fríggjadagur 25. januar 2013síða 15

15 Fríggjadagur 25. januar 2013 · Nr. 10 Sosialurin Hugskot og viðmerkingar – send sms til 225000 nøvn Mikudagin 23. januar bórust deyðs­boðini av Erlingi Gutte­ sen. Hann var føddur 17. juni í 1933 og harvið 79 ára gamal, nú hann flutti foldum frá. Inn­til fyri ikki so langari tíð síðani var Erling lættur og frískur sum ein unglingi, men síðani hann varð raktur av herviligari sjúku, viknaði hann skjótt, og nú hann ikki orkaði meir, var Kristvør, sum hann helt so ógvuliga nógv av, framvegis stóri stuðulin. Erling var heima, nú hann slókn­aði. Erling búði í Glostrup, men hann var havnarmaður, og hóast hann nú hevði búð í danska høvuðsstaðnum í meiri enn eina hálva øld, so kendi hann framvegis stór­an tokka til heimlandið og føði­ staðin. Serliga hesi seinnu árini vitj­aði hann ofta aftur heim á klett­ar­nar og í Havn. Eitt nú hev­ur hann í nógv ár verið heima á sam­felags­møt­ un­um í Ebenezer, sum plaga at vera í november. Vøggan stóð við Ting­ hús­vegin. Foreldrini vóru Jó­hanna og Jens Christian Gutte­sen. Tey áttu ellivu børn, og nú Erling er farin, eru trý eftir á lívi. Tey eru Kirst­in, Petur og Brynhild. Pápin var málari, og syn­ ir­nir fylgdu í faðirsins fóta­ spor­um. Óla Jógvan, Petur, Leivur og Erling fingust allir við at mála. Tann elsti, Jens, var skrivstovumaður, og tann yngsti, Gunnar, koyrdi í mong ár lastbil hjá kommununi. Maja búði á Toftum, og allar hinar systrarnar – Gunhild, Kirstin, Brynhild og Ingrid – búðu í Havn. Ein av mongu bygdagent­ unum, sum leitaði sær til Havnar at læra til sjúkra­ systir, var Kristvør, dóttir Súsonnu Malenu og Esberg í Nýggjustovu í Kunoy. Tað rann saman millum Kristvør og Erling, og 1. desember 1962 góvu tey hvør øðrum sítt ja á ráðhúsinum í Keyp­manna­ havn. Fyrstu árini búðu tey í íbúð á Eysturbrúgv, har Adam hjúnini, sum fleiri mill­ um tey rættuliga til­komnu munnu komast við vóru trú­boðarahjún í brøðra­sam­ kom­unum í Føroyum, vóru mill­u­m grannarnar. Kristvør og Erling fingu Kristian og Súsannu, og tey fluttu í hús í Snebær­hav­en í Al­bertslund. Krist­vør ar­ beiddi sum sjúkra­systir á sjúkra­húsum í Keyp­manna­ havn. Í mong ár var tað á Hvid­ovre, har hon hevði stóra ábyrgd og seinni í Glost­rup. Er­ling var nógvu tey seinnu ár­ini mál­ari hjá SAS í Kast­rup. Gestablídni og familju­ alskur vóru eyðkenni fyri tey í Snebærhaven, og vit eru mong, sum minnast aftur á góðar løtur í heimi teirra. Nú eru nøkur ár síðani, at bæði Kristvør og Erling góvust at arbeiða. Sonurin, sum er giftur føroyskari konu, og er verkfrøðingur og sjálvstøðugur vinnurekandi, flutti í húsini, tá ið Kristvør og Erling fluttu í íbúð í Glost­ rup. Dótturin, Súsanna, er gift við donskum manni. Hon er sjúkrasystir, men hon starvst í familjufyritøkuni, sum hon eigur saman við mann­inum. Kristvør og Erling eiga fimm barnabørn, og tey hava kent tað sum forrætt, at børn­ini hava búð so at siga í grannalagnum, og at tey har­við hava havt møguleika at vera so nógv saman við barna­børnunum. Tey bæði hava verið stuðl­ ar í fríkirkjuni í Glostrup, har Kristian er ein av teimum, sum hava høvuðsábyrgd. Sum øll hini í familjuni so var Erling musikalskur, og viðhvørt sang hann solo. Vit minnast Erling, sum ein stillføran, fyrikomandi og lættlyntan mann, sum dugdi so sera væl at síggja tað ljósa í løtuni. Ærað veri minni um havnar­mannin í útisetu Erling Guttesen. Jóannes Hansen Erling verður jarðaður úr Skovlunde Frikirke, Metalbuen 42 í Skovlunde, týsdagin 29. januar kl. 13. Erling Guttesen farin SunnudagSSkúlin í Ebenezer er hvønn sunnudag kl. 12.00 Øll eru hjartaliga vælkomin! EbEnEzEr www.ebenezer.fo