leygardagur 3. apríl 2004síða 11

Nr. 66 - 3. apríl 2004 21 Fyrrverandi føroyski fótbóltsbossurin er boðin til aðalfund á Cypern, har hann ætlandi skal fáa eina gávu fyri drúgva arbeiði sítt innan fótbólt FÓTBÓLTSHEIÐUR Jákup Mørk jakup@sosialurin.fo Um tríggjar vikur verður aðalfundur hjá UEFA á skránni, og her er vanligt, at føroysk umboð eisini eru við. Tann føroyingurin, sum ivaleyst hevur verið til flestar av hesum, er Torleif Sigurðsson, og tó at hann ikki longur er fótbóltsboss- ur her heima, so verður hann eisini við á fundinum. Herfyri fekk Torleif nevnliga eina persónliga innbjóðing til fundin, og sum skilst, so er ætlanin við hesum at heiðra føroyingin- um fyri virksemi sítt innan bæði føroyskan og altjóða fótbólt. - Sjálvur var eg so als ikki kunnaður um hetta, áðrenn brævið kom. Eg havi bara fingið at vita, at grundgevingin fyri hesum er, at eg havi sitið í 12 ár í ymsum UEFA nevndum. Fyrst í Fair-Play nevndini, og síðani í ungdómsnevnd- ini, sigur Torleif Sigurðs- son, ið sum vera man tykist eitt sindur rørdur av, at UEFA soleiðis vil sýna sær ein serligan heiður. Spurdur, hvørt hann er kunnaður um, at hann ætlandi eisini skal heiðrast á fundinum, sigur hann, at hann ikki veit stórt meira enn tað, sum stendur í brævinum. - Eg havi so fingði at vita, at teir ætla at geva mær onkra lítla gávu, men um talan verður um nakran serligan heiður, dugi eg ikki at siga. Men tað er sjálvsagt, at eg eri fegin um hetta, sigur Torleif Sigurðs- son at enda. Umframt tey 12 árini, sum Torleif sat í UEFA- nevndum, var hann eisini tann av europeisku fót- bóltsformonnunum, sum hevði sitið longst, tá hann fyri tveimum árum síðani gjørdi av at leggja frá sær. Tá hevði hann verið FSF- formaður frá oktober mán- aði 1981 til februar mánað í 2002. Altso í góð 20 ár. Undan hesum hevði hann eisini verið kassameistari í FSF í eitt ár. Torleif fær heiðurs- gávu frá UEFA Umframt 20 ár sum føroyskur fótbóltsbossur, sat Torleif Sigurðsson eisini í UEFA-nevndum í 12 ár 21 20 Nr. 66 - 3. apríl 2004 Eitt stríðsval kann gera tað ógvuliga tungt at arbeiða frameftir. Tað heldur Torleif Sigurðsson, sum heldur hevði sæð eina semju í føroyska fótbóltsheiminum. Eina semju, har alt kjak um Havnina kontra bygdunum, Tórsvøll kontra Svangaskarð og leik- lutin hjá aðalskrivar- anum varð lagt á hillina FSF-FUNDURIN Jákup Mørk jakup@sosialurin.fo Flestum kunnugt, so verður aðalfundurin hjá FSF vænt- andi endaliga avgreiddur um vikuskiftið. Tvær reisur er seinasti parturin av fund- inum útsettur, tí stríð hevur verið um formansvalið, men leygardagin verður eftir øllum at døma greitt, hvørt tað verður Christian Andreasen ella Óli Holm, sum skulu røkja formans- sessi komandi tvey árini. Vend komin í Ein av teimum, sum uttan iva fer at fylgja væl við, hvussu valið tørnar út, er Torleif Sigurðsson, sum tó neyvan verður við á sjálv- um fundinum hesaferð. - Eg var á fyrsta aðal- fundinum í ár, men eg rokni so ikki við, at eg havi møguleika at vera við hesa- ferð. - Men eg dugi í øllum førum at síggja, at vend er komin í. Vit broyttu á sinni reglurnar fyri nevndarval- inum, soleiðis at uppskot til valið skuldu vera inni nakrar dagar undan fundin- um. Hetta varð gjørt, tí vit hildu tað vera óheppið, at valevni komu skramblandi inn í seinastu løtu, og tí at vit heldur vildu geva fe- løgunum nakrar dagar til at tyggja upp á hetta, sigur Torleif, og leggur afturatt, at tað so ikki hevði nakað við egnu støðu hansara at gera. - Tað hugsaði eg als ikki um. Gaman í var ongan tíð nakað mótvalevni til mín sess, men um so var, so hevði tað ikki verið nakar trupulleiki fyri meg per- sónliga. - Í dag er støðan knapp- liga koppað á høvdið. Val- evni eru stillað upp, og hava síðani trekt seg aftur, og yvirhøvur virkar hetta skilið, sum nú hevur verið, eitt sindur tragiskt upp á meg. Og við hesum sipar fyrr- verandi ikki minst til tað stríðið, sum hevur verið um formansvalið. Eitt stríð, sum Torleif eisini áður hev- ur víst á sum verandi sera óheppið fyri felgagsskapin. - Tað tykist í løtuni, sum eru feløgini í ferð við at koyra á tveimum vengrum, og tað í sjálvum sær er óluksáliga óheppið. Tað er ein stórur trupulleiki, um spjaðing soleiðis skal koma í, tí FSF er í dag ein stórur felagsskapur, sum hevur framt ótrúliga nógv og stór avrik. Tí er tað stórt spell, um tað verður soleiðis, at spillan skal koma innanífrá. Nakað sum skjótt kann henda í slíkum førum. Fólk vilja kanska leita eftir vinnarum eftir valið, men í veruleikanum verða vit øll taparar, um føroyskur fót- bóltur við hesum skal fara í tvíningar. FSF vil hava Tórsvøll Nakað, sum hevur verið nevnt fleiri ferðir í val- stríðnum – tó ikki av kandi- datunum sjálvum – er, at talan partvíst eisini skal vera um eitt slag av makt- stríðið millum Tórsvøll og Svangaskarð, men hesum søgunum tykist Torleif Sigurðsson hava ilt við at taka í álvara. - Sjálvandi skulu vit hava tveir atljóða fótbóltsvallir í Føroyum. Minst. - Í mínari tíð í FSF var eg tvær ferðir um reppið at leggja frá mær. Seinna ferðin av hesum var, tá feløgini í fyrstu syftu vrak- aðu ætlanina um at bygn- ingin við Tórsvøll. - Og eg kann eisini leggja afturat, at Tórsvøllur als ikki hevði verið av nøkrum, um FSF ikki var við. Vit fingu greitt at vita frá bæði Landsstýrinum og Tórs- havnar Býráð, at um FSF ikki var við í ætlanini, so var hetta av ongum, og vit gjørdu tá av at fara við. Fyrru ætlanina um Tórsvøll var støðan tann sama, men ta ferðina bakkaðu vit út, tí vit kendu okkum koma út, har vit ikki gryntu. - Seinnu ferðina var eis- ini um reppið, at vit bakk- aðu út, men vit funnu so fram til eina loysn, sum vit hildu okkum kunna arbeiða eftir. At talan so nú hevur verið um eina útvarpssend- ing, sum beinleiðis koyrir upp á leiðsluformin hjá Poul Michelsen, og tað er so ikki mennandi fyri ar- beiðið. - Nú kenni eg sjálvandi søguna aftan fyri alt hetta, men fyri at siga tað, sum tað er, so er talan blivin um ov nógv misálit og ov nógvar keðiligheitir av ymsum slag. - Og ikki minst hevur tað verið keðiligt, at eingin savnandi megi hevur verið í øllum hesum. Tórsvøllur er eitt somikið stórt átak, at vit mugu øll standa saman um tað. Sjálvandi kann tosast bæði fyri og ímóti, men tað var og er mín fatan, at vit mugu hava tveir leikvøllir í landinum, og tað var tað, sum gjørdi, at vit fóru við í ætlanina, stað- festir ein avgjørdur Torleif Sigurðsson. Og so leggur hann aftur- at, at tað er okkurt, sum vendir heilt skeivt í øllum hesum kjakinum. - At siga at FSF er ímóti Tórsvølli, er púrasta burtur- við. Vit hava nýtt 20 milli- ónir krónur í verkætlanini, og tað eru so ikki smápeng- ar. Eisini hava vit gjørt okkara umsitingarbygning við vøllin, og sjálvt um hann helst hevði verið væl bíligari, um vit gjørdu hann aðrastaðni, so hava vit valt hesa loysnina, tí vit meta, at hetta kann koma øllum føroyskum fótbólti til góð- ar. Eitt nú er møguleiki fyri bæði gisting og eting á staðnum, tá føroysk feløg fyrireika seg til altjóða uppgávur, og fyri tann saks skuld, so er hetta nakað, sum kann koma øllum før- oyskum ítrótti til góða. - Men hetta tykist bara ikki at vera tað, sum liggur fremst í huganum. Talan er ístaðin vorðin um mis- teinkiliggering av ymsum slag. Kanska serliga eftir at eg fór frá, sigur hann hálv- gum flennandi. Fái skil á Um valið sjálvt, sum altso verður leygardagin, sigur Torleif, at í hansara huga- heimi er tað týdningar- mesta, at talan verður um eina breiða semju. - Eg ætli mær so ikki at leggja meg út í nakað stríð. Havi altíð sagt, at teir, sum skuldu hava leiðsluna framyvir, skulu sjálvsagt sleppa at arbeiða, uttan at eg leggi meg út í hetta. - Nógv eru eisini, sum hava spurt, hvørt eg stuðli Óla ella Christiani, men tað fari eg so ikki at taka dagar ímillum. Á aðalfundinum eru tað hvørki eg ella nevndin - men feløgini, sum hava orðið, og tað verða tey, sum gera av, hvør formaðurin verður. - Men tá tað er sagt, so má eg siga, at tað kann gerast óluksáliga keðiligt, um talan verður um tepran meiriluta. Verður talan t.d. um eina 11-10 atkvøðu- greiðslu, so er tað eitt sera ótrygt grundarlag at ar- beiða eftir. Tað er eingin loyna, at eisini nevndin hevur verið spjadd í hesum, og tí haldi eg, at tað vildi verið munandi skilabetri, um fari varð út í felag eftir onkrum heilt øðrum kandi- dati, heldur enn at seta tveir nevndarlimir upp ímóti hvørjum øðrum. Og eg kundi ynskt mær, at Dánjal (Andreasen, blðm.), hevði verið meira aktivur í at funnið ein felags kandidat, sum semja kundi verið fingin um. - Ístaðin er talan vorðin um heilt aðrar spurningar, og tað er nakað lort, fyri at siga tað pent. Óviðkomandi stríðsspurningar Og so eru eisini tveir aðrir spurningar, sum hava verið drignir fram. Annar er, at talan skal vera um eitt stríð, har Havnin og bygdirnar berj- ast um valdið, og tað haldi eg vera vandamikið. Sjálv- ur sigur Torleif um hetta, at hann ofta hevur flent at hesum tosinum, og hann sigur seg ikki hava merkt nakað til hetta. - Tað einasta, sum eg fekk at vita í so máta, var, at eg gjørdi alt ov lítið fyri KÍ. Tað havi eg so valt at taka sum eitt herðaklapp fyri, at eg havi arbeitt fyri landið. Í so máta hevur tað verið ein fyrimunur hjá mær, at eg ongantíð havi spælt fótbólt sjálvur, og havi heldur ikki so mikið sum verið limur í KÍ. Triði spurningurin, sum ofta hevur frammi, er leik- luturin hjá aðalskrivaran- um, og eisini hesum tykist Torleif bert hava hug at flenna at. - Aðalskrivarin hjá Fót- bóltssambandinum er at meta við stjóran í eini fyri- tøku. Sjálvandi eru tað nevndirnar, sum standa við ábyrgdini, men tær skulu ikki leggja seg út í um- sitingarlig viðurskifti. Nevndin hevur ábyrgd av at seta leistin fyri framtíðar arbeiðinum. At stjórna hes- um er so ein aðalskrivari settur, og hann hevur so umsitingarligu viðurskiftini um hendi. Nevndarlimirnir í eini fyritøku fara jú ikki at leggja seg út í umsitingar- ligu viðurskiftini, og tað skulu teir í FSF heldur ikki gera, sigur Torleif, áðrenn hann at enda gevur til kennar, at hann framvegis hevur eina lítla vón um, at ein semja kann finnast. - Teir hava so ein dag afturat til at gerast samdir, men sum landið liggur, so verður talan so helst um stríðsval, og tað má so verða tað. Ein semja skuldi verið funnin Gloymið stríðsmálini millum feløgini og finnið eitt felags stev – og allar helst eisini ein felags formann. Tað er høvuðsboðskapurin hjá Torleifi Sigurðsson undan aðalfundinum hjá FSF C M Y K 20 Heimarøktin í Eysturoynni Summarfrítíðar- avloysarar Søkt verður eftir frítíðaravloysarum fyri sjúkra- røktarfrøðingar, heilsurøktarar og heilsuhjálp- arar í tíðarskeiðnum mai-august 2004. Søkt verður eftir fólki, sum vilja arbeiða í skiftandi vaktum. Heimarøktin fevnir um alla heimahjálp og heima- sjúkrarøkt í øki 3, sum er allar kommunurnar í Eysturoynni undantiknar Eiðis og Sunda kommuna, umframt 2 eldrasambýlir. Arbeitt verður í skiftandi vaktum alt døgnið. Lønar- og setanartreytir sambært sáttmála millum Fíggjarmálaráðið og viðkomandi yrkisfelag. Umsókn saman við avriti av prógvum, autorisatión og upplýsingum um arbeiðsroyndir verður at senda til Heimarøktin Eysturoy Økisleiðarin · Postbox 47 · Heilsumiðstøðin FO-620 Runavík · Tlf. 449249 Umsóknarfreistin er 14 apríl.