fríggjadagur 11. januar 2013síða 7

7 Fríggjadagur 11. januar 2013 · Nr. 4 Sosialurin Hugskot og viðmerkingar – send sms til 225000 Mist álit á Ernst ALS Hóast eingin vil siga tað alment, so bendir nógv á, at stýrið fyri ALS misti álitið á, at Ernst Jacobsen var rætti persónurin at stýra Arbeiðsloysisskipanini. Síðstu tveir mánaðirnar hava advokatar báðu megin borðið togast um, hvussu gylt lógvatakið skuldi vera Jón Brian Hvidtfeldt Nú er tíðin komin, til at eg fari at leita mær nýggjar av­ bjóð­ing­ar. Eg sigi meg við hes­um úr starvi. Hevði hetta verið ein van­lig uppsøgn, og nýggju av­bjóð­ingarnar ikki vóru eitt nýtt starv beinanvegin, so hevði uppsøgnin ført við sær karantenu í fýra vikur, áðr­enn ALS tók við og veitti tær arbeiðsloysisstuðul, í mesta lagi 17.500 krónur um mán­að­in. Men orðingarnar eru tikn­ar úr uppsøgnini hjá stjóra­num fyri ALS. Og tá galda aðrar reglur, hóast for­ mað­ur­in í stýrinum fyri ALS tví­held­ur um, at talan er um eina uppsøgn. - Stjórin hevur valt at royna nýggjar avbjóðingar, tað hava vit tikið til eftir­tekt­ ar og hava gjørt eina frá­far­ ing­ar­avtalu við hann, ljóð­aði nærum retoriska svar­ið frá Alfred Petersen, tá hann allan dagin í gjár varð spurd­ ur um málið. Fráfaringaravtalan merk­ ir stjóraløn og –eftirløn í 14 mánaðir, 300.000 krónur í løn fyri arbeiðið fyri Trygd­ ar­grunnin, 50.000 krónur til stjór­an at brúka til skeiðs­ til­boð av egnum ynski, upp til 62.500 krónur til at gjalda advo­ka­t­rokningar, umframt annað fryns sum teldu, teldil og telefon. Tilsamans á­leið 1,2 millión krónur. Nú fyrr­ verandi ALS-stjórin er frítt­ still­aðu­r og skal ikki møta til ar­beiðis. Dýrur stjóri Tað eru partarnir á ar­beiðs­ marknaðinum, ið manna stýrið fyri ALS. Hóast tey harvið umboða ein rættu­ liga breiðan skarða av før­oy­ ing­um, og hóast ALS hevur lógar­tryggjaðan rætt at krevja inn pengar, so hava stýris­limirnir givið sær sjálv­um munnkurv og vísa í staðin til stýrisformannin, advo­kat­in Alfred Petersen. Eing­in vil leggja navn til nakra viðmerking um málið. Men fleiri keldur hjá Sosial­inum, ið standa stýri og leiðslu nær, vísa á ein leiðslu­stíl hjá nú fráfarandi stjóra, har pengarnir lógu lætt í mappuni. Sum dømi um hetta verður nevnt stóra føðingardagshaldið 31. au­ gust í fjør, tá ALS feiraði sín 20 ára dag. Partar av hesi mark­ering vóru eitt stásiligt há­tíð­ar­rit og ein filmur um Arbeiðs­loysisskipanina. Saml­aða rokningin lá um hálva millión, og sum Sos­ ial­urin skilir, vóru tá longu aðrir, meira og min­ni fyri­ reik­aðir partar av føð­ing­ ar­dagshaldinum skorn­ir burtur í síðstu løtu. Saman­ lagt eru út­reiðsl­ur­nar til um­siting økt­ar rímuliga nógv síðstu ár­ini. Sum dømi økt­ust starvs­fólka­út­reiðsl­ ur­nar úr 8,2 milliónum upp í 10,1 milliónir krónur frá 2010 til 2011. Hvørki stýrisformaður ella nú fyrrverandi stjóri vil­ ja gera nakra sum helst við­ merk­ing til upp­lýs­ing­ar­nar um dýra leiðslustílin. - Hatta havi eg onga við­ merk­ing til, ljóða svarini frá Alfred Petersen og Ernst Jacob­sen. Advokatar um borðið Alfred Petersen váttar fyri Sosialinum, at sonevnda ”til­gongdi­n”, ið endaði við gyl­tu fráfaringaravtaluni, byrj­aði í november í fjør. Hó­ast partarnir mótvegis al­menn­ing­inum hava lagt dent á góða samstarvið, ið nú natúrliga var komið at enda, so bendir mangt á, at tónin var ein annar handan leik­tjøld­ini. Her vóru tað advo­kat­arnir Annfinn V. Han­sen og Jógvan Ellefsen, ið førdu orðið, ávíkavist fyri Ernst og ALS. Alfred Peter­ sen sigur seg enn onga rokn­ ing hava móttikið, og Ernst Jacobsen sigur seg ikki kenna upphæddina. Men frá­ far­ing­ar­avtalan sigur greitt, at ALS umframt at rinda fyri egnan advokat eisini skal rinda upp til 50.000 krón­ ur fyri advokatin hjá Ernst Jacobsen, umframt meir­ virðis­gjald. Tí eru advokat­ rokn­ing­a­rnar væntandi áleið 100.000 krónur afturfyri stríð­ið, ið stóðst av at enda góða samstarvið millum stjóra og stýri. Hvørki Alfred Petersen ella Ernst Jacobsen duga í dag at svara uppá, hví endin á ”góða samstarvinum” skul­ di stýrast av advokatum báð­ um megin borðið. - Tað er altíð skilagott at trygg­ja, at øll viðurskifti eru í lagi, er tað nærmasta, ið fæst einum svari frá stýris­ formanninum, meðan frá­ farni stjórin kategoriskt send­ir spurningin víðari til sama stýrisformann. Hóast báðir partar dúgliga vísa til skrivið frá 4. januar 2013, har Ernst Jacobsen sjálv­ur segði seg úr starvi, so vil hvørgin parturin siga nakað sum helst um, hvør tók stið til at enda samstarvið, tá einaferð í november í fjør. Spurningurin, hvørt tað var stjóri ella stýri, sum fyrst tosaði um at enda sam­ starvið, burdi annars verið rímuliga einfaldur at svara. Men svarið frá báðum pørt­ um er tað sama – ongin vi­ð­ merk­ing! Rímulig avtala Síðstu árini hevur Arbeiðs­ loysis­skipanin verið so fíggjar­liga sperd, at stýrið fyri ALS í mai í fjør kendi seg noytt at traðka hart á brems­ ur­nar. Hægsta útgjald varð lækk­að úr 20.000 krónum nið­ur í 17.500 krónur um mán­aðin, umframt at aðrar tekn­isk­ar broytingar skerdu trygd­ar­netið undir teimum arbeiðs­leysu. Sum stjóri fyri ALS kennir Ernst Jacobsen betri enn nakar annar fíggjarligu støðuna í ALS og harvið orsøkina til, at brems­ur­nar vórðu høgdar í. Kort­ini sær hann onga orsøk til, at hann persónliga eisini skuldi víst afturhald, nú hann skuldi royna nýggjar av­bjóð­ingar. - Nei, tað haldi eg ikki. Av­ talan er rímulig, sigur Ernst Jacob­sen um tær 1,2 milliónir krón­ur­nar, ið hann tekur við sær úr pengakassanum hjá ALS á leiðini móti nýggju av­ bjóðingunum. Fráfarni stjórin metir seg heldur ikki hava nakra morals­ka skyldu í somáta. - Hasi bæði tingini hava einki við hvørt annað at gera, ljóð­ar stutta svarið frá Ernst Jacobsen. Í samrøðuni vísir Ernst Jacob­sen fleiri ferðir á, at tað er vanligt at stjórar gera slík­ar avtalur, tá farið verður úr stjórastarvinum. Kortini dug­ir hann ikki at svara, tá hann verður biðin um at nevna ítøkilig dømi um slík­ ar fráfaringaravtalur. - Nei, eg kann ikki nevna nak­að dømi fyri tær, ásannar Ernst Jacobsen. Alfred Petersen hevur somu­leið­is ilt við at seta orð á avtaluna. - Hetta er ein semja, ið vit hava gjørt, og hana standi eg við, sigur Alfred Petersen, sum annars ikki vil útdýpa, hvat tað merkir. Meira um málið á næstu síðu