fríggjadagur 11. januar 2013síða 17

17 Fríggjadagur 11. januar 2013 · Nr. 4 Sosialurin Hugskot og viðmerkingar – send sms til 225000 Tað er tú, sum tekur endaliga avgerð um tína útbúgving, men nú kanst tú fáa svar upp á spurningar um lestur her í Sosialinum. Holger Arnbjerg, sum starvast á Altjóða Skrivstovuni við Fróðskaparsetur Føroya, og Bjørg Róin, lærari á Føroya Studentaskúla í Hoydølum, vegleiða teg um tínar møguleikar innan útbúgving og um tey fíggjarligu viðurskiftini. Holger og Bjørg arbeiða dagliga við at vegleiða fólki, sum ætla sær undir útbúgving í Føroyum ella uttanlands, antin tað er styttri ella longri útbúgving, verklig ella ástøðilig. Tú kanst senda spurningar um útbúgvingar til post@sosialurin. fo, og so svara Holger og Bjørg tær her í Sosialinum. Norðurlendska Ráðharraráðið hevur í tíðarskeiðinum 2012-2015 sett í gongd fimm Nordplus skipanir. Tær eru ætlaðar at økja um samstarv og mobilitet innan útbúgvingarøkið. Styrelsen for Universtteter og Internationalisering (CIRIUS) www. ui.dk - hevur ábyrgdina av kunning og vegleiðing í Danmark. Í Føroyum kunnar/ vegleiðir Altjóða Skrivstovan - www. setur.fo/ASK - um Nordplus. Ætlanin við Nordplus skipanunum er, at tey skulu styrkja norðurlendska- baltiska felagsskapin og samleikan, við støði í søguligu, mentannarligu demokratisku felagseyðkennunum hjá londunum. Skipanirnar eru ætlaðar til undirvísing á øllum stigum. Lesið meira um Nordplus skipanirnar. Tað merkir millum annað at ein dani, kann søkja um stuðul at sleppa til Grønland og Føroyar og at føroyingar kunnu søkja um stuðul um at sleppa til Grønlands og Danmarkar Les meiri um stuðulskipanirnar: Nordplus Junior http://www.iu.dk/programmer-og- tilskud/norden/nordplus/nordplus- junior - er ætlað til lærarar og næmingar í fólkaskúlum, miðnámsskúlum og innan yrkisútbúgvingarnar. Nordplus Hægri útbúgving http://www.iu.dk/programmer-og- tilskud/norden/nordplus/nordplus- videregaaende - er ætlað til at menna samstarv fyri lærarar og studentar innan hægri útbúgvingar í Norðurlondunum. Nordplus Vaksin http://www.iu.dk/programmer-og- tilskud/norden/nordplus/nordplus- voksen - er ætlað at menna samstarvið fyri fólksliga upplýsing og undirvísing av vaksnum. Nordplus Horisontal http://www.iu.dk/programmer-og- tilskud/norden/nordplus/nordplus- horisontal - er ein tvør­gang­andi skipan. Verkætlanir sum fara um vanligu bólkarnar og sektorarnar og verkætlanir, sum arbeiða við øðrum, nýggjum, breiðari og meiri kompleksum málum kunnu fáa stuðul. Nordplus Mál og Mentan http://www.iu.dk/programmer-og- tilskud/norden/nordplus/nordplus- sprog-og-kulturprogram er skipan, sum skal menna støðuna hjá teimum norðurlendsku málunum bæði millum norðanlondini og altjóða. 8 norðurlond + 3 baltalond Skipanin er galdandi fyri øll fimm Norðanlondini Danmark, Finnland, Ísland, Noreg og Svøríki, umframt tey trý sjálvstýrandi økini, sum tað so vakurt eitur á norðurlendskum ráðharramáli, Grønland, Føroyar og Álandsoyggjarnar og sum nakað nýtt eru tey trý baltalondini, Estland, Letland og Litava eisini við. Í Nordplus skipanini er vert at geva gætur at tey sjálvstýrandi økini vera roknaði sum lond og at tey tí luttaka á sama hátt sum hini londini í skipanini. Tað merkir millum annað at ein dani, kann søkja um stuðul at slep­pa til Grønland og Føroyar og at før­oy­i­ng­ar kunnu søkja um stuðul um at sleppa til Grønlands og Danmarkar. Nær er umsóknarfreist? Næsta vanliga umsóknarfreist til er 1. mars 2013. Tó er freistin til summi program eisini 15. oktober 2013. Les meira á www. nordplusonline.org og www.iu.dk ???? Spurnarsíðan Spyr og fá svar um útbúgvingar. Allar. Allastaðni. Spurning.1. Nær er umsóknarfreist til UK og onnur lond? “Tann søkjandi” Svar til “tann søkjandi”: Umsóknarfreistirnar at søkja um upptøku á hægri útbúgving eru rættiliga ymiskar frá landi til land og viðhvørt eisini í landinum frá einum útbúgvingarstovni til ein annan. Men minst til at altíð kanna freistirnar í góðari tíð, tvs. eitt ár áðrenn lestrarbyrjan. Stóra Bretland Til ber at søkja gjøgnum www.ucas.com. Vanliga umsóknarfreistin fyri hægri lesna í Stórabretlandi er 15. januar, men fleiri lestrastovnar velja at umhugsa umsóknir fram til 30. juni. Føroyar Umsóknarfreistin er: Kvota 1 - 1.juli 2013 Kvota 2 – 15 mars 2013 Danmark Kvota 2-freistin er 15. mars. Søkir tú um kvotu 2 er tað samstundis ein umsókn umvegis kvotu 1. Umsóknarbløðini eru tøk einar 5-6 vikur undan umsóknarfreistini, tvs uml. 1. februar 2013 Umsóknarblaðið skal útfyllast online á: www.optagelse.dk, men sendast við posti og skal vera frammi innan 15. mars klokkan 12.00. Kvota 1-freistin er 5.juli. Noregi Freistin 15. apríl. Les meira á: www.samordnaopptak.no Svøriki Freistin 15. apríl. Les meira á: www.vhs.se Ísland Tað er eingin felags upptøka til íslendskar lærustovnar. Freistirnar eru ymiskar frá stovni til stovn og umsóknarbløð fáast frá lærustovninum. Á Háskóla Íslands er freistin 5. juni fyri norðurlendskar studentar. Onnur lond Ofta verður umsóknin send beinleiðis til útbúgvingarstovnin, og oftani kann tað vera eitt hálvt ár áðrenn útbúgvingin byrjar, men tað kunnu vera tøk pláss heilt fram til lestrarbyrjan. Einstøk universitet, millum annað tey heilt kendu og virdu í USA, hava umsóknarfreist eitt heilt ár fyri lestrarbyrjan. Set teg í samband við lestrarvegleiðarar, International Office ella Admissions Service á staðnum, har tú ætlar at søkja. Ella set teg í samband við Altjóða skrivstovuna tlf. 292513 sum kan hjálpa tær at fáa greiði á umsóknarfreistum og upptøkukrøvum um tú ivast í onkrum. Spurning 2 : Hey tit! Tá eg søkir um SU góðkenning til útbúgving uttanlanda (red.:ikki til útbúgvingar í Danmark)),skal eg tá, tá eg havi danskt CPR nummar,ikki senda eitt bekræftelse frá kommununi, at eg havi búð í kommununi tey seinastu árini ella hvussu ? Havi snakkað við eina sum segði, at tað skuldi sendast við, men hon búði í Føroyum, tá hon søkti. Eg gjørdi tað sama, tá eg søkti niður, men tað er ikki neyðugt, tá man hevur danskt cpr nummer, ikki so ? vinarliga xxx Svar : Hej xxx! Um tú hevur bústað í Danmark, skalt tú ikki senda „bopælsattest” frá kommununi í Føroyum, men um tú hevur bústað í Føroyum, skalt tú, tí SU tá ikki hevur møguleika at finna teg og kanna, um tú lúkur treytirnar at hava búð samanhangandi 2 ár í Føroyum/DK innan fyri tey seinastu 10 árini. Hetta er treytin fyri at kunna fáa SU við til útbúgvingar uttanfyri Danmark/Føroyar/Grønland. Tí skulu vit úr Føroyum – sjálvt um vit hava eitt danskt cpr.nr – senda eina ”bopælsattest” frá kommununi í Føroyum við. Hetta kanst tú lesa meira um á : http://setur.fo/ask/vegleiðing/rad-og mannagongdir ella á www.su.dk/UDLAND/HELEUDDANNELSER/Sider/default.aspx, har tað millum annað stendur, at ert tú føroyingur, skalt tú saman við umsøkn um at fáa SU senda eina dokumentatión fyri, at tú hevur búð í Føroyum í minst 2 samanhangandi ár innan fyri tey seinastu 10 árini. Vinarliga Holger og Bjørg