fríggjadagur 23. november 2012síða 16

Fríggjadagur 23. november 2012 · Nr. 137 16 Sosialurin Hugskot og viðmerkingar – send sms til 225000 Nú er tømt í Brøttulíð 9 í Havn. Húsbóndin Jóhan Isholm stendur undir børu. Húsmóðirin Jórun Arge varð til moldar borin fyri góðum ári síðani. Tað gingu bara nakrir fáir dagar frá tí, illkynjað sjúka var staðfest hjá Jórun í fjør heyst, til hennara dagar vóru taldir. Jóhan hevði verið illa fyri og á sjúkrahúsi nakrar ferðir, áðrenn hann legðist fyri gjáramorgunin. Kært barn har mange navne. Jóhan varð eisini nevndur bæði Hanni og Kúlli. Hetta seinna, tí hann var so krúllutur. Hann var fimm ár eldri enn Jórun. Tey giftust í 1969. Tíðliga í sjeytiárunum keyptu tey húsini í Brøttulíð, og har vuksu synirnir Erling og Páll upp. Vit sótu mangan væl í Brøttulíð. Har var altíð opið høgtíðir og hátíðardagar eins og gerandisdagar. Skyldfólkið í bæði borð hittist saman við vinfólkum teirra. Søgurnar vóru nógvar og orðaskiftini bæði mild og hvøss, alt eftir umstøðunum. Hjúnini bæði høvdu sínar meiningar og smæddust ikki at siga tær. Bæði vóru áhugað í samfelagsmálum sum heild og ikki minst í mentamálum. Jóhan varð einar tvær ferðir valdur í Líkningarnevndina í Havn fyri Tjóðveldisflokkin við sera stórum atkvøðutali. Tað harmaði hann, tá hetta álitisstarv glapp honum av hondum. Foreldur hansara Elisa­ beth og Erling Isholm búðu Undir Ryggi. Har vaks Jóhan upp saman við bróðri­num Árna og systr­ini Marjun. Mamman var Gaard úr Sjúrðar­garði í vøkru og søgu­ ríku bygdini Fámjin og pápin sonur tann legen­dar­iska blað­stjóran og listar­mannin Kristin Holm Isaksen, nevnd­ ur Kristin í Geil. Hanni visti væl um ætt­ irnar. Geilarfólkið hevði ein strong út á Argir, hagar Jórun eisini hevði ættarbond. Anna, elsta dóttir niðursetumannin Andrass á Argjum, giftist Poul Isaksen í Geil í Havn. Anna var systir Niels L. Arge, sum fyrstur fekk sær hetta eftirnavn. Eftirkomarar hjá Nielsi vóru argjabrøðurnir, sum vóru serliga kendir sum smiðir. Eftirkomarar hjá Onnu gjørdu eisini vart við seg innan handverk og list. Tvey børn hennara vóru framm­arlaga, tá brøðra­sam­ koman tók seg upp í Føroy­ um. Sonurin Dia í Geil var fyrsti føroyingur, sum varð doyptur baptistur, og dóttirin Elspa giftist trúboðaranum Williami Sloan. Geilarmenninir og argja­ brøð­urnir arbeiddu nógv sam­an. Tað gav at býta, tá Komm­unuskúlin á Vaglinum varð bygdur miðskeiðis í 1890'unum. Tá var ætlanin, at hann skuldi gerast úr timbri, men argjabrøðurnir buðu sær til at gera hann úr rætt­hyrntum gróti og vunnu kappbjóðingina. Jákup Andrias og Petur Arge stóðu fyri grótlaðingini og systkinabarn teirra Djóni Isaksen í Geil stóð fyri timbur­arbeiðnum. Tað er ikki at taka munnin ov fullan, at teir her settu ein varða eftir seg, sum eftirtíðin í Havn hevur virt. Tá Jóhan hevði tikið real­ prógv, fór hann at starv­ast á Telegrafstøðini á Ting­ hús­vegnum. Har var hann í mong ár. Í 60'unum vildi hann einaferð royna okkurt annað og fór í starv sum teknikari í útvarpinum eitt skifti og síðani hjálpti hann til saman við øðrum. Tikin úr leikum í mongum kynstrum. Vit vóru saman í mangari ferð, eitt nú til olympiskar leikir í Munchen í 1972. Í 70'unum kallaði Strand­ ferðslan á hann. Har var rív­ andi menning á sjógvi og landi og í luftini. Hann fylgdi við til Smyril Line, tá hetta felag tók uttanlandssiglingina upp á seg við »Norrønu«. Tað vóru spennandi og avbjóðandi tíðir. Í 80'unum var Jóhan aftur í útvarpinum sum band­goymslu­vørð­ur. Seinni í ymsum størv­um. Móti end­ anum fram­vegis álitis­mað­ ur hjá Strand­fara­skip­um Land­sins í ávísum mál­um og stundum á vakt hjá sjó­bjarg­ ingini á Tele­graf­støðini. Jóhan hevði listargávur. Alin upp til horntónleik frá barnsbeini. Spældi leingi fyrstu kornett í Havnar Horn­orkestri á døgum Palla Christiansens og Ludvig Breck­manns. Í HH var hann bæði nevndarlimur og for­ maður. Stóð eitt nú á odda fyri spennandi tourné til Skandinavia við Strand­fara­ skip­inum »Dúgv­uni«. Eitt ódnar­tak, sum hepn­aðist væl. Honum dámdi væl at tekna. Hann var hugaður foto­grafur og framkallaði eisini myndir, tá hann var uppi í at gera myndablaðið Eygað, sum hann stundum breyt um við stórum hegni. Sum fulltikin fjarrit­ari var hann sjálvsagt radio­ama­ tørur. Á heimafrontinum dámdi honum væl at gera mat. Hann gjørdi allan mat, sum hugsast kundi, og honum dámdi væl at borðreiða hann fyri øðrum. Jú, í Brøttulíð 9 hevði maðurin nógv at siga í køkinum. Jóhan Isholm var vitandi og viðkvæmur. Hann var eisini forvitin, skjótur og snild­ur. Alt nýtt og torført eggj­aði hann. Tílíkar upp­ gávur fór hann undir við lív og sál. Men hann leiddist við endurtøkur. Tá kundi hann kasta frá sær og heldur leita upp ein annan setning, sum nýggj avbjóðing var í. Eftir Jórun og Hanna sita synirnir Erling og Páll. Báðir við akademiskari útbúgving, sum fyri meginpartin er tikin í Føroyum. Báðir eru undirvísarar á hægri stigi og hava lagt hvør síni bókaverk úr hondum. Erling býr í Havn, meðan Páll saman við konuni Rann­ vør og barnaflokkinum býr úti í Grógv í Syðrugøtu í húsum, sum eina ferð vóru barnaheimið hjá ommuni Petru og seinni í mong ár friðskjól hjá okkum øllum, ikki minst foreldrum teirra og ommuni og abbanum Niels Juel. Friður veri við minninum um svágin Jóhan Isholm og systir mína Jórun. Skjótt er Harranum um. Jógvan Arge nøvn Heilsan til Árna Mortensen á Skælingi, sum fyllir 70 ár og hevur 44 ára starvsdag hjá SSL. Góði Árni, tað kennist løgið at skriva tær eina heilsan á 70 ára degnum í gjár, tí tað hevði eg als ikki hugsað um, at tú longu nú hevur nátt so høgan aldur. Tú sum altíð hevur verið og er so sprelskur og altíð so ungdómligur. Vit komu at kennast í polit­iskum samanhangi tá eg flutti til Vestmanna, og ikki kann sigast annað enn, at tú hevur verið trúgvur politiskt, tí tú hev­ur verið nevndarlimur í Norð­streym­ oyrar Javnaðar­felag í eini 25 ár út í eitt. Nøkur tíðarskeið hevur tú sitið sum formaður eisini. Sostatt ert tú longst sitandi nevndarlimir í felag­ num nakrantíð. Í gjár hevði tú eisini 44 ára starvsdag hjá SSL. Tað undrar meg als ikki, at tú hevur verið so leingi hjá SSL, tí tú er ikki ein sum skiftir bara fyri st skifta, nei tú er støðufastur bæði so og so. Tú hevur verið konu tíni Eydnu ein góður stuðul í hennara vinnuliga virksemi á Skælingi. Tú hevur altíð verið til reiðar at hjálpa til í køkinum og at koyra matin út, har hann skuldi koyrast. Hvar tú fært alt títt yvirrskot frá, er ringt at meta um, men tú er ein góður og trúgvur vinur at eiga, tað eru vit nógv sum eru samd um. Helst hevur tíðin verið strævin umborð, nú árini eru blivin mong, men eg rokni ikki við, at tú fer at liggja á tíl lætu síðuni, tí tú er fittur í hondunum bæði til timbur og jarn. Vit fara nokk at síggja teg við onkrum fríðtíðarítrivi heima í kjallaranum, har Eydna eisini hevur sítt virk­ semi. Góði Árni, eg fari at ynska tær til lukku við 70 ára degnum og við 44 ára starvsdegnum hjá SSL. Birgir W Høgnesen Árni Mortensen – sjeyti og 44 ára starvsdag Skjótt er Harranum um Minningarorð um havnarmannin Jóhan Isholm f. 11/5-1941- d. 21/11-2012