fríggjadagur 11. januar 2013síða 11

11 Fríggjadagur 11. januar 2013 · Nr. 4 Sosialurin Hugskot og viðmerkingar – send sms til 225000 nøvn Símun Pætur 60 ár Sunnudagin 13. januar verður Símun Pætur á Torkilsheyggi á Nesi í Eysturoy seksti. Hann hevur í mong ár verið trúboðari og eitt nú ein av ábyrgdarpersónunum fyri virkseminum í Zarapta í Vatns­oyrum. Tað var á Torkilsheyggi, at vøggan stóð, har hevur Símun Pætur fyri tað mesta búð, tá ið hann hevur verið heima í Føroyum, og har býr hann framvegis. Mamman, Olivia, var ætt­að úr Rituvík, og pápin, Kissa Thorkildshøj, var av Tor­kilsheyggi, har hann festi garðin eftir pápa sín Simon Thorkildshøj. Festið á Heyggi hoyrdi til prestagarðin á Nesi og varð nevnt náðisgarður, tí ein møgulig einkja eftir prest átti hetta til sítt lívsins uppihald. Umframt at sita við jørðini, so ansaði Kissa, eins og pápi hansara, vitan á Garðsenda. Olivia og Kissa vóru væl­ signað við sjey børnum – fyrst fimm gentur og síðani tveir dreingir: Bettemi, Tóra, Guðrun, Karin, Eydna, Símun Pætur og Leivur. Bettemi, Karin og Eydna búgva í Runavík, Tóra og Guðrun búgva á Toftum, og Símun Pætur og Leivur, sum nú situr við festinum, eru á Nesi. Í 1977 giftist Símun Pætur Onnu fødd Rasmussen og ættað úr Runavík. Tey búgva í barnaheimi hansara, og tey eiga tríggjar dreingir: Rói, Kári og Levi. Rói og Arnvør búgva í Keypmannahavn. Kári og Hervør búgva á Glyvr­um, og Levi og Bodil búgva í Aarhus. Símun Pætur eigur tíggju abbabørn. Blaðungur søkti Símun Pætur sjógvin. Hann var til skips, og í sjeyti árunum var hann eitt skifti kioskmaður umborð á Trónda. Fleiri føroyingar høvdu verið á Moorlands bíbliu­skúl­ anum í Onglandi, og sein­ast í seksti árunum fór Símun Pætur niður hag­ar. Við bar­ lastini hagani sam­an við kollføðingini úr heima­sam­ kom­uni á Toftum, har pápin var sunnudagsskúlalærari í meiri enn ein mansaldur, var tað longu fyri meiri enn fjøruti árum síðani, at Símun Pætur fekk ábyrgd lagda á seg fyri leguarbeiðnum í Zarepta. Tey fyrstu árini var tað partar av tíðini og síðani fulla tíð og við høvuðsábyrgd saman við eitt nú Páll Poulsen og Poul Færø og seinni John í Skemmuni og øðrum. Tey munnu vera ógvuliga mong kring landið, ið minnast aftur á legur í Vatnsoyrum, har Símun Pætur var ein av teimum, sum høvdu ábyrgd. Hann hevur serligt hegni at fáast við børn og ungfólk. Blídligur, fyrikomandi og frynt­ligur og samstundis bæði skemtingarsamur og ógvu­liga álvarssamur. Húsini og umstøðurnar á leguøkinum í Vatnsoyrum eru síðani byrjanina í 1967 støðugt vaksin og ment. Við sínum frágera góða hegni at fáast við fólk hevur Símun Pætur átt týðandi lut í at fáa tingini at rigga, um tað so hevur verið í sambandi við bygging ella viðlíkahald. Umframt at vitja kring landið so hevur arbeiðsøkið nógvu tey seinnu árini fyri tað mesta verið uttanfyri landoddarnar. Anna og Sím­ un Pætur hava í longum skift­um verið í Kristnastovu í Keypmannahavn. Onkun­ tíð hava tey loyst av á Malta í Hirtshals, og so hava tey verið við trúboð­ara­skip­um hjá altjóða trúboðanar­fe­ lagsskapinum OM. Seinastu tvey tørnini vóru við Logos Hope, sum er fyrrverandi Norrøna. Nú búgva Anna og Símun Pætur aftur á Nesi, og síðstu mánaðirnar hevur Símun Pætur aftur verið uppi í virk­seminum í Zarepta, um­ framt at hann er virkin í samkomuarbeiðnum bæði á Toftum og í Berøa í Sal­tang­ ará. Góði Símun Pætur! Hjarta­liga til lukku á 60 ára føð­ingardegnum og takk fyri gott vinalag. Jóannes Hansen Føðingar 31.12.12 fingu Laila og René Havmand eina dóttur. Hon var 52 cm long og vigaði 3940 gr. 25 oktober fingu Lydia og John Bjarni Frederiksberg úr Søldarfirði ein son, sum hevur fingið navnið Rasmus Frederiks­berg. Hann var 53 cm langur og vigaði 4220 gr. 28. desember fingu Ása Dam og Rúni Weihe, Fuglafirði, ein son. Hann var 3710 g og 52 cm perfektur! Spjadd runt um heimin eru tað fleiri, sum í teirra hjørtum sær eiga ein Gud, ið ikki er okkar; men teimum er meiri enn hann, sum á sinni fall okkum í lut. Trúgvandi rørslur frá Mekka til Føroya, kveiktar við orkum, sum sterkar og baldar, berjast í blindum um sálina hvørja, sum fjakkar á fold millum trúgvir ótaldar. Á skræðuni trúgvin so ymiskt er litað, gudum vit tæna við hørpunnar slátt, um gudur vár sannur for øll er, vit vita ei, fyrr enn vit trína um hansara gátt. Nøkur, tey fjala sítt andlit og yndir, onnur tey klæða seg við ein kalott, og so eru tey, sum bert síggja sær “syndir”, har kvinna fær orð innan kirkjunnar gátt. Tað vera má verðin, sum okkum øll dregur, og neyvan Várharra, sum vil oss so væl, hann tjóðleysur, ósæddur, millum oss veður, at tryggja at skaparverk er, sum tað skal. Ja, inni har trúgvirnar mongu tær búgva, har sumt kennist sannlíkt, og annað er fjas, har halgimenn hoyrast, og íspeglar lúgva, har hoyggjar vár trúgv tó hitt himmalska gras. Allah og Kristus og Jahve og Buddha, allir teir biðja um trúgv móti sær, høvdu tí tollyndi vit sett á odda, áttu í felag vit gudgivnan garð. Og tó finst ein heimur, har menniskju hata í navni hins himmalska Gud, í meðan tey næsta sín dagliga glata og kanna sær himinin allan í lut. Men ringast tó vera tað má av tí ljóta, tá sakleys vit lemja við bíbil í hond, tá trúnna vit traðka og boðtalvur bróta, og sjálv vilja døma og leggja í bond. Tí latið oss ikki við Halgubók harta, tá til ber at bera út boðskapin sannan, har orðið er ljósið og ikki hitt svarta, og Guds børn í verki, tey elska hvønn annan. --- Ja, vit sum í heiminum dvølt hava bil, meðan øldir um tíðarhjól spela, vit eiga sum kristin at brúka várt skil, so himin vit eiga í felag. Lat skynsemi vegleiða tanka og trúgv, har himin í huga vit hóma, tá byggja um bládýpir vit okkum brúgv, har saman vit ganga við sóma. pmp Til kristin eins væl og monopolkristin Far verøld, far væl ...... ella?