mánadagur 17. desember 2012síða 19

19 Mánadagur 17. desember 2012 · Nr. 147 Sosialurin Hugskot og viðmerkingar – send sms til 225000 Ítróttarblaðið Uni Holm Johannesen Mjølnir og SÍ økja mest sum hvørt vikuskiftið um munin niður til hini liðini. Klaksvíkskvinnur eru stórspælandi og vinnur hvørjaferð, meðan SÍ basir øllum hinum lið­ unum. Tað vísti seg aftur hetta viku­skiftið, tá ovastu liðini aftur vunnu sínar dystir. Enn er ikki langt fráliðið í landskappingini, og nógv kann broytast, men støðugu av­rik­ ini hjá teimum fremstu ávarar hini liðini, serliga Fleyr og TB, at nú eru ikki umstøður at missa nógv fleiri stig, um tey ætla sær í finalurnar. Eingin steðgar Mjølnir Síðsta vikuskiftið eydnaðist væl hjá flogbóltskvinnunum á Tvør­ oyri. Við sigrum á bæði Fleyr og Tern­uni vunnu tær seg inn aftur í finalu­stríðið, og flogbóltslagið hev­ur av somu orsøk verið gott har suðuri hesa vikuna. Men tær hava vitað, at møtumikil uppgáva bíðaðu teimum hesaferð, og kravið var at fáa stig í skjáttuna, um sambandið við SÍ ikki skuldi kámast burtur aftur við eitt. Og tað rakk ikki hjá TB. Mjølnir hevði tamarhald á dystinum mest sum allatíð, og tað var sjáldan, at heimaliðið beit frá sær. Gestirnir úr Klaksvík vunnu 3-0 og hava enn fult stigatal. SÍ vann sum væntað eisini hesaferð, tá tær vitjaðu hjá Drátti. Úrslitið var 3-1. Fleyr rennur aftaná Kvinnurnar hjá Fleyr greiddu sín setning í høllini í Kollafirði hesaferð. Tær eru enn í støðuni, at tær renna aftaná báðum oddaliðunum. Fjar­ støðan er kortini ikki størri enn so, at dragnar SÍ nakað kann røðin broytast skjótt. Stigatalvan segði greitt, at Fleyr stendur seg nógv betur enn flog­ bóltskvinnurnar úr Kollafirði, sum bara hava knógva botnliðnum ÍF í hesum kappingarárinum. Tað var av somu orsøk væntað, at Fleyr fór at fáa fult hesaferð. Tað var held­ur ongantíð, at heimaliðið hótti leiðsl­ una, sum gestirnir úr Havn vunnu sær skjótt. Fleyr vann 3-0. Jólafrí Dystirnir hetta vikuskiftið vóru teir seinastu í hesum árinum. Kappingin fer nú í jólafrí til 6. januar. Tá verður oddabrak í Klaksvík, tá ovastu liðini í deildini, Mjølnir og SÍ, spæla. Hóast greiðu ábendingarnar um, at tey fara at spæla finalurnar í vár, so kann framvegis nógv broytast. Serliga, tí tá øll liðini hava spælt tvær ferðir ímóti hvør øðrum, tað er seinast í januar, verða stigini býtt í helvt. Tað kemur kanska serliga dánt við hjá SÍ, sum er við at fara frá bæði Fleyr og TB. Men støðugu avrikini hjá teimum í Sørvági benda á, at tað verður í øllum førum ikki lætt hjá hinum at taka stig frá teimum. uni@sosialurin.fo eik ligan kvinnur/menn Oddaliðini eru ikki til at vika FLOGBÓLTUR Greið tekin eru nú um, at Mjølnir, sum enn hevur fult stigatal, og SÍ fara at spæla finalurnar um føroyameistaraheitið í vár. Liðini vinna hvørt vikuskiftið, og enn hevur einki av hinum liðunum knógvað teimum ovastu Mynd: Álvur Haraldsen TB - Mjølnir 0-3 (18-25, 20-25, 17-25) KÍF - Fleyr 0-3 (17-25, 12-25, 15-25) Dráttur - SÍ 1-3 (15-25, 18-25, 28-26, 12-25)