mánadagur 26. november 2012síða 20

Mánadagur 26. november 2012 · Nr. 138 20 Sosialurin Hugskot og viðmerkingar – send sms til 225000 Ítróttarblaðið Heri Simonsen Millum tað sum søguligi topp­skjútt­ in á tí føroyska fótbólts­lands­liðnum upplivdi í síni fótbóltsyrkisleið, var at spæla við Hødd í Ulsteinsvik í Sunnmøre í Vestur-Noregi. Tað eydn­aðist Rógva at skjóta nøkur mál í nøkrum dystum í næstbestu norsku fótbóltsdeildini, áðrenn leiðin gekk heimaftur til Føroya. Nú hevur gamla felagið hjá Rógva Jacobsen í Noregi vunnið sín størsta sigur nakrantíð. Ulsteinsvik, har fótbóltsliðið Hødd hoyrir heima, er annars ein býur, sum er væl kendur millum føroyskar sjómenn og føroyskar skipaeigarar. Ikki so fá før­oysk skip eru bygd í just Ulsteinsvik, og hevur føroyska flagg­ið mangan veittrað í býnum í sam­band við skipsdóp. Dramatisk steypafinala Tað vóru ikki nógv, sum góvu Hødd úr næstbestu norsku fót­ bólts­deildini nógvar møguleikar í tí norsku steypafinaluni, sum varð leikt á Ullevaal leik­vøllinum í tí norska høvuðs­staðnum, Oslo. Mót­støðu­liðið, Tromsø hevur vunn­ið eitt fjórða pláss í bestu norsku fótbóltsdeildini, og tí var lít­il ivi millum norskar fótbólts­ser­ frøð­ingar, at Tromsø fór at vinna ta norsku steypakappingina. Lið­ ið hjá Hødd var væl skipað, og megn­aði tað undirtippaði liðið av vesturlandinum at halda Tromsø frá tí mesta. Áðrenn finaluna høvdu norskir miðlar skýrt dystin at verða dystin millum »Øskufíu av vesturlandinum, og ísbjørnini frá norðurlandinum«, men tað bleiv also ísbjørnin, sum endaði í øskudunganum, tá saman um kom. Tá ein góður tími var farin legði Hødd seg á odda, men Tromsø megnaði at javna stutt undan dyst­ ar­enda. Einki mál kom í longdu leik­ tíð­ini, og so var farið í holt við brots­sparkskappingina. Ørjan Håskjold Nyland í málinum hjá Hødd gjørdist tann stóra hetjan, tá hann tók ta triðja brotssparkið hjá Tromsø. Tá so Hødd kom uppá 5-3 í tí næsta brotssparkinum var tíðar­ innar størsta fótbóltssensasjón í norskum fótbólti heima, og Ullevaal leikvøllurin upplivdi eina sanna og ektaða gleði, sum ikki er sædd áður. Størsti dagurin í søguni Í Ulsteinsvik skýra tey dagin tann størsta í býarinnar søgu, og tey hótti við at feira sigurin alla vik­ una. Seint í gjárakvødlið var skipað fyri móttøku í býnum, og glæsiligt fýrverk var skotið. Ulsteinsvik minti um Havnina, aftaná 1-0 sigurin á Eysturríki í 1990, so nógv fólk vóru úti í gøt­ unum og feiraðu tann minniliga steypa­sigurin. Veteranurin hjá Tromsø, tann 38 ára gamli, Ole Martin Årst hevði vónað, at steypafinalan skuldi krún­ að eina langa fótbóltsyrkisleið, men tað gjørdist eitt vánaligt punkt­ um, sum Ole Martin Årst setti við Tromsø. Rógvi Jacobsen, sum í 2008 skeyt trý mál fyri Hødd í 10 dystum kann smílast um, at hann í 2008 spældi við einum liði, sum bara fýra ár seinni kom at fremja ta størstu fót­ bólts­sensasjónina í Noregi nakran­ tíð. heris@sosialurin.fo B36-arar vilja til HB Fótbóltur Tveir av leikarunum hjá B36 hava spurt seg fyri hjá grannunum hjá HB Pætur Albinus Fíggjarliga støðan í B36 er einki serlig í løtuni, og ætla leikarar at halda fram í felagnum, mugu teir somuleiðis velja at fara niður í løn. Hetta plagar at merkja, at nakrir leikarar fara úr felagnum, og fyri lang­ari tíð síðani gjørdist greitt, at Atli Danielsen takkaði fyri seg í felagnum og fór til barn­dóms­felagið KÍ. Sum skilst, so var talan ikki um fíggjarlig viður­skifti, men heldur privat. Sambært væl upplýstum keldum hjá Sosialinum, so ætla Bárður Olsen og Gunnar Zachariassen sær eisini úr felag­num. Sambært keldum okk­ara, sum hava teir spurt seg fyri hjá grannunum úr HB, men framvegis er einki konkret komið á borðið. Gunnar Zachariassen kom til B36 úr danska AB undan hes­ um kappingarárinum, meðan Bárður Olsen síðani hann veitraði farvæl við EB/Streym í 2009, hevur verið tvey skifti í B36, einaferð í AB og so eisini heilsa uppá barndómsfelagið EB/Streym aftur í 2011. albinus@sosialurin.fo Gamla felagið hjá Rógva Jacobsen norskur steypavinnari Fótbóltur Hødd úr næstbestu norsku fótbóltsdeildini stóð fyri tí størstu steypasensasjónini í norskari fótbólts­ søgu nakrantíð Gunnar Zachariassen Fyrrverandi føroyski landsliðsleikarin, Rógvi Jacobsen, leikti 10 dystir fyri Hødd og skoraði 3 mál