mánadagur 28. januar 2013síða 15

15 Mánadagur 28. januar 2013 · Nr. 11 Sosialurin Hugskot og viðmerkingar – send sms til 225000 Ítróttarblaðið coca-cola cup seinna hálvfinalan – Eg skilti tað ikki fyrr enn høllin kókaði Hondbóltur Tað sigur Una Egilsdóttir, sum skoraði avgerandi málið fyri VB, tá tær í seinastu sekundunum av seinnu hálvfinaluni í steypakappingini tryggjaðu fær pláss í finaluni Tróndur Arge Upp á ein minutt megnaði VB at skjóta trý mál, og á ótrúliga hátt at vinna sær pláss í steypafinaluni. Tað gekk so skjótt fyri seg, at av­ger­ andi málskjúttin ikki visti av, at hon skor­aði avgerandi málið – Eg visti ikki at vit vóru í steypa­finaluni, fyrr enn fólk komu rennandi inn á vøllin. Tá hugdi eg upp á klokkuna og sá at tað stóð 24-19. Men eg skilti tað ikki fyrr enn høllin kókaði, greiðir Una Egils­ dóttir frá eftir dystin. Næst bestu liðini hjá VB og Stjørn­uni spæla, og fleiri VB við­ halds­fólk eru framvegis í høllin. Gleðin og smílini eru at fáa eyga á. Una hevur í seinastu minuttinum ikki greiðu á hvat støðan er, men hon stóð á rætta stað tá hon skuldi. – Eg veit ikki havt eg hugsaði. Eg fór bara fram og stillaði meg har. So kastar Guðrun bóltin fram og eg royndi at strekkja meg, tí tað sá út sum at bólturin bleiv ov langur, sigur Una við einum stórum smili. – Vit fingu trý mál seinasta minuttin, og eg kláraði ikki at regristrera í høvdinum, men kropp­ urin hevur helst regristrera tað, tí eg stillaði meg har frammi at bíða eftir bóltinum, sigur Una víðari. »Hevði eg vita tað« Tað kom kanska VB til fyrimuns, at Una ikki hevði greiðu á, at tað stóð so nógv upp á spæl í seinastu sek­ und­unum. – Hevði eg vita tað, so hevði eg kanska ikki skora, tí so hevði eg heilt sikkurt fingið nervar, men tað var eitt ella annað, sum sigur mær, at eg skuldi standa har. Eg veit bara ikki hvat tað var, tí eg visti ikki av at støðan var sum hon var, sigur Una víðari og flennir. Klokkan á talvuni vísti at tað vóru trý sekund eftir, tá Una skoraði avgerandi málið. Men umframt at hon ikki hevði greiðu á samlaðu støð­uni, so visti hon heldur ikki hvussu nógv tíð var eftir. – Eg hevði heldur ikki ánilsi fyri hvussu nógv tíð var farin. Eg vendi mær bara við og skjeyt. Eg skjeyt faktist beint fram og tað var ikki nakað gott skot. Tað var í miðhædd, men eg visti at málverjin hjá teimum oftast fer í longra hornið, so eg skjeyt bara beint fram við nærmastu stong. Bólturin fór inn og tað er tað, ið telur, sigur ein sjón­ liga fegin Una Egilsdóttir. Una lesir í danmark, men kom heim fríggjdagin í farnu viku, so hon náddi at vera við í báðum hálvfinalunum. Hon er nú farin niður aftur, men vónar at vera í Før­ oy­um til sjálva steypafinaluna, sum verður um góðar tvær vikur. Samanlagt endar hálvfinalan mill­um VB og Stjørnuna 44-44, men VB kemur víðari, tí tær hava skor­ að eitt mál fleiri enn Stjørnan á úti­ vølli. trondur@sosialurin.fo Coca Cola Cup - Steykapapping kvinnur VB - Stjørnan 24-19 (9-10) VB: Una Egilsdóttir 6, Rannva Johannesen 5, Gurið Mortensen 4, Helga Eyðusdóttir 4, Marijana Trbojevic 2, Tamara Radic 1, Laila Jespersen 1, Christina Holm 1 Stjørnan: simona Petersen 7, Lovisa Lassen 6, Ema Bezanovic 3, Ella Petersen 2, Durita Christophersen 1 Tað sigur venjarin hjá Stjørnuni, Svein Rógvi Ljósstein Nielsen, um kensluna tá VB í evstu løtu stjól plássið í steypafinaluni. Lagið var sjálvtsagt ikki gott á Svein Rógva eftir dystin. Hann hevði ilt við at seta orð á hvat var hent, tí Stjørnan tóktist allan vegin hava tak á VB í samlaðu støðuni. Men okkurt gongur heilt galið á tí annars so tiltikna steypaliðnum úr Klaksvík. – Nógvir tekniskir feilir, nógv­ ir brendir møguleikar og stress­að hondbóltsspæl. Vit hava tamar­ hald á VB í álopsspælinum, men vit gera alt ov nógvar feilir í álops­ spæl­inum, sum tær so revsa við mót­álopið, sigur Svein Rógvi. Tá ein minuttur er eftir hevur Stjørnan ein leiðslu upp á trý mál, men hvat gongur gali seinasta min­uttin? – Í staðin fyri at halda ferðina uppi og koma niðan á vøllin, so byrja vit at ganga hondbólt. Vit geva VB møguleikan at stressa okk­um, sigur Svein Rógvi, sum ann­ars hevði eitt time out kort í hondini. – Eg angri meg ikki yvir at eg ikki tók time out, tí eg fekk ikki tíð at taka tað. Tað, sum eg kundi hugsað mær hendi, hendi ikki. Eg vónaði, at vit vóru meiri róligar og spældu bóltin runt heldur enn at missa hann, er staðfestingin frá Svein Rógva. Í Stjørnuni høvdu tey hug at undr­ast á, at VB onga útvísting fekk í øllum dystinum, og at Stjørn­an fekk seks. – Eg undrist eitt sindur á, at vit hava seks útvísingar og tær onga hava. Tað er serliga fyrra út­vís­ ing­in hjá Lovisu Lassen, sum eg haldi er ov langt úti. Í tí førinum mugu dómararnir duga at skilja, at Lovisa ikki er óð inn á dómararnar, men inn á at hon sjálv hevur brent, men tað er ongin umbering fyri at tapa, sigur ein vónbrotin Svein Rógvi. Tað var ein langur steðgur í fyrra hálvleiki, tí klokkan í høll­ ini var óvirkin. Tað var heldur óhepp­ið fyri Stjørnuna, at tær ikki fingu eitt mál góðkent, tá Simon Petersen meddaði til, men klokkan av sær sjálvum fór at ýla. Dómaraparið, Karstin Joensen og Kári Hansen, høvdu ongan ann­ an møguleika enn at kolldøma málið og steðga dystinum. Feløgini av­ráddu at spæla víðari. Sum skilst, so ger Stjørnan ikki nakað við málið og tónin tóktist eisini vera, at tað var ikki rætti mátin at fara fram. Helst tí hendingin fór fram so tíðliga í dystinum og ikki hevði avgerandi týdning í løtuni. trondur@sosialurin.fo – Eg havi ikki orð fyri tí Mynd: Áki Bertholdsen – Eg undrist eitt sindur á, at vit hava seks útvísingar og tær onga hava