mánadagur 14. januar 2013síða 21

21 Mánadagur 14. januar 2013 · Nr. 5 Sosialurin Hugskot og viðmerkingar – send sms til 225000 Ítróttarblaðið Danir kunnu vinna HM HM hondbóltur 2013 Spania Hondbóltur Tað, sum er farið av HM-kappingini í manshondbólti í Spania, staðfestir, at tann endaligi vinnarin verður eitt av teimum liðunum, ið undan kappingini vórðu mett sum favorittar Árni Joensen Eydnast tað loksins Danmark at vinna heimsmeistaraheitið í mans­ hondbólti hesaferð, ella verður tað Frakland? Ella kanska vertslandið Spania? Ella kanska Ungarn? Boðini eru fleiri, men neyvan nakað annað enn hesi fýra. Higartil hava danir spælt tveir dystir í Spania. Tann fyrri, sum var ímóti Qatar, var ikki stórt ann­ að enn ein upphitingardystur, men tann seinni, sum var ímóti Russ­landi í gjár, var ein rættiligur hond­bólts­dystur. Russar hava eitt spenn­andi lið hesaferð, og við nýggj­um venjara spæla teir eitt heilt annað slag av hondbólti, enn teir hava gjørt í mong ár. Tað sást eis­ini í gjár, at danir høvdu ilt við at sleppa frá russum, sum hálaðu seg innaftur hvørja ferð – uttan í sjálvum endanum, og tí vann Dan­ mark lutfalsliga trygt við fýra mál­ um, tá saman um kom. Við sigrinum á russum tók tað danska liðið eitt týðandi stig ímóti áttandapartsfinaluni og sum bólka­ vinnari. Ísland ov skert Eingin stór kapping í mans­hond­ bólti uttan Ísland, og soleiðis er eisini í HM hesaferð. Men meðan stríð­vilji og stoltkeiki hava lyft íslendska liðið onnur ár, eru hesir egin­leikarnir neyvan nóg mikið hesaferð. Dysturin ímóti russum, sum ís­ lendingar taptu við fimm málum, vísti, at tann íslendski hópurin er ov smalur til eina so harða og drúgva kapping. Skaðar hava gjørt, at fleiri av teimum, sum plaga at byrja inni, eru ikki við í Spania. Og tá tað snýr seg um so kend nøvn sum Ólaf Stefánsson, Ingimund Ingimundarson og Alexander Petersson, sigur tað seg sjálvt, at tað má síggjast aftur. Kanska fæst ein betri mynd av tí íslendska liðnum, tá tað møtir døn­ um seinni í vikuni. Sum væntað Hyggja vit at hinum bólkunum, so hevur gongdin verið sum væntað. Í bólki hevur Frakland lagt seg á odda, og okkurt kundi bent á, at tað verða tunesar, sum taka 2. pláss í hesum bólkinum. Teir taptu ímóti Fraklandi, men vunnu á ein­um týskum liði, sum er rættiliga skaða­ skert. Teir báðir seinnu bólkarnir, C og D, tykjast rættiliga javnir í ovaru helvt. Í bólki C hava Slovenia, Serbia og Pólland hvør síni tvey stig, men Hvítarussland tapti bara við tveimum málum ímóti Pól­landi, so her er einki avgjørt við plaser­ ingum. Vertslandið Spania er í bólki D saman við Ungarn, sum er ein av favo­rittunum, og Kroatia, ið øll vunnu sínar fyrstu dystir. arni@sosialurin.fo nr. lið dystir vunni javnt tapt mál stig Bólkur a 1 Frakland 2 2 0 0 62-47 4 2 Týskland 2 1 0 1 56-48 2 3 Tunesia 2 1 0 1 52-53 2 4 Argentina 2 1 0 1 48-50 2 5 Brasil 2 1 0 1 47-53 2 6 Montenegro 2 0 0 2 46-60 0 nr. lið dystir vunni javnt tapt mál stig Bólkur b 1 Danmark 2 2 0 0 72-54 4 2 Makedonia 2 2 0 0 64-58 4 3 Ísland 2 1 0 1 63-52 2 4 Russland 2 1 0 1 57-56 2 5 Qatar 2 0 0 2 57-75 0 6 Kili 2 0 0 2 50-68 0 nr. lið dystir vunni javnt tapt mál stig Bólkur c 1 Slovenia 1 1 0 0 32-22 2 2 Serbia 1 1 0 0 31-22 2 3 Pólland 1 1 0 0 24-22 2 4 Hv.russland 1 0 0 1 22-24 0 5 Suðurkorea 1 0 0 1 22-31 0 6 Saudiarabia 1 0 0 1 22-32 0 nr. lið dystir vunni javnt tapt mál stig Bólkur d 1 Kroatia 1 1 0 0 36-13 2 2 Spania 1 1 0 0 27-14 2 3 Ungarn 1 1 0 0 32-23 2 4 Egyptaland 1 0 0 1 23-32 0 5 Algeria 1 0 0 1 14-27 0 6 Avstralia 1 0 0 1 13-36 0 Bestu málskjúttarnir higartil 1 Kiril Lazarov, Makedonia . . . . . 17 2 Anders Eggert, Danmark . . . . . 13 2 Gudjon V. Sigurðsson, Ísland . . 13 2 Amine Bannour, Tunesia . . . . . 13 5 Diego Simonet, Argentina . . . . 12 5 Jerome Fernandez, Frakland . . 12 5 Dejan Manaskov, Makedonia . . 12 5 Fernando Pacheco, Brasil . . . . . 12 5 Wael Jallouz, Tunesia . . . . . . . . 12 10 Rodrigo Salinas, Kili . . . . . . . . 11 Frá dystinum millum Danmark og Russland, sum danir vunnu við fýra málum Tað er saknur í Alexander Petersson á íslendska HM-liðnum