fríggjadagur 23. november 2012síða 15

15 Fríggjadagur 23. november 2012 · Nr. 137 Sosialurin Hugskot og viðmerkingar – send sms til 225000 nøvn Tann 14. november fylti mamma okkara, Gretha Lass­ en, 75 ár. Mamma er fødd og upp­ vaksin í Vági, og har hevur hon búleikast tað mesta av sínum lívið. Mamma giftist pabba fyri 50 árum síðan, men tað untist teimun ikki at hátíðarhalda henda dag. Pabba andaðist í 2009, 73 ára gamal, mettur og útslitin av døgum eftir 60 ár á sjónum. Tí var avgjørt at mamma skuldi hátíðarhalda dagin. Dagurin var hildin í Meinig­ heitshúsinum, har hon so mong sporini hevur gingið. Mamma hevur verið heima arbeiðandi næstan alt sít lív eftir at hon giftist og hon fekk børn. Sum yngri var hon í fisk­i og eina tíð var hon á posthúsinum. Var niðrið á húsarhaldsskúla í Haderslev, og tað hevur hon so ofta nevnt, hvussu gevandi tað var. Tað skuldi verið eitt krav at øll ung, gentur og dreingir skuldi eitt ár á ein slíkan skúla, fyri at vita hvat lívið snýr seg um, annað enn at sita á reyvuni og gløða í eina bók ella inn í eina teldu allan dagin. At føða 6 børn í 10 ár und­ir teimun umstøðunum, sum vóru tá, er ringt fyri tað yngra ættarliðið at fyristilla sær, serliga tá ið man hugsar um nútíðar hentleikar. Heilautomatiskar vaski­ maskinur, turkitrumlur, ja dustsúgvarin finnur sít egna dust, o.m.a. gott. Hon hevur verið ómetaliga røsk, tað er ikki smáting í hon hevur útrættað í sínum langa lívi. Tað eru ótøld pløgg, hon hevur bundið og seymað til børn, ommubørn, langommubørn og aftur til børn hjá vinum hjá hennara egnu børnum, osv. Síðan pabba andaðist, hevur hon roynt at havt okk­urt til hendurnar so at siga hvønn dag. Nakrir dagar eru tó tyngri enn aðrir, tað vil so vera, tá ið man hevur gingið um hvønn annan í so mong ár, í ódn og í logn, men soleiðis er lívið nú einaferð. Tú má bara hugsa um árini, tygur høvdu saman, og at tú kanst vera saman við tín­um 6 børnum og teirrasa familjum. Mamma roynir at koma ut millum javnaldrarnar. Hon gongur til eldrafimleik á Hamragarði, hon kemur í kirkju og nógv í missionshúsið, sjómanskvinnuringin og royn­ir at koma norð um fjørð við pensionistinum og til missi­ónsk tiltøk, og at vitja børn­ini eftir førimuni. Tað er so sera lætt, at halda eina veitslu hjá tær, tú hevur fýra sera raskar døtrar, sum allar duga at standa fyri mati og tí hartil hoyrir. Svigarbørnini tey rigga til og taka uppvaskið, tað er eisini ein vigtigur partur av tí heila. Við hesum fáu orðum, fari je, at ynskja tær hjarta­liga til lukku við degnum og nógv góð ár framyvir. Vónadi fáa tygur ein góðan túr niður á Dana­landi, har eisini onkur av tínum kæru nú búleikast. Vinarliga heilsan Eli v. familju Gretha Lassen, Vági, 75 ár Til minnis um Grettur Valde­mar­son Mikkelsen úr Skúvoy Bygdin í góðveðurs támi randa havið alt kvirt í droymandi dýrd ein oyggjarsonur er farin heim til tær sólgyltu strendur Lívið er eins og blóman prýðir haga og bø og hvørvur - yvir hvørjum tindi er ró – handan fjøll tann æviga sól Vit drýpa høvur í tøgn. Hvíl í frið góði Grettur Guðs einglavakt verði hjá tær ærað veri minni títt Steinbjørn Viggosson Olsen