mánadagur 14. januar 2013síða 5

5 Mánadagur 14. januar 2013 · Nr. 5 Sosialurin Hugskot og viðmerkingar – send sms til 225000 Gunnar Skúvadal Tað er fyrsti arbeiðsdagur hjá nýggja borgarstjóranum í Vestmanna, Paula Trond Petersen. Vit skriva 8.januar, og Pauli er seinkaður nakrar dagar, tí hann hevur hildið frí saman við familjuni sunn­ an fyri um jólini. Men hann vissar um, at tað fer bara at síggjast aftur uppá tann góða mátan í nýggja arbeið­ num, tí nú hevur hann løtt batta­ríini. – Eg eri fullur av orku og hugskotum, og svangur eftir at sleppa til arbeiðis. Hasar dagarnar taki eg innaftur í hinum endanum, sigur hann sólbrendur og við einum skálkabrosi, tá eg argi hann. Á skivuni í kommunu­ skriv­stovuni liggur skatta­ list­in frammi til alment eftir­lit. Har stendur, hvussu nógv fyritøkur og einstak­ ling­ar hava spýtt í soltna komm­unukassan síðsta ár. Við so góðari staðseting á meginøkinum er arbeiðs­ meg­in í Vestmanna mobil. Arbeiðs­loysið hevur tí ikki rakt bygdina í tann mun, ein kundi hildið, eftir húsagangin hjá Faroe Seafood, sum var størsta arbeiðsplássið í bygd­ ini. Vestmenningar pendla, og tað sæst aftur í komm­ unu­kassanum. Sum starvs­ maður hjá Føroya Lívs­trygg­ ing hevur Paulasa partur at draga fremm­andar krónur til bygdina heldur ikki ligið eftir. Men nú verður øðr­vísi í so máta. Kanska ber til at siga, at borgarstjórin sein­ astu 8 árini, Karl Olsen, sum hevur verið í farloyvi frá sínum starvi sum lærari við Handilsskúlan í Kambsdali, nú tekur á seg aftur ta upp­ gávuna. Trivnaður og aftur trivnaður Eitt gandaorð hjá nógvum valevnum uppundir val er, at veljarin skal fáa trivnað aftur­fyri krossin. Pauli brúkti eisini hetta agnið. Nú er hann so valdur, og tí er fyrsti spurningurin, á hvønn hátt vestmenningar kunnu vænta sær at fara at trívast betur næstu fýra árini. – Skuldin hjá kommununi ger, at tær stóru ætlanirnar mugu fara afturum. Men fyri tað nýtast vit ikki at setast upp afturá. Vit kunnu raðfesta smærri átøk, sum at fríðka um og ikki forsøma við­líkahald av skúlum og barnagørðum. Vit mangla eisini gonguteigar á nógvum veg­um, so fólk kunnu ganga trygt. Men teir stóru peng­ ar­nar brúka vit ikki í ár, tí fyrst mugu vit hugsavna okkum um at niðurgjalda skuld, sigur borgarstjórin. Hann minnir á, at orsøkin til skuldina er spildurnýggja røktarheimið, sum eisini er við til at økja um trivnaðin. Lækka skattin Vestmenningar gjalda í dag hægsta kommunuskattin, 23 prosent. Og tað er kanska ein orsøk til, at listin við hús­um til sølu er eitt sindur størri nú, enn hann plagdi. Men nývaldi borgarstjórin lovar, at skattaprosentið skal niður, so skjótt sum skuldin, sum í dag er um hálvonnur álíkning, er minkað niður um eina álíkning. Tað verður, eftir ætlanini sum nú liggur á borðinum, miðskeiðis í 2014. – Tá seta vit ferð á aftur. Vetrarfriðing og breiðkan av Niðaravegi standa sera frammarliga í mínum huga­ heimi, sigur Pauli Petersen. Bygdarráðið er í sam­ráð­ ingum við hagarnar um at gjalda tær fimm milliónirnar, sum tað fer at kosta at vetrar­friða, yvir fleiri ár. Og ein breiðkan av Niðaravegi er neyðug, so tunga ferðslan skal sleppa út í bygdina, har fiska­virkini eru. – Ein lækking av komm­ unu­skattinum er neyðug, skulu fólk flyta higar. Vit hava so nógvar fyrimunir, men høgi skatturin er ein vansi, og hann skulu vit hava nið­ur, sigur borgarstjórin av­ gjørdur. Seta menningarleiðara Íbúgvatalið í Vestmanna hev­ ur verið á leið tað sama í nógv ár, um 1200 fólk. Tá fólkatalið í landinum annars minkar, skal ein bygd, har fólkatalið stendur í stað, kanska ikki lata so illa at. Men sambært Paula Petersen er hetta ikki rætti mátin at hugsa. Fær hann sín vilja, so verður ein menningarleiðari settur í kommununi at arbeiða við øllum tí sum kann menna og stimbra bygdina. – Umsitingin hjá Vest­ manna kommunu man vera millum tær minstu í land­ inum. Her eru bara trý fólk á skrivstovuni um­framt meg. So tí er tað sera avmark­að, hvat vit fáa gjørt. Men hetta er enn bara ynski hjá mær, sum eg ætli at leggja fyri ein samansjóvingarfund sum vit fara at skipa fyri í næstum, sigur Pauli Peter­sen. Havnin vunnið havnina Frá náttúrunar hond er havn­ in í Vestmanna nógv tann besta á Streymoynni og mill­ um tær allar bestu í Føroyum. Nógv virk­semi hevur altíð verið á havna­lagnum, men nú eru bæði fiska- og laksa­ virki stongd og sama er við skipa­smiðjuni. Til ber helst at siga, at Kollafjørður hevur tikið yvir leiklutin, sum Vest­manna einaferð hevði sum havnin, har skipini leit­ aðu. Spurningurin er so, um Vestmenningar hava ver­ið nóg framsóknir, um teir hava ligið sjóvarfallið av sær og eru yvirhálaðir av granna­ kommununi í Norð­streym­oy. Borgarstjórin í Vest­manna ivast í, um veru­leikin er so ein­faldur, hóast kanska eitt vet av sannleika er í tí. – Tú mást minnast til, at nærum øll skipini vórðu seld av bygdini, og tað er trupult hjá einum bygdaráði at gera nakað við tað. Fiskavirkið er nú selt til lokalar kreftir, frystihotel er á havnalagnum og tað eru bara dagar síðani at ein rúgva av svartkjafti kom uppá land. So vit síggja glottar. Kvívík Viðurskiftini millum Vest­ manna og grannabygdina Kví­vík hava í ein mun verið merkt av ósemjum sein­astu árini. Bygdirnar hava lig­ið í sak um markið, í sam­band við ein bátahyl sum Kví­vík fór undir innanfyri komm­ unumark, á Válinum, men sum Vestmanna fekk steðgað við fútaforboði. Tað sakina tapti Vestmanna. Spurdur, sigur Pauli Petersen, at hann sær tað sum eina stóra upp­gávu fyri seg at slætta sjógvin millum bygdirnar. – Eg fari at biðja Dánjal Petur (borgarstjóran í Kvívík, red) um ein fund, har tað skal gerast greitt at vit ynskja góð viðurskifti og gott samband millum bygdirnar. Vit hava hóast alt so nógv felags áhuga­mál, og koma heilt víst nógv longri um vit arbeiða saman. Vestmanna skal seljast Nýggi borgarstjórin í Vestmanna viðgongur, at við hægsta skattaprosenti í landinum verður trupult at fáa fólk at flyta til bygdina. Men skattalækking hevur høga raðfesting, sigur Pauli Petersen, sum eisini vil hava ein menningarleiðara at økja um trivnaðin Pauli Petersen, nýggi borgarstjórin í Vestmanna: Um hálvtannað ár er skuldin komin niður um eina álíkning, tá skal skattaprosentið niður Mynd Pauli Magnussen