fríggjadagur 25. januar 2013síða 16

Fríggjadagur 25. januar 2013 · Nr. 10 16 Sosialurin Hugskot og viðmerkingar – send sms til 225000 nøvn Tann fjórða januar í ár slókn­aði Gunnvør Svabo Ras­mussen, sum hevði fylt 80 ár í hesum døgum, ella miku­dagin tann 23. í hesum mán­aði. Gunnvør varð fødd í Miðvági í 1933 og vaks upp sum ein av teimum yngstu í einum stórum systkinaflokki (tey vóru ellivu íalt). Hon var dóttir tann kenda Jóhan Hein­drik Samuelsen, sum var lærari í Miðvági og á Gilja­nesi frá 1920 og líka til 1968, altso í 48 ár tilsamans. Eftir eitt stutt skeið sum hand­ilsfólk í Havn, fór Gunn­ vør av landinum í 1952, tá ið so avbera nógv­ir føroyingar fóru til Dan­markar fyri at fáa sær eina væl hollari tilveru, enn tey nakrantíð høvdu kunna fingið sær heima í Før­ oyum. Gunnvør var ambi­tiøs og hevði tíðliga sett sær sum mál, at hon vildi blíva sjúkra­ systir. Hon arbeiddi eina tíð í privat­hús­um sum ar­beiðs­ kona, og brúkti tað sum basis fyri at fara á sjúkra­ pleygu-forskúla á Møn, har so nógvar føroyskar kvinn­ur gingu í sínari tíð. Nakað eftir forskúlan, hitti hon Preben Rasmussen, sum var gardarahusarur í Næst­ved. Hon var tá farin at læra sjúkrapleygu á Amts­ sjúkra­húsinum í Næstved, har hon bleiv liðug í 1958. Preben og hon blivu gift í 1957, meðan hon enn lærdi. Eitt stutt skifti arbeiddi hon á Ríkishospitalinum í Kjøpin­ havn, síðani fekk hon arbeiði á Amtssjúkrahúsinum í Hille­ rød, har hon gjørdist rønt­gen­ sjúkrasystir. Hjúnini búset­t­ ust stutt eftir í Allerød, smáar 12 km sunnanfyri Hillerød. Tey fingu tveir synir, Nick og Per, sum báðir blivu læknar, ann­ar í Norðurjyllandi, og hin í Kjøpinhavn. Síðst í 80´unum flytti Gunn­vør aftur til Kjøpin­ havnar og koma at búgva í einum av teimum hábærsligu íbúðunum, sum Tað danska Sjúkrasystrafelagið eigur í Dronningens Tværgade. Har treivst hon sera væl og fekk nú betri høvi til at lut­taka í tí livandi før­oyska felags­ skapinum í Kjøpin­havn. Longu fyrst í 80´unum kom Gunnvør sum næstfor­ mað­ur í nevndina í Tí før­ oyska Kvinnufelagnum í Kjøpin­havn, har ein annar mið­vingur hevði sitið sum form­aður, líka síðani 1976. Tað var javnaldri og skúla­ felagi hennara, Hervør Nolsøe (eisini fødd 1933). Tær báðar knáu miðvágskonurnar, Her­ vør og Gunnvør vóru í meira enn tólv ár fastir leið­arar av Kvinnufelagnum, og tað er í teirra tíð, at Kvinnu-felagið ger av at flyta í Húsini á Vest­ ur­brúgvagøtu. (Fyrst nr. 18, síðani 17A). Tað var tá, sum nú, at Grunn­urin hjá Kvinnu­felag­ num var tað fíggjarliga funda­mentið undir øllum Før­oya­hús-tiltakinum. Aft­ aná for­mans­skiftið mitt í 90´unum, var Gunn­vør enn við í nevndini eina stutta tíð sum kassa­meistari. Í sjálvum Føroyahúsinum var hon sera aktiv og eitt stórt álit sum sjálvboðið hjálparfólk hjá táverandi leiðaranum, Ják­upi Jacobsen, serliga tá ið á stóð við veitslum og størri fund­ um tíðliga í 90´unum. Gunnvør fór til gravar leyg­ardagin 12. januar úr tí stási­ligu Grundtvígskirkjuni, sum liggur beint við kirkju­ garðin á Bispebjerg, har hon varð jarðað. Vit eru nógvir útisetar, sum sakna Gunnvør Svabo og lýsa frið yvir minni hennara. Virgar T. Dalsgaard Fremst: diddan, og olduromman Mina Jacobsen Frá vinstru: mamman Birita Kjærbo, omman Jonhild Kjærbo og langomman Elin Kjærbo. Lítillátin men miðvís útisetakvinna farin! Fimm ættarlið Á myndini eru 5 ættarlið. Frá vinstru olduromman Malla Olsen, Toftir, langomman Judith Johannessen, Toftir, abbin Benn Johannessen, Toftir, pápin Karl Johannessen, Keypmannahavn, sum situr undir lítlabeiggjanum sum eitur Benn Karlson. Føðingar 4. november fingu Halgerð Árnadóttir og Karl Jo­ hannes­sen, Keypmannahavn ein son. Hann vigaði 3198 gr og var 49 cm langur. Hann eitur Benn Karl­ son. 7. januar fingu Teitur og Adrian ein lítlan beiggja. Hann var 53 cm langur og vigaði 3560 gram. For­ eldrini eru Ingibjørg Eysturoy og Johannes Olsen, Velbastaður. Tann 29. oktober fingu Emilia og India ein lítlan beiggja. Hann vigaði 3765 gr og var 52 cm langur. For­eldrini eru Archibald Andreasen og Elsa Bech búsit­andi i Malmø. 3. januar fingu Rini og Sámal Sivertsen ein son. Hann var 53 cm langur og vigaði 4000 gr. 18. januar fingu Helena og Signar Kallsberg, Viðar­ eiði, eina dóttur. Hon var 53 cm long og vigaði 3900 gr. Fimm ættarlið