fríggjadagur 11. januar 2013síða 9

9 Fríggjadagur 11. januar 2013 · Nr. 4 Sosialurin Hugskot og viðmerkingar – send sms til 225000 Búskapar­ frágreiðingar á høkjum Jón Brian Hvidtfeldt – Jú, vit ætla okkum at av­ slutta okkara arbeiði. Sigurd Poulsen, stjóri í Landsbanka Føroya, roynir at varðveita optimismuna, hóast hansara arbeiðspláss formelt hvørvur 1. apríl. Seinasta, stóra uppgávan hjá Landsbanka Føroya er at skriva hálvárligu bú­skapar­ metingina. Frágreiðingarnar plaga at koma í august og februar, og eru at meta sum ein støðulýsing av føroyska bú­skapinum. Búskaparmetingarnar hjá Landsbankanum leggja støði fyri frágreiðingunum hjá Búskaparráðnum, sum við lóg skal leggja fram tvær konjunkturfrágreiðingar um árið, ávíkavist 1. mars og 1. september. Men hvussu verður við hesum lógarásettu tíðarfreistum er meira iva­ samt. – Hesaferð taka vit ikki atlit til vanligar tíðar­freist­ ir, men royna at savna okk­ um um okkara arbeiði, sig­ur Sigurd Poulsen, sum tí ikki vil lova nakra bú­skapar­ frágreiðing í februar. Bara, at hon kemur áðrenn 1. apríl, tá Landsbankin fer í søguna. Setir sín dám Búskaparmetingin verður sum nevnt seinasta slepping úr Landsbanka Føroya. Og tað kemur sambært stjóran­ um at síggjast aftur. – Vit koma at brúka meira tíð uppá frágreiðingina, og tað kemur helst eisini at sígg­ jast aftur, at hetta er okkara seinasta frágreiðing, sigur Sigurd Poulsen. Landsbankastjórin vil tó ikki útgreina, hvat hann mein­ar við, ella hvussu fingra­merk­ini verða sett. Landsbankin hevur verið í andgletti, síðani politisku ætlanirnar um at avtaka stovn­in og flyta uppgávurnar aðra­staðnis vórðu lagdar fram. Og tað merkir stovnin og Landsbankan sum ar­ beiðs­pláss, sambært Sigurdi Poulsen: – Stemningurin er ikki góð­ur. Starvsfólkini eru merkt av ótryggleika og vandi er fyri at viðurskifti kunnu gerast eitt sindur nalva­skoðandi í hesum døg­ um. Eingin er farin enn, men tá viðurskiftini á arbeiðs­ pláss­inum eru so ótrygg, ótt­ ast Sigurd Poulsen at starvs­ fólkini fara at leita sær aðrar vegir. – Men eg haldi tó at fólk eru somikið professionell, at tey klára at savna seg um uppgávurnar, ið eftir eru at loysa, áðrenn Landsbankin verður avtikin, sigur Sigurd Poulsen. Lamið ráð Hitt, fakliga beinið, ið politik­ arar og onnur skulu stuðla seg til í landsbúskaparligum spurningum, er Búskapar­ ráðið. Men heldur ikki har merkist nakar skrivikrampi, hóast ráðið við lóg skal lata úr hondum eina kon­junk­tur­ frágreiðing fyri 1. mars. – Nei, vit eru ikki farin at skriva, sigur Thomas Dam, sum eitt sindur trilvandi vís­ir á, at skrivarauppgávan fram­vegis liggur hjá Lands­ bankanum, tað vil siga til 1. apríl. Formelt er Thomas Dam ikki longur formaður í Bú­ skapar­ráðnum, tí fýra ára skeið­ið hjá ráðnum rann út á nýggjárinum. Sostatt er í løtuni einki, virkið Búskap­ ar­ráð. Ein støða, ið tó ikki er heilt ókend, tí seinast Bú­ skaparráð skuldi veljast, gekk eitt hálvt ár við tí. Thomas Dam hevur tó ikki heilt slept endanum, men átekur sær at svara spurningum og úttala seg vegna Búskaparráðið. Hann vil tó ikki taka fram dømi um, hvat Búskaparráðið í komandi frágreiðing kundi hugsast at sett sjóneyguna á. – Nei, Búskaparráðið skal mannast av nýggjum, og tí vildi tað verið skeivt av mær at út­tala meg um, hvørj­ ar tank­ar unda­n­farna ráð hevur gjørt sær, sigur Thom­ as Dam. Spurdur, hvørt hann er biðin um ella sinnaður at halda fram í Búskaparráðnum, hevur Thomas Dam ongar viðmerkingar. Hann ynskir als ikki at tosa um tann spurn­ingin. Sambært lógini um Bú­ skap­arráðið skulu tríggir lim­ir veljast í ráðið eftir til­ mæli frá stýrinum fyri Fróð­ skaparsetrið. Eftir ætl­an skal stýrið lata lands­stýris­ manninum í fíggjar­mál­um sítt tilmæli í hesi vikuni. BÚSKAPUR Meðan landsbankastjórin savnar kreftirnar til seinastu slepping, er formaðurin í Búskaparráðnum í bíðistøðu, tí hansara starvstíð endaði á nýggjárinum Fakta Landsbankin ger árliga tvær bú­skapar­metingar, sum vanliga verða almannakunn­ gjørdar í august og februar mánaða. Harumframt røkir Landsbankin skrivara­upp­ gávuna fyri Búskapar­ráðið. Búskaparráðið ger árliga tvær konjunktur­frá­greið­ ingar, sum sambært lóg verða almannakunngjørdar 1. mars og 1. september. Búskaparráðið kann har­um­ framt gera temafrágreiðingar og ráðgeva landsstýrinum í øðrum málum. Thomas Dam, Durita Tausen og Gunn Danielsen sita í fráfarandi Búskaparráðnum. Sigurd Poulsen, stjóri, er farin at skriva seinastu búskaparmetingina, áðrenn Landsbankin fer í søguna.