama ger seg galdandi fyri miðal­prísin. Lagt verður aftrat, at miðalprísurin tó øktist fyrstu átta mánaðirnar í 2011 í mun til sama tíðarskeið í 2010. – Nøkur pør hava fiskað makrel í 2011 og í 2012 og hevur hesin fiskiskapur givið eitt avmarkað eyka íkast til raksturin. Olju­prís­ ur­in er aftur hækkaður í 2012. Nota sigur, at saman­ umtikið verður ikki roknað við nakrari framgongd fyri partrolaraflota í ár, men við einum úrsliti, sum er á nøkulunda sama støði sum í 2011. vilmund@sosialurin.fo Gongdin hjá partrolarum broytist lítið Eingin framgongd er hjá partrolaraflotanum í ár. Úrslitið verður helst á nøkulunda sama støði sum í 2011 Mynd: Vilmund Jacobsen Tøka av livur eitt kær­ komið íkast til hýru Virkið Biotech á Eiði hevur higartil í ár keypt sløk 300 tons av livur, sum virkið framleiðir til livralýsi. Livravertíðin er frá oktober til apríl, og virkið rindar 6 krónur fyri kilo. Tøka av livur gevur eitt gott íkast til manningarhýruna