mánadagur 17. desember 2012síða 15

15 Mánadagur 17. desember 2012 · Nr. 147 Sosialurin Hugskot og viðmerkingar – send sms til 225000 Ítróttarblaðið Jóannes Hansen Føroyar vóru aftur í gjár negldar á heimskortið í svimjing. Tí syrgdi óføri Pál Joensen enn eina ferð fyri. Harvið kunnu bæði Pál og allir føroyingar, sum fylgja honum og unna honum hjartaliga at fáa úrtøku fyri veldugu íløguna, hann nógvu tey seinastu árini hevur lagt í svimjingina, kenna seg løtt um hjartað. Í august í OL í London gekk tað ikki soleiðis, sum Pál hevði ætlað, og sum vit øll høvdu vónað, at tað skuldi gera. Úrslitið vísti, at Pál var í aldudalinum, tá ið hann sjálvur og venjarin høvdu ætlað og roknað við, at hann skuldi verða á toppinum. Ivaleyst kundi tað vónbrotið hjá mongum havt við sær, at tey løgdu kongin og góvust. Men so­ leiðis hevur tað ikki verið hjá Páli. Heldur hevur hann lagt uppaftur meiri í venjingina – um tað ber til. Hann er fluttur til Danmarkar og Keypmannahavnar, har svimji­um­ hvørvið er størri, enn tað av góðum grundum er her heima á klettunum, og í Istanbul varð staðfest, at Pál aftur er á veg ímóti toppinum, og at hann harvið hevur kveikt vónina um at røkka málinum, sum hann setti sær fyri fleiri árum síðani – at verða heimsmeistari! Í gjár kappaðist hann saman við teimum fremstu í heiminum á stuttbana. Pál vann bronsu í tíðini 14:36.93. Frammanfyri hann vóru danski Mads Glæsner og italski Palitriniere. Gulltíðin hjá Mads Glæsner var 14.30:13, og silvurtíðin hjá Palitriniere var 14:31.13. Fyrsta stóra kilometurin lá Pál Joensen fremstur saman við teim­ um báðum. Men so dragnaði hann eitt sindur, tí teir báðir gjørdu ein eyka vørr. Spurningurin var so, um tað skuldi kiksað orduliga, og Pál harvið heldur ikki hesa ferð skuldi vinna seg á pallin, men tíbetur megn­aði hann at halda tørn um triðja plássið, og harvið syrgdi Pál harvið fyri, at hann og Føroyar fyri fyrstu ferð vunnu bronsukrónu í HM kapping í svimjing. Við avrikinum undirstrikaði Pál eisini so dyggiliga, at hann ætlar sær framvegis at stríðast mill­um teir fremstu, og at tað fram­vegis er grundarlag fyri ætlan­unum hjá hon­um at vinna heims­meistara­ heitið og at vera við í telvingini um OL kapp­ingina í 2016! Stórur fagnaður Inntil fyri ikki so langari tíð síðani, vóru tey kanska ikki so ógvuliga mong, sum gáaðu eftir, hvat tað var, sum óføri vágbingurin var í holtur við - at stríða seg fram ímillum teir allar bestu í heiminum í 1500 metra frísvimjing. Í dag sæst tað á øllum lukku­ ynskj­unum, at føroyingar allir fegn­ast um Pál og óføru avrikini á altjóða støði. Eingin ivi um, at hann er størsta føroyska ítróttarnavnið nakran­tíð. Maðurin, sum fram um allar aðrar hevur staðið undir liðini á Páli í stríðnum at røkka fram ímóti stóra málinum, hevur verið venjarin Jón Bjarnason. Jón er framvegis svimjivenjari her heima á landi og í Vági. Men eld­ hugin fyri Páli og hansara avrikum er sjálvandi framvegis hin sami. Tá ið tað í gjár var greitt, at Pál hevði vunnið bronsukrónuna í HM kappingini á stuttbana, viðmerkti Jón Bjarnason soleiðis: Ein er eitt sindur rørdur í kvøld. Eftir niðurtúrin í summar, var tað fantastiskt at síggja 1500m frí frá Istanbul. Men eg má viðganga at tá ið hann byrjaði at dragna, tá hugaði eg beinavegin »nei nei nei... ikki aftur nú« Men hann tók tað heim, eitt risa lop rætta vegin. So er at vóna at tað ber til at taka eitt fet ella 2 fram til HM á langgeil kom­ andi summar. Eyðkent fyri stórar ítróttarmenn, so vónar Jón, at Pál ikki verður so fegin um hetta avrikið, at ikki meiri verður at vinna. Nú er málið HM á langgeil næsta summar, tá ið vónin er, at Pál skal lyfta seg eitt ella tvey pláss longri upp á pallin. Avrikið í Istanbul í gjár vísti, at hann er føruri fyri tí. Pál Joensen størsta føroyska ítróttarstjørnan nakrantíð! joannes@sosialurin.fo Pál triðjbestur í heiminum Svimjing Vágbingurin vann í gjár bronsu í 1500 metra frísvimjing í HM kappingini, sum í vikuskiftinum var í Istanbul Mynd: Polfoto