mánadagur 17. desember 2012síða 20

Mánadagur 17. desember 2012 · Nr. 147 20 Sosialurin Hugskot og viðmerkingar – send sms til 225000 Ítróttarblaðið em2012 Tær úr teimum svørtu fjøll­unum eru best í Evropa Hondbóltur EM-finalan í kvinnuhondbólti millum Noreg og Montenegro bleiv júst so spennandi sum væntað, og hon hevði alt, sum ein finala eigur at hava Árni Joensen Tað vóru tey, sum væntaðu og kanska eisini vónaðu, at kappingin um evropameistaraheitið í hond­ bólti fyri kvinnur fór at enda við ein­ari finalu millum Noreg og Montenegro. Hondbóltshugað høvdu sjálvandi ikki gloymt ta ógloym­andi OL-finaluna millum somu lið í London í summar, og liðini sviku heldur ikki hondbóltsheimin, tá tey møttust aftur í Krombank Arena í Beograd seinnapartin í gjár. Tí hetta bleiv ein finala, sum fer í søguna sum ein tann mest dramat­iska nakrantíð. Teir fyrstu 60 minuttirnir góvu einki úrslit, tað gjørdu teir næstu tvær ferðir fimm heldur ikki, men tá teir seinnu tvær ferðir fimm vóru av, høvdu tær dimmu úr teimum svørtu fjøllunum suðuri á Balkan bast teimum ljósu úr fjøllunum fyri norðan. Tað mundu vera umleið eitt tús­ und norskir áskoðarar til dystin og av góðum grundum nakað væl fleiri montegrinar. Og teir fingu 80 minuttir við sera góðum hondbólti í einum dysti, sum var so spennandi, at teir fyrstu 78 minuttirnar var tað vónleyst at siga, hvønn veg hann fór. Avgerandi útvísingar Ikki tí, tá tá tríggir minuttir vóru eftir av teirri fyrru eykatíðini, mundu tey flestu halda, at dysturin var avgjørdur. Montenegro var á odda 28-25, og við bara trimum min­uttum tóktist uppgávan ov stór sjálvt fyri tað sigursvanda norska liðið. Men so sendu dómararnir montegrinsku Katarina Bulatovic tveir minuttir út um strikuna, og við trimum málum frá Idu Alstad megn­aði Noreg at stríða seg upp á javnt og harvið tvær ferðir fimm min­uttir afturat. Men so hendi tað fyri Noreg, sum ikki mátti henda. Tá tveir min­uttir vóru eftir, stóð á jøvnum 31-31, men so fekk strikuspælarin Heidi Løke tveir minuttir, og hend­ an møguleikan gagnnýttu tær montegrinsku kvinnurnar til fulnar og fór frá 31-31 til 34-31. Frøin var stór á teimum montegrinsku kvinnunum og meginpartinum av áskoðarafjøldini. Tær norsku kvinnurnar vistu ikki, hvussu tær skuldu taka tað. Og tað er ikki so løgið, tí hetta er fyrstu ferð í átta ár, at Noreg ikki vinnur EM-kappingina hjá kvinnum. Eftir gull í 2004, 2006, 2008 og 2010 bleiv tað silvur í 2012. Uppiborin sigur Ein av teimum mest royndu norsku spælarunum, Karoline Dyhre Breivang, ásannaði aftan á dystin, at tað kendist eitt sindur løgið at standa sum tapari aftan á eina finalu. Hon vísti á, at tað norska lið­ ið stríddi seg inn í dystin fleiri ferðir eftir at vera komið afturúr, men at tað kortini ikki var nóg mikið. Venjarin hjá teimum norsku kvinnunum, íslendingurin Thorir Hergeirsson, rósti kvinnunum úr Montenegro. – Montenegro var betri enn vit í dag. Tær vóru sera svangar, og lið­ið er sera væl samanspælt. Tað er eitt sera gott lið úr einari sera góðari hondbóltsmentan, segði íslend­ing­ urin, sum av fleiri bleiv mettur at vera tann besti venjarin í EM-kapp­ ingini. arni@sosialurin.fo Noreg - Montenegro 31-34 (11-12) Noreg: Ida Alstad 11 (1), Heidi Løke 5, Anja Edin 4 (1), Linn Sulland 3, Ida Bjørndalen 2, Linn-Kristin Riegenhuth Koren 2, Camilla Herrem 2, Karoline Dyhre Breivang 1, Linn Gossé 1 Montenegro: Milena Knezevic 10 (1), Katarina Bulatovic 8 (3), Jovanka Radicevic 5, Radmila Miljanic 3, Biljana Pavicevic 2, Marija Jovanovic 2, Andjela Bulatovic 2, Ana Dokic 1, Suzana Lazovic 1 Mynd: Polfoto