mánadagur 10. desember 2012síða 17

17 Mánadagur 10. desember 2012 · Nr. 144 Sosialurin Hugskot og viðmerkingar – send sms til 225000 Ítróttarblaðið Uni Holm Johannesen Fremsta flogbóltsdeildin hjá monn­ um er tíverri lítið áhugaverd. Eftir at TB var við millum teir fremstu í fjør, eydnaðist ikki at manna lið í ár. Ein kapping við fýra liðnum, sum spæla so ofta móti hvørjum øðr­um, at tað er sjáldan, at nakað óvænt­að tekur seg upp, er ikki ser­ liga lokkandi. Afturat hesum, er styrkin hjá liðunum so misjøvn, at kappingin er mest sum longu avgjørd. Oddaliðið ÍF hevur vunnið allar sínar sjey dystir, SÍ hevur vunn­ið hinar dystirnar, Fleyr vinnur á Mjølnir, sum tapir móti øllum. Eingin ivi Mjølnir var partur av FM-finalunum í fjør, men tað verður ikki leikluturin hjá flogbóltsmonnunum í Klaksvík í hesum kappingarárinum. Stiga­ úr­tøkan er sjáldsama vánalig, teir hava tapt allar sínar dystir, og tað kom heldur ikki óvart á, at ÍF vann greitt og sannførandi í Fuglafirði, tá teir vitjaðu har. Fuglfirðingar hava verið nógv tað besta liðið higartil, og tað eru ongar ábendingar um, at tann støðan broytist í bræði. Javnt í Sørvági Teir úr Fleyr vita fullvæl, at tað er um at vera seinastu útkall hjá teimum, um teir skulu hava møguleikan at blanda seg í finalustríðið. Tað var alneyðugt at vinna dystin í Sørvági, og havnarmenninir løgdu eisini alt fyri í royndini at røkka einum óvæntaðum úrsliti. Tað gekk næstan, men heimaliðið var tað stinnara. SÍ vann 3-2, og dregur tí frá Fleyr á stigatalvuni. Sjey stig skilja nú liðini, og tað er tí alt, sum bendir á, at tað verða ÍF og SÍ, sum skulu spæla finalurnar um føroyameistaraheitið í vár. eik-ligan menn Eik-ligan menn nr. Lið Dystir Vunnið tapt vunnin sett tapt sett munur Stig ÍF 7 7 0 21 1 20 21 SÍ 7 5 2 16 9 7 14 Fleyr 7 2 5 9 15 -6 7 Mjølnir 7 0 7 0 21 -21 0 ÍF - Mjølnir 3-0 (25-22, 25-15, 25-21) SÍ - Fleyr 3-2 (20-25, 25-14, 25-16, 21-25 15-11) Tað er alt, sum bendir á, at tað verða fuglfirðingar og sørvingar, sum skulu spæla finalurnar um føroyameistaraheitið Savnsmynd SÍ dregur frá FLOGBÓLTUR Fuglfirðingar og sørvingar draga frá hinum í bestu mansdeildini, og tað er lítið sum bendir á, at Fleyr fer at bjóða av í kapprenningini