fríggjadagur 23. november 2012síða 10

Fríggjadagur 23. november 2012 · Nr. 137 10 Sosialurin Hugskot og viðmerkingar – send sms til 225000 Útisetin hesa vikuna hevur ein gerandisdag, sum er fyltur av fót­bólti og harðari venjing fleiri ferðir um dagin. Hann gavst við skúlanum, tí skúlatingini gjørd­ ust ov nógv, og hevur í løtuni lagt øll eggini í somu kurv og sats­ar upp á at koma so langt sum gjørligt við yrkisleiðini sum fót­bóltsleikari. Talan er um 19 ára gamla René Shaki Joensen, sum hóast sín unga aldur er partur av besta mannsliðnum hjá danska Super­ ligafelagnum Brøndby IF. Hóast harða kapping, hevur hann góðar vónir um at sláa til og skara fram­úr, tá kjansurin einaferð býður seg. – Vit eru nakað nógvir um pláss­ini í verjuni, so onkuntíð kann tað virka sum ein blind­ur vegur við spælitíð. Men venjingar­ nar ganga væl, venjararnir eru fittir, spælararnir eru fittir og eg trúgvi at tað handlar bara um at trúgva upp á tað. Trúgva upp á egin evnir, og so trúgvi eg at kjans­urin kemur, greiðir René frá. Men hóast René ikki er fastur á vøllinum hjá Brøndby IF enn, er hann komin í sera fínt selskap í felagnum, eftir at hann gjørdi sína landsliðsdebut móti Íslandi herfyri. Hann er nevniliga kom­in á tiltikna bann­aran á felagshúsinum hjá Brøndby yvir lands­liðs­leikarar, har hann nú stendur mill­um mæt­ar menn. – Tað er ein alvorliga góð kensla at síggja, at mann stendur har saman við Michael Laudrup og undir Rommedahl, og at navn­ ið hjá mær fer at standa har so leingi Brøndby er til. Hvørja ferð eg gangi framvið, so fær mann eitt lítið smíl á, sigur René Shaki Joensen. Í Føroyum er nú eitt uppskot frammi frá Miðflokkinum, har ætl­anin er at noyða kvinnur, ið ynskja fosturtøku, ígjøgnum eina røð av tvungnari ráðgeving, áðrenn fosturtøkan kann verða framd. Men hetta uppskotið fall ikki í góða jørð hjá Torkil Ras­ mussen, løgfrøðingi. – Tvungin ráðgeving er ein erklering, har mann sigur, at borgarin sjálvur ikki kann taka ábyrgd av sínum egna lívi, vit hava ikki álit á, at borgarin kann taka tær neyðug avgerðirnar. Har­við meta vit sum land, at vit skulu tvinga borgaran at taka ímóti ráðgeving frá einum bólki, sum eg ikki eingong veit, hvør situr í, og hvussu mann velur teir persónarnar út. So eg haldi, at hatta er ein lítil falitterklering, og eg trúgvi ikki at hatta hevur tann breiða uppbakningin í Føroya Fólki, segði Torkil Ras­ mussen. Jákup Petersen, sum lesur gudfrøði, heldur hinvegin, at tað er í lagi at blanda seg, tá tað er fyri teirra egna besta. Hann ivast tó í framferðarháttinum. – Eg trúgvi faktisk, at hetta er fyri teirra egna besta, at mann velur hetta. Men spurningurin er, um mann kann gera tað øðrvísi enn at siga, at tú skal. Tað vil siga, at man traðkar inn á tað per­són­liga frælsið. Sum eg skilji á lagnum, hevur møguleikin altíð verið har, men bara fá hava valt hann. So eg skilji ikki heilt orsøkina til hetta nýggja upp­ skotið, segði Jákup Petersen. Ráðgeving ikki av tí ónda Tá tosað veðrur um ráðgeving, er hon sum útgangsstøði ikki av tí ónda, metur Carol Symphor, sum lesur sálarfrøði. – Um hon er rættvís, relevant, faklig og tekur útgangsstøði í støð­uni hjá teirri einkultu kvinn­ uni, tá hon situr yvirfyri ráð­gev­ anum, so meti eg ikki, at ráð­ geving er av tí ónda, greiðir Carol Symphor frá. Hon heldur hinvegin, at henda tvungna ráðgevingin kann fáa fylgjur. – At tilleggja einum menniskja ein tørv, sum ikki er til staðar, kann altíð hava nakrar fylgjur við sær, segði Carol Symphor. Persónliga frælsið má viga mest Eitt uppskot um eitt nú tvungna ráðgeving fyri kvinnur, sum vilja hava fosturtøku, snýr seg prinsipielt um persónligt frælsi í lóggávuni. Og sambært Torkil Rasmussen eigur persónliga fræls­ið at viga mest. – Tað persónliga frælsið eigur at viga øgiliga nógv í okkara lógar­verki, og hvørja ferð vit fara inn við lóg og atburðsregulera okk­ara borgarar, er tað eitt inn­ triv. Og eitt inntriv kann bara verða gjørt, og eigur bara at verða gjørt, um tað er sakliga grund­að og átroðkandi neyðugt, segði Torkil Rasmussen. Hann vísti eisini á, at hetta ofta er eitt kjak, sum leggur upp til etikk og moral, og at tað tá ikki gerst ein løg­frøðiligur spurningur, men ein politiskur spurningur. – Tá tað er inntriv grundað á etikk, religión ella moral, tá blívur tað ein spurningur, sum er øgiliga torførur at svara upp á hvar markið gongur. Tað er meira hvar okkara lóggevandi, demokratiskt valda stýri velur at seta markið, segði Torkil Rasmussen. Tvungin ráðgeving er ein falitterklering Persónligt frælsi Eigur sam­felagið at lata per­són­liga frælsið verða í hásæti gjøgnum alt lógarverkið, ella eiga vit at lóggeva út frá virðum, morali og hvat vit annars halda verða rætt og skeivt. Hvar markið skal ganga var kjakevnið hesaferð René, Rommedahl og Laudrup Carol Symphor, Torkil Rasmussen og Jákup Petersen vóru kjakandi gestirnir í Ghetto Føroyar hesaferð René Shaki Joensen satsar í løtuni alt upp á yrkisleiðina í Fótbólti, og tí er ikki tíð til nógv annað enn at venja – og at práta við Ghetto Føroyar sjálvandi