fríggjadagur 4. januar 2013síða 19

19 Fríggjadagur 4. januar 2013 · Nr. 1 Sosialurin Hugskot og viðmerkingar – send sms til 225000 framman. Hann ætlar sær millum annað at gera eitt fótbóltslag. - Føroyar hava tørv á einum góðum fótbóltslagið. Vit dúva enn uppá Alex Bærentsen, og hansara sang, sum í veruleikanum er gjørdur til Oyggjaleikir, og nøkur løg frá 80'unum og 90'unum, og tað sigur eitt sindur um støðuna, sigur Finnur Koba. Haraftrat skal hann syngja duet við Guðruni í bólkinum Guðrun & Bartal, tá ið teirra nýggja fløga kem­ur út í næstum. Finn­ur Koba vísur eisini á, at Páll Finnur Páll síðani 2003 hava givið eina fløgu út annaðhvørt ár, og skal tann sið­ venjan haldast, so er neyðugt hjá bólki­num at fram­leiða enn eina fløgu í 2013. yskan tónleik 2012 Ársins Sangari Finnur Koba Ársins Lag All In - Allarhelst heimsmet Lagið hjá Jákup Eli Joensen ”Vanja”, sum í fjør gjørdist ársins lag á Planet Awards, hevur aftur í ár verið ótrúliga nógv spælt í føroysku loftmiðlunum – tó í øðrum hami. Nýggja útgávan av Vanju gjørdist beinan vegin eitt hitt í Føroyum, og bert dagar aftaná, at lagið var almannakunngjørt, var tað spælt fleiri ferðir um dagin í føroysku loftmiðlunum. Og við sigrinum hjá All In í ár kann lagið ”Vanja” kalla seg fyri tað einasta lagið, sum hevur vunnið heiðurin sum Ársins Lag tvey ár á rað. -Tað kennist sum ein deilig viðurkenning at vinna ársins lag. Vit hava lagt nógv arbeiði í lagið, so tað kennist onkursvegna sum arbeiði hevur lønt seg, siga menninir í All In. - Tað er óhoyrt at "sami sangur" verður kosin ársins sangur, tvey ár á rað. Hugsi, at tað man óivað verða heimsmet. Vit hugsaðu heilt einfalt at dómsnevndin fór at sláa nevan í borðið, og siga "nei nú er vell við Vanju. Men uttan at vita hvussu stórur partur av valinum varð grundað á sms atkvøður frá Føroya Fólki, so trúgvi eg neyvan, at okkara trúgvi fjepparaskarði man hava svikið okkum, sigur Jóannes Lamhauge í bólkinum All In. Jóannes Lamhauge heldur, at tað er ein stór æra at fáa eina virðisløn til Planet Awards, hóast tað kanska kennist løgið, at kappast í tónleiki. -Tað er ein stórur heiður, og eitt deiligt herðaklapp at fáa fyri arbeiðið. Planet Awards er jú tað einasta tiltak av sínum slag í Føroyum. Tað kennist sjálvandi eitt sindur løgið, at tað skal verða kapping í tónleiki, og serliga tá øll hini innstillaðu løgini vóru minst líka góð. Men tí er tað sera týdningarmikið, haldi eg, at bíta merki í, at tað snýr seg um "ársins sangur" og ikki "ársins besti sangur". Tí tað hevði jú verið høpisleyst, og eisini ein smakssak. Eg síggi hetta sum ein heiður, ið markerar tað lagið, sum hevur gjørt mest um seg í 2012 í tí almenna føroyska rúminum, og tað nýtist ikki at hava nakað at gera við fakliga tónleika góðsku, sigur Jóannse Lamhauge. Menninir í All In hava longu eina rúgvu av nýggjum tónleiki í gerð, men teir vilja ikki avdúka júst hvat teir ætla at framføra fyri føroyingum í 2013, men teir sláa fast, at 2013 verður eitt spennandi ár.