mánadagur 10. desember 2012síða 18

Mánadagur 10. desember 2012 · Nr. 144 18 Sosialurin Hugskot og viðmerkingar – send sms til 225000 Ítróttarblaðið Heimsins minsta fótbóltsliga er á Scilly Oyggjunum Fótbóltur Á Scillyoyggjunum sunnanfyri Cornwall í Onglandi er heimsins minsta fótbóltsliga. Har eru nevnliga bert tvey lið, sum møtast 17 ferðir í landskappingini Heri Simonsen Fyri nøkrum árum síðani gjørdust Scilly Oyggjarnar, sum liggja sunnan­fyri Cornwall í tí vestara part­inum av Onglandi kendar mill­ um føroysk róðrarfólk. Tað vóru nøkur ár um aldar­ skiftið, at før­oyskir rógvarar royndu seg í ein­ari altjóða rógvikapping á Scilly Oyggj­unum. Talan varð um teir sonevndu »Gig-bátarnir«, sum er eitt serligt báta­slag á Scilly- oyggjunum. Eina­ferð um árið koma róðrarfólk úr øllum heiminum til Scilly Oyggjar­nar at kappast í kappróðri við gig-bátum. Nøkur ár eru tó liðin, síðani ein føroysk róðrarmanning tók lut í hesari kapping. Tað er tó eitt heilt annað, ser­ligt fyribrigdi innan ítrótt, sum Scilly Oyggjarnar eru kend­ar fyri, sum ikki hevur sín líka í øllum heim­ inum. Heimsins minsta liga Scilly Oyggjarnar hava nevnliga heims­ins minstu fótbóltsligu við bert tveimum liðum. Heimsins næst­minsta fótbóltsliga er á Falk­ lands­oyggj­unum í Suður­atlants­ hav­inum. Har eru bert trý fót­ bólts­lið, men tað eru also Scilly Oyggj­ar­nar, sum hava heimsmetið. Hin­vegin eru Falklands­oyggj­ar­ nar partur av oyggja­leika­sam­tak­ inum, og landsliðið av Falklands­ oyggj­unum hevur tikið lut á fleiri oyggja­leikum seinnu árini, og hava teir vunnið onkran hendinga dyst á oyggja­leikunum. Tey bæði liðini, sum taka lut í »The Isles of Scilly Football League« eru Woolpack Wanderers og Garrison Gunners. Guiness met­ bók­in hevur góðkent fót­bólts­lig­una á Scilly Oyggjunum at vera heims­ ins minstu fótbólts­liga. Meistaraskap og tvær steypakappingar Woolpack Wanderers og Garrison Gunners hava veruliga nakað at stríðast fyri í heimsins minstu fót­ bólts­ligu. Umfram heiðurin at ger­ast Scilly­oyggja-meistari, so kappast liðini í tveimum steypa­kapp­ingum, sum nevnast ávikavist »Wholesalers Cup« og »The Foredeck Cup«. Steypa­kapp­ingarnar verða báðar avgjørdar yvir tveir dystir, ein heimadyst og ein útidyst. Í sjálvari landskappingini á Scilly Oyggj­ unum eru 17 umfør! Allir dystirnir í lig­uni verða spældir sunnu­dagar. Liðið sum er meistari fær ein fyri­ mun við at hava 9 heima­dystir, meðan liðið sum endar aftast í lig­ uni, fær »bert« 8 heima­dystir! »Heimadystur« er kanska í so nógv sagt, tí liðini spæla allar dyst­irnar Garrison Football leikvøllinum á St. Marys. Tó er tað so, at liðini skiftast – eins og HB og B36 – at »eiga« dystirnar á Garrison Football leivøllinum. Ligan verður avgreid frá hálv­um november til hálvan mars. Um­framt fótbóltsliguna, og tær báðar steypa­ kappingarnar, so spæla Woolpack Wanderers og Garrison Gunners eisini um ein »Charity Cup«, ein stór­ steypa­dyst millum meistararnar og steypavinnararnar! »Landsdyst« ímóti 14. Deild Onkur hendinga »altjóða« avbjóðing er fyri teir frægastu spælararnar hjá Woolpack Wanderers og Garrison Gunners. Einaferð um árið spælir eitt »lands­lið« sett saman av teimum fræg­astu spælarunum hjá Woolpack Wanderers og Garrison Gunn­ers ímóti einum liði av enska fast­land­inum, sum eitur Newlyn Non Athletico – ja liðið eitur also soleiðis! Newlyn Non Athletico spælir í ensku 14. Deild – also fjúrtandi deild. Til samanberingar kunnu vit nevna, at Sheffield FC, sum er heims­ins elsta fótbóltsfelag, og sum kemur at vitja føroyska aldurs­for­ setan, TB komandi summar, spæl­ir í ensku 7. Deild. Sum so mong onn­ ur oyggjasamfeløg, so hava Scilly Oyggjarnar eisini trupult við at halda uppá tað unga fólkið. Miðal­ aldurin hjá Woolpack Wanderers og Garrison Gunners liggur tí um tey 35 árini. 2. jóladag á hvørjum ári er ein ser­ligur dystur í samband við, at fleiri yngri menn eru heima í jóla­ frí. Tá er ein serligur dystur mill­um yngri og eldri spælarar. Aldurs­ markið kann variera eitt sind­ur mill­um teir gomlu og ungu. Wool­pack Wanderers og Garrison Gunners á Scilly Oyggjunum er enn eitt dømi um, at tað er ringt at sláa fótbóltin, tá tað kemur til serligar, kraftoriginalar søgur. heris@sosialurin.fo Woolpack Wanderers og Garrison Gunners í dysti í heimsins minstu fótbóltsligu á Scilly Oggjunum Guiness metbókin hevur góðkent fótbóltsliguna á Scilly Oggjunum at vera heimsins minstu