mánadagur 14. januar 2013síða 13

13 Mánadagur 14. januar 2013 · Nr. 5 Sosialurin Hugskot og viðmerkingar – send sms til 225000 Ítróttarblaðið Jóannes Hansen Hóast jólapyntið er pakkað saman og perurnar sløktar fyri hesa ferð, so eru kvøldini vorðin ljósari í nógvum býum og bygdum. Eitt er at dagurin síðani styttsta dag er longdur ein tíma. Eitt annað er tað, at nú verður ljós so at siga hvørt kvøld varpað niður á fótbóltsvallirnar kring landið alt Tað verður nógv orka løgd í at renna soleiðis, at spælararnir skulu vinna konditiónina aftur, sum teir høvdu, inntil teir fyrst í oktober fóru í vetrarhi. Men tað verður eisini kapprunnið við tiðina. Tað er ongantíð komið fyri áður, at tað longu annað vikuskiftið í mars verður telvað um stig í føroysku fótbólts­landskappingini. Soleiðis verður tað í ár, og harvið eru tað bara góðar átta vikur, inntil fyrstu lands­kappingardystirnir verða á skránni. Venjingardystir Hvat at leggja til rættis viðvíkur er nógv broytt til tað betra sein­ astu árini. Longu fleiri vikur und­ an jólum høvdu fleiri feløg lagt skránna fyri venjingardystir. Teir fyrstu verða nú leygardagin. Mill­ um aðrar verður dystur leygar­ dag­in millum EB/Streym og HB við Margáir, og B36 fer at vitja 1. deildar­liðið hjá B68. Ofta plagar allar fyrsta ábend­ ingin um, hvussu feløgini eru fyri, at vera í sonevndu Klaks­víks­kapp­ ingini, sum KÍ seinnu árini hevur skipað fyri millum vertsfelagið og trý tey fremstu í undanfarna kapp­ ingar­ári. Tann kappingin plagar at vera síðsta vikuskifti, áðrenn so nevndi stórsteypadysturin er á skránni, og soleiðis verður tað eis­ ini í ár. Kappingin er løgd at vera leygar­dagin 23. og sunnudagin 24. februar, tá ið FM vinnararnir í EB/ Streymi, silvurvinnararnir í ÍF og bronsu­vinnararnir í HB saman við KÍ, sum endaði á fjórða plássi í fjør, fara at dystast í Klaksvík. At tað í ár verður farið so tíðliga undir landskappingina ber við sær, at tað longu annan leygardag verður skipað fyri kapping í Gunda­ dali. Tað er venjarafelagið, sum skip­ar fyri, og í tí kappingini fara tólv feløg at taka lut. Harvið fer at bera til longu um hálva aðru viku at fáa fyrstu ábendingina um, hvat tað kann roknast við í 2013 kapp­ ingar­árinum. Øll liðini í bestu deildini uttan 07 Vestur, sum hevur borið seg undan, fara at taka lut. Haraftrat fara B68, FC Suðuroy og B71 úr næstbestu deildini at luttaka. Feløgini eru skip­að í tríggjar bólkar, og hvør dysturin verður 35 minuttir. Øll lið­ ini spæla tríggjar dystir, og so verða hálvfinalur og finala. Lagt verður fyri klokkan 10.15, og finalan er sett at vera klokkan 17.10. Spælt verð­ur á bæði ovara og niðara vølli í Gunda­ dali. Landskappingin Fyrsta vikuskiftið í mars verður stór­steypadysturin millum FM vinnararnar í EB/Streymi og steypa­ vinnararnar í Víkingi, og annað viku­skifti í mars verður farið undir lands­kappingina. Leygardagin 9. mars verða fýra dystir: FM vinnararnir í EB/Streymi fáa vitjan av uppflytarunum í 07 Vestur, uppflytararnir í AB fara til Fuglafirðar at vitja silvur­vinn­ar­ arnar í ÍF, grannauppgerð verður í Gundadali millum HB og B36, og KÍ fær vitjan av TB. Sunnu­dagin 10. mars verður granna­upp­gerð í Sarpugerði millum steypa­vinn­arar­ nar í Víkingi og NSÍ. Annað umfar verður spælt fríggja­dagin 15. og leygardagin 16. mars. Fríggjadagin spæla B36 - Víkingur, og leygardagin 07Vestur - TB, EB/Streymur-ÍF, AB - HB og NSÍ - KÍ. So verður steðgur í lands­ kapp­ingini, meðan landsliðið verð­ ur í Eysturríki, har HM undan­ kapp­ingar­dystur er á skránni fríggja­dagin 22. mars. Triðja umfar í landskappingini verður hósdagin 28. mars, sum er Skírisdagur. Henda dagin verða allir fimm dystirnir á skránni: TB - NSÍ, HB - EB/Streymur, KÍ - B36,ÍF - 07 Vestur og Víkingur - AB. At tey bæði fyrstu umførini eru løgd at vera fríggjadag og leygardag og bara ein dystur sunnudag kemst av, at tað ber við sær møguleika at flyta dystirnar ein dag, um veðrið skuldi spælt eitt puss. Einasta rokn­ ingin, sum tað ber til at gera við veðr­inum her á landi er, at tað ikki ber til at rokna við tí, og serliga so tíðliga á árinum kann tað vísa seg at vera svikaligt. Og so vísir tað seg mangan, at um tað ein dag er ill­ veður, so er næsti dagurin góður. Í januar hevur tað ikki altíð verið so hugaligt hjá fótbóltsspælarunum. Hetta er tann tíðin, tá ið illveðrið ofta plagar at leika í av tí ringasta, men soleiðis hevur tað ikki verið í ár. Heldur enn í kava og kulda og kanska nógvum vindi hava fyrstu og tungu venjingarnar higar­til verið í góðveðri, sum minn­ir um um­ støðurnar, sum tað verður droymt um skulu vera um mánaðar­skiftið mars-apríl, tá ið tað verða páskir, og tá ið bæði triðja umfar og fjórða (2. páskadag) verða á skránni. Hita­ stigini hava seinastu vikuna verið 6-10 og onkuntíð hægri enn so, ofta hevur tað verið mest sum stilli, og avfallið hevur á ongan hátt verið í teimum nøgdum, sum tað kann roknast við, at tað er hesa árs­ tíðina. Fótbólturin kapp­ rennur við tíðina Fótbóltur Leygardagin verða fyrstu venjingar­ dystirnir, og annan leygardag verður fyrsta kappingin í hesum kappingarárinum, sum er sermerkt av, at fyrsta umfarið í landskappingini bara er góðar átta vikur burtur