fríggjadagur 7. desember 2012síða 11

11 Fríggjadagur 7. desember 2012 · Nr. 143 Sosialurin Hugskot og viðmerkingar – send sms til 225000 Dagfinn Olsen Mikudagin 5. desember 2012 varð skipað fyri hugna­lig­ ari bókaframløgu í Norður­ landahúsinum. Har vóru bæði røður, sangframførslur og fe­ lagssangur á skránni, og tað kom neyvan óvart á, tí talan var nevniliga um framløgu av nýggja bókaverkinum Syng, ið er nýggj sangbók við 456 sangum, harav all­ir eru á føroyskum máli, utt­an norðurlendsku tjóð­sang­ir­ nir. Nótar eru settir til øll løg­ini, og umframt hetta, so er í mangar mátar talan um at bróta upp úr nýggjum, tí so nógv av tilfarinum er rættiliga nýtt, og hevur ikki verið í sangbókum áður, og als ikki við nótaseting til. Lagt er av álvara afturat føroyska sangskattinum við verkinum Syng. Stórverk Tað er Føroya Sanglærara­fe­ lag, ið hevur staðið fyri hesum stórverkinum. Hugskotið fingu føroyskir sanglærarar, eftir eina ferð í Danmark. Í Danmark og í Noreg hava slíkar verkætlanir hepnast ser­stakliga væl. Hugskot birtist til veruleika og í 2007- 2008 fór arbeiðið av álvara í gongd. Zacharias Sørensen hevur staðið á odda, men hava onnur í felagnum eis­ini lagt stórt arbeiði í bóka­verk­ ið. Bókaverkið fevnir um tvær bøkur. Eina við tekstum og nótum, og so eina bók bert við tekstunum. Mentamálaráðið hevur frá byrjan veitt verkætlanini dyggan stuðul. Men at savna, velja og ikki minst seta nótar til øll hesi løg er av sonnum ikki løtuverk, og tí hevur bókaverkið Syng eisini verið ávegis í nøkur ár. Á framløguni mikudagin høvdu Bjørn Kalsø og Jógv­ an á Lakjuni, ávíkavíst lands­ stýrismaður í menta­mál­um og fyrrverandi lands­stýris­ maður í mentamálum, orðið. Jógvan á Lakjuni er umframt eis­ini virkin tónleikari og tónasmiður. Báðir fegn­að­ ust um stórverkið, sum nú er greitt úr hondum og teir fagnaðu stórliga odda­mann­ inum, Zacarias Sørensen, fyri hansara lut í arbeiðinum. Og Zacharias Sørensen, ið leiddi løtuna, takkaði fyri fløvandi orðini. Til sang framførslur spældi Eyðun á Lakjuni kla­ ver, meðan sungið varð úr nýggju bókini, barnakór hjá Joannu Johansen sang, Unn Paturson sang og spældi og næmingar úr Kommunu­ skúlanum sungu og spældu. dagfinn@sosialurin.fo Bókaverkið Syng lagt fram SANGBÓK Nýggja skúlasangbókin, ið fevnir um bæði tekst og nótar til 456 sangir, varð løgd fram í Norður­ landa­húsinum mikudagin. Í arbeiðsbólkinum hjá Sanglærara­felagnum hava sitið Pauli Hansen, Marta á Lakjuni, Eyðun á Lakjuni, Annika R. Holm, ingun Hentze og Zacharias Sørensen. Um endamálið við bókini verður sagt soleiðis: Verkætlanin Skúlasangbókin er nú komin á fyrsta málið, sum sett varð í 2008, nevniliga at geva út eitt savn av sangum, sum fyrst og fremst er stílað til næmingarnar í tí eldra endanum í føroysku skúlunum. Ætlanin við útgávuni er tó eisini at menna føroyska sangin sum heild og vit halda hana eisini vera ein frískligan íblástur til sangin bæði í skúla, heimi og frítíð. Fakta