hósdagur 8. apríl 2004síða 12

22 Nr. 69 - 8. apríl 2004 Nr. 69 - 8. apríl 2004 23 SAMSTARV Jan Müller Í farnu viku varð sáttmáli undirskrivaður millum At- lantic Airways og norsku oljuvinnufyritøkuna Aker Stord. Talan er um størsta einstaka sáttmálan hjá før- oyska felagnum nakrantíð. Atlantic Airways skal komandi tvey árini flyta túsundatals oljuarbeiðarar úr Suðurnoregi til Alta har norðuri. Oljuarbeiðararnir eru við til at byggja eitt risastórt gassverk nær Hammerfest, sum fer at kosta 45 mia. kr. Atlants- flog og Statoil, sum er fyri- støðufelag fyri stóru verk- ætlanina, skipaðu fyri ferð til Stord og víðari til Alta í sambandi við undirskriv- ingina av sáttmálanum. Umleið 40 innboðin úr Føroyum vórðu við. Teirra millum Bjarni Djurholm, landsstýrismaður. Stord liggur millum Sta- vanger og Bergen og har bygdu tey fleiri av heim- sins størstu tangaskipum fram til oljukreppuna í 70- unum. Eftir tað tók olju- vinnan dyk á seg og hetta kom sera væl við hjá kreppurakta Stordøkinum, har stórt arbeiðsloysi brád- liga varð avloyst av eini nýggjari og spennandi framtíð, nevniliga nýggju vinnuni á norska land- grunninum. Umleið 30 ár eftir hesa nýggju byrjan hjá Stord kom so í lag samstarvið við føroyska flogfelagið. At- lantsflog, sum áður hevur tikið eina hond við í flutn- ingi av oljufólki í Føroyum, vildi brúka sínar royndir í útlandinum eisini. Eftir eitt drúgvt og grundleggjandi forarbeiði fingu starvs- fólkini hjá Atlantsflogi eina avtalu í hús. Ein avtala, sum kann fáa positivar av- leiðingar fyri aðrar partar av føroyskum vinnulívi sum frálíðir. Á samkomuni í Stord hósdagin søgdu norsku stjórnarnir seg vera sera væl nøgdar við sáttmálan við Atlantsflog og hildu fyri, at hetta samstarvið fór vónandi eisini at fevna um flutning av norskum ferða- fólki til Føroyar á sumri. Virðing Magni Arge, stjóri segði, at føroyingar hava stóra virðing fyri tí fyritøku vit skulu arbeiða saman við, Aker Stord, sum er ein av teimum stóru fyritøkunum í Noregi og er partur av Aker Kværner samtakinum, ið aftur hevur ein sera týðandi leiklut í norskum vinnulívi. - Vit hava eisini vónir um at kunna megna hesa upp- gávuna, og vit høvdu ikki bjóðað okkum fram at átikið okkum slíkt, um vit ikki mettu, at vit vóru førir fyri tí. Vit halda eisini, at vit hava prógvað hetta øll tey árini vit hava flogið í Føroyum og har til ber at siga, at operativu viður- skiftini í Føroyum og Noregi eru rættiliga mein- lík. Magni Arge vísti á, at hetta er ein sera stórur dagur fyri Atlantic Airways og er hetta størsti einstaki sáttmáli felagið hevur und- irskrivað. -Eg haldi eisini, at hetta er ein viðurkenning av Atlantic Airways og tess starvsfólki, har vit lata eina kappingarføra vøru, eisini máld eftir norðurlendskum ella europeiskum alin. Magni Arge segði seg síggja nógvar framtíðar møguleikar í samvinnuni. Framtíðar perspektiv fyri Atlantic liggja m.a. í tí, at kanska eini 30% av fram- leiðsluni fara at liggja uttan fyri Føroyar, og tað er so ein nýggj menning av fyri- tøkuni. Hann vónaði, at sam- starvið verður so mikið gott, at tað kann fara at halda fram longur enn tey bæði árini, sum sáttmálin fevnir um og kann koma til at fevna um aðrar uppgávur eisini og vit fara eisini at medvirka til at finna møgu- leikar fyri at útvega fólkin- um í Stordøkinum fleiri ferðamøguleikar og harvið eisini kunna útvega fólki her arbeiðsmøguleikar innan flogferðsluna. - Ein kann eisini spyrja, hvat er meira hóskandi fyri at føroyskt flogfelag enn at leita eftir menningarmøgu- leikum í gamla Noregi. Tí tað er jú higani vit koma. Tøkk til øll starvsfólkini Magne Arge vísti á, at góða lagið undir samráðingunum hevur verið merkt av, at vit hava somu mentanarligu bakgrund og tí eisini havt lættari við at skilja hvør annan. Hann rósti teimum fólkunum frá Aker Stord og Atlantsflog, sum hava stað- ið fyri samráðingunum og nevndi Hans Hansen, flog- skipara, sum hevur ein fortíð í at flúgva í Noregi, Marius Davidsen, fíggar- stjóra og Pætur Rasmussen, sum hevur verið verkætl- anarleiðari fyri hesa upp- gávuna. - Men tað er ikki bert ein spurningur um góð sam- ráðingarfólk. Eitt gott úrslit byggir fyrst og fremst á øll tey mongu starvsfólkini hjá báðum fyritøkum, tí tað eru tey, sum hava gjørt, at vit hava verið førir fyri at sam- ráða okkum til ein sáttmála av hesum slagnum. Takk fyri álitið - vit vilja ikki svíkja tað, tvørturímóti vilja vit gera alt vit kunna liva upp til tær vónirnar, sum eru og vit síggja fram til eitt langt og gott sam- starv longur enn hesi bæði árini. Magni Arge við Aker Stord: Vóni vit fáa langt og gott samstarv Magni Arge, stjóri, Hans Hansen, flogskipari, og Henning Iversen, projektleiðari, á Aker Stord á flogvøllinum í Stord Mynd: Jan Müller Sáttmálin verður undirskrivaður Mynd: Jan Müller Flogið varð yvir tí vakra Lofoten Mynd: Jan Müller Skálað verður fyri nýggja samstarvinum. Magni Arge og Henning Iversen Seinasta fríggjadag lat upp sera forvitnislig og øðrvísi framsýning í Listaskálan- um. Tað er fuglfirðingurin Frits Johannessen, sum sýnir fram málningar ser- stakliga við motivum úr tónlistini. Har eru orð, tón- leikur og málningalist í ein- um. Hann hevur nevniliga á ein sjáldsaman hátt bundið tónleikin og málningalist- ina og eisini tónleikin í list og orðum, saman. Tað var serstakur hátíðar- dámur yvir upplatingina, tá listafólk og ikki minst nógvir fuglfirðingar vóru hjástæddir. Frits nýtti høvi til at takka teimum øllum fyri sýnda áhugan og veitti hann eina serstaka til tøkk til listamannin Janus Kamban, sum 30 ár framm- anundan hevði tikið so væl ímóti Frits, sum tá royndi seg við sínum fyrstu máln- ingum á eini framsýning í Listaskálanum. Har var so eisini Sunnleif Rasmussen, sum hevur givið lista- manninum íblástur. Eftir tað spældu ungir tónleik- arar úr Fuglafirði. Gunnrið á Lakjuni spældi cello sam- an við Jóannes Andreassen uppá klaver. Frits hevði so eisini gjørt eitt litið musikkstykki sjálvur, kall- að "Skjøldur", ein duett millum tvær klarinettur. Tveir av næmingunum í musikskúlanum í Fugla- firði framførdu hetta stykk- ið. - Tað frøddi meg at síggja Janus Kamban til upplat- ingina sigur ein fegin og fryntligur Frits Johannes- sen og greiðir frá, at tá hann kom til Havnar 30 ára gamal og hevði framsýning tók Janus Kamban ímóti sær við orðunum: "Tú mál- ar sum ein rættur málari." - Eg gloymi ongantíð orðini. Janus Kamban man vera tann føroyski listamaðurin, saman við Ingálvi av Reyni, sum hava havt størsta týdningin fyri føroyska list. Teir hava altíð dugað at givið teimum, sum eru byrjaðir, eitt herða- klapp. Og at fáa tað frá so frægum listamanni hevur gjørt, at man fór víðari. Framsýningin er opin allan apríl mánað og inn í mai. Frits í Lista- skálanum við poetiskari framsýning Gunrið á Lakjuni spældi cello undir upplatingini Mynd Jan Müller Listamálarin er eisini óførur frásøgumaður Mynd Jan Müller Tveir næmingar frá musik- skúlanum í Fuglafirði spældu musikstykki, sum Frits hevði skrivað til løtuna Mynd Jan Müller Tað frøddi listamálaran, at Janus Kamban hevði leitað sær til upplatingina Mynd Jan Müller Tónleikurin hjá Sunleivi Rasmussen hevur givið Frits nógvan íblástur Mynd Jan Müller C M Y K 23 22